គោលនយោបាយ -ការរស់នៅ គោលនយោបាយ

14/05/2019 - 13:58

រៀនសូត្រតាមគំរូអ៊ំគិតគូរជីវភាពប្រជាជន

អនុវត្តបទបញ្ជា០៥/CT-TW របស់ការិយាល័យនយោបាយ ស្ដីពី “រៀនសូត្រនិងធ្វើតាម សតិអារម្មណ៍ សីលធម៌ ឥរិយាបថហូជីមិញ” ឆ្នាំ២០១៩ បក្ខភាគឃុំមីចាញ់ ស្រុកចូវថាញ់ ខេត្តត្រាវិញ បានផ្ដុំកម្លាំងអនុវត្តបធានបទ”បង្កើតស្មារតីគោរពប្រជាជន ពង្រីកប្រជាធិបតេយ្យ គិតគូរជីវភាពប្រជាជន”តាមសតិអារម្មណ៍ សីលធម៌ ឥរិយាបថហូជីមិញ។ ផ្ដើមពីនោះ បានធ្វើឲ្យមានការផ្លាស់ប្ដូរផ្នត់គំនិតទម្លាប់រិៈគិតរបស់កម្មាភិបាល បក្ខជនក្នុងការងារបម្រើប្រជាជន។

ផ្លូវដានក្នុងភូមិត្រោក អាស្រ័យសាខាបក្ស បានចលនាកម្មាភិបាល បក្ខជន និងប្រជាជនព្រួតដៃកសាង។

ទម្រង់នេះដែលបានបក្ខភាគឃុំមីចាញ់ជំរុញទឹកចិត្តពង្រីកគឺជាទម្រង់ “រៀនសូត្រ តាមគំរូអ៊ំ ដោយរបៀបជួយឧបត្ថម្ភគ្រួសារក្រីក្រ” របស់សាខាបក្សភូមិចុងក្រោម។ រៀងរាល់ឆ្នាំ សាខាបក្សភូមិចាត់ឲ្យបក្ខជនមួយរូប ទទួលទំនុកបម្រុងគ្រួសារក្រីក្រក្នុងភូមិមួយ។ ចំពោះគ្រួសារក្រដែលមិនបានឧបត្ថម្ភប្រាក់ ក៏មានវិធីជួយផ្សេងៗគ្នា ដូចជា ជួយផ្គត់ផ្គង់ពូជ មធ្យោបាយបង្កបង្កើនផល ចំពោះគ្រួសារណាដែលជួលឬខ្ចីដីបង្កបង្កើនផល គឺណែនាំពីរបៀប ជ្រើសរើសពូជដំណាំ សព្វចិញ្ចឹម ឬក៏លក់ដូរកំ ប៉ិកកំប៉ុកជាដើម។ ទន្ទឹមនឹងនោះ ពេលទទួលទំនុកបម្រុងគ្រួសារណាហើយ បក្ខជនគប្បីឧស្សាហ៍ចុះទៅដល់ផ្ទះគ្រួសារនោះ ដើម្បីស្វែងយល់ពីទឹកចិត្ត គោលបំណង បញ្ហាលំបាករបស់គ្រួសារនីមួយៗ ដើម្បីមានដំណោះស្រាយជាក់ស្ដែង។ រៀងរាល់ខែនៅពេលប្រជុំសាខាបក្ស បក្ខជនម្នាក់ៗនឹងលើកឡើងនូវបញ្ហាប្រឈម ដើម្បីសាខាបក្សរួមគ្នារកដំណោះស្រាយ។ លោកត្រឹងវ៉ាន់តឺ លេខាសាខាបក្សភូមិចុងក្រោម ឲ្យដឹង៖ “ឆ្នាំ២០១៧ ភូមិចុងក្រោម មានគ្រួសារក្រីក្រចំនួន៤២។ អាស្រ័យអនុវត្តទម្រង់ ឧបត្ថម្ភគ្រួសារក្រីក្រ ទើបឆ្នាំ២០១៨ មានគ្រួសារចំនួន៣១ បានឈានឡើងចាកផុតពីភាពក្រីក្រ ភូមិក៏សម្រេចបានជាភូមិវប្បធម៌-ជនបទថ្មី និងសម្រេចផែនការនៃសេចក្ដីសម្រេចដែលសាខាបក្សដាក់ចេញ។

រីឯសាខាបក្សភូមិត្រោកវិញ កម្មាភិបាល បក្ខជន និងប្រជាជន បានព្រួតដៃកសាងផ្លូវ គមនាគមន៍ក្នុងភូមិ។ បក្ខជនក្នុងសាខាបក្ស ចំនួន៤០នាក់ (ក្នុងនោះ មានខ្មែរ៥នាក់) បានពង្រីកនូវតួនាទីជាគំរូឈានមុខ និងខ្នះខ្នែងចលនាប្រជាជនរួមវិភាគទានជាសម្ភារៈ កម្លាំង ពលកម្មដើម្បីកសាងផ្លូវ។ តាមរយៈការផ្សព្វផ្សាយអនុវត្ត រហូតមកទល់សព្វថ្ងៃ សាខាបក្សបានចលនាប្រជាជនចាក់ក្រួសល្អិតៗនៅ តាមផ្លូវលំទំហំ១,៥ម៉ែត្រចំនួន៥កំណាត់ផ្លូវប្រវែងជិត២.០០០ម៉ែត្រ សរុបជាទឹកប្រាក់ជាង៣៦០លានដុង។ ព្រមជាមួយនោះ សាខាបក្សនៅទាំងចលនាប្រជាជនចូលរួមជួសជុលផ្លូវដានក្នុងភូមិ សរុបទឹកប្រាក់ជាង៦លានដុង។

សមមិត្តង្វៀនវ៉ាន់សឿន លេខាគណៈកម្មាធិការបក្សឃុំមីចាញ់ ឲ្យដឹង៖ “ការបំផុសចលនា “រៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ” កាន់តែរីកសាយភាយក្នុងកម្មាភិបាលបក្ខជន និងប្រជាជន។ គណៈកម្មាធិការបក្សឃុំមីចាញ់ បានធ្វើការគួបបញ្ចូលការរៀនសូត្រតាមគំរូអ៊ំ ទៅជាមួយនឹងការចលនាប្រឡងប្រណាំង ព្រមគ្នានោះក៏ភ្ជាប់ជាមួយនឹង ការអនុវត្តសេចក្ដីសម្រេចចិត្តមជ្ឈិម៤ (នីតិកាល XII) ស្ដីពីបង្កើនកសាង រៀបចំកែលម្អបក្ស ទប់ស្កាត់ការឩនថយអំពីសតិអារម្មណ៍នយោបាយ សីលធម៌ការរស់នៅ បញ្ហា”ភាពប្រែប្រួលដោយខ្លួនឯង” “ផ្លាស់ប្តូរដោយខ្លួនឯង” ក្នុងផ្ទៃក្នុង។ ឆ្លងតាមរយៈនោះ រួមចំណែកលើកកម្ពស់ការយល់ដឹង និងគំនិតទទួលខុសត្រូវក្នុងការអនុវត្តភារកិច្ចដែលបានប្រគល់ឲ្យរបស់កម្មាភិបាល បក្ខ ជនគ្រប់រូប”៕

ម៉ាល័យ-ពេជ្រសឿន

ចែករំលែកអត្ថបទ

ពាក្យគន្លឹះ