ព្រឹត្តិការណ៍ - នយោបាយ នយោបាយ

18/02/2019 - 16:52

គណៈកម្មាធិការជនជាតិ សហការជាមួយក្រុងកឹងធើ រៀបចំពិធីជួបជុំអំណរបុណ្យចូលឆ្នាំថ្មី២០១៩

បន្តដំណើរបំពេញបេសកកម្មនៅតីណាមបូ នៅថ្ងៃទី២២ ខែមករា គណៈប្រតិភូនៃ គណៈកម្មាធិការជនជាតិ ដឹកនាំដោយលោកឡេសើុងហាយ អនុរដ្ឋមន្រ្តី អនុប្រធានគណៈកម្មាធិការជនជាតិ បានអញ្ជើញចុះទៅធ្វើការជាមួយគណៈកម្មាធិការបក្សក្រុងកឹងធើ ដើម្បីពិភាក្សាអំពីកិច្ចសហការរៀបចំពិធីជួបជុំអំណរបុណ្យចូលឆ្នាំថ្មីរបស់ជនរួមជាតិខ្មែរណាមបូ ឆ្នាំ២០១៩។

អនុរដ្ឋមន្រ្តី ឡេសើុងហាយ ជូនអំណោយដល់កម្មាភិបាលចូលនិវត្តន៍។

នៅក្នុងការពិភាក្សា លោកម៉ាយថាញ់យុឹង ប្រធានគណៈចាត់តាំងគណៈកម្មាធិការបក្សក្រុងកឹងធើ ឲ្យដឹង៖ រយៈពេលកន្លង ក្រុងកឹង តែងយកចិត្តទុកដាក់ដល់ការអនុវត្តនូវគោលនយោបាយជនជាតិ និងការងារជនជាតិ។ ជាមួយនឹងទីតាំងភូមិសាស្រ្តឋិតនៅមជ្ឈមណ្ឌលតំបន់ ការរៀបចំពិធីជួបជុំបុណ្យចូលឆ្នាំថ្មីរបស់ជនរួមជាតិខ្មែរណាមបូ ឆ្នាំ ២០១៩ នៅក្រុងកឹងធើ គឺសមស្របបំផុត។ ឆ្លងតាមរយៈនោះ លោកម៉ាយថាញ់យុឹង ស្នើដល់គណៈកម្មាធិការជនជាតិឆាប់កសាងផែនការរួមជាមួយនឹងគណៈកម្មាធិការបក្សក្រុងកឹងធើ ពិភាក្សាយោបល់ដើម្បីឆាប់មានផែនការ ខ្លឹមសារលម្អិតជាក់ស្តែងអំពីព្រឹត្តិការណ៍នេះ។

នៅរសៀលថ្ងៃទី២២ ខែមករា អនុរដ្ឋមន្រ្តី អនុប្រធានគណៈកម្មាធិការជនជាតិ លោកឡេសើុងហាយ បានអញ្ជើញទៅជួបជុំសំណេះសំណាលជូនពរឆ្នាំថ្មីដល់កម្មាភិបាលចូលនិវត្តន៍ អតីតថ្នាក់ដឹកនាំគណៈកម្មាធិការជនជាតិ និងកម្មាភិបាលនៃនាយកដ្ឋានភូមិភាគ III (គណៈកម្មាធិការជនជាតិ)។

នៅក្នុងបរិយាកាសប្រកបដោយភាពស្និទ្ធស្នាលនៃពិធីនេះ អនុរដ្ឋមន្រ្តី ឡេសើុងហាយ មានបិយវាចាសួរសុខទុក្ខ និងជូនពរកម្មាភិបាលចូលនិវត្តន៍ និងកម្មាភិបាលកំពុងបម្រើការងារនៅនាយកដ្ឋានភូមិភាគ III ទទួលឆ្នាំថ្មីប្រកបដោយភាពសប្បាយរីករាយ សុភមង្គល។ អនុរដ្ឋមន្រ្តី ថ្លែងអំណរគុណយ៉ាងជ្រាលជ្រៅចំពោះការរួមចំណែកដ៏ឧត្តុង្គឧត្តមរបស់ថ្នាក់ដឹកនាំនៃគណៈ កម្មាធិការជនជាតិគ្រប់សម័យកាល ក្នុងការកសាងគោលនយោបាយជនជាតិ និងអនុវត្តការងារជនជាតិ។ ចំពោះកម្មាភិបាល ដែលកំពុងបម្រើការងារនៅនាយកដ្ឋានភូមិភាគ III អនុរដ្ឋមន្រ្តី សំណូមពរនាយកដ្ឋានភូមិភាគ III បន្តការពង្រីកលទ្ធផលការងារ ប្រកៀកមូលដ្ឋានក្តាប់ស្ថានភាពជនជាតិ ដើម្បីរបាយការណ៍ ធ្វើសេនាធិការស្នើដល់ថ្នាក់ដឹកនាំគណៈកម្មាធិការជនជាតិអំពីចំណុចខ្វះខាត ភាពប្រទាក់ប្រទិនតម្រូវការដោះស្រាយទាន់ពេល៕

យោង http://baodantoc.com.vn - មុនី

ចែករំលែកអត្ថបទ

ពាក្យគន្លឹះ