មហាសាមគ្គីជនជាតិ ភូមិស្រុកផ្លាស់ថ្មី

06/11/2018 - 09:23

អ្នកមានប្រជាប្រិយភាពរួមកម្លាំងកសាងជនបទថ្មី

អនុវត្តតាមគោលលំនាំរដ្ឋនិងប្រជាជន រួុមកម្លាំងកសាងជនបទថ្មី អ្នកមានប្រជា ប្រិយភាពនៅខេត្តសុកត្រាំង បានចលនាមាមីងជនរួុមជាតិបរិចាគដីរបស់ទ្រព្យនិង កម្លាំងពលកម្ម ដើម្បីកសាងផ្លូវ ស្ពាន រួុមចំណែកធ្វើឲ្យទិដ្ឋភាពជនបទផ្លាស់ថ្មី។

លោកតាំងចូក (ឈរខាងឆ្វេង) ជាអ្នកមានប្រជាប្រិយភាពបានចលនាមាមីងកសាងផ្លូវចូលមណ្ឌល២ នៅភូមិបឹងទ្រៀក។

ភូមិបឹងទ្រៀក ឃុំលីវទូ ស្រុកត្រឹងដេ ខេត្តសុកត្រាំង ជាគំរូនៃចលនាកសាងជនបទថ្មី តាមគោលលំនាំ “រដ្ឋនិងប្រជាជនរួម កម្លាំងគ្នាធ្វើ”។ យោងតាមនោះ រដ្ឋបានកសាងផ្លូវធំចូលទៅកាន់ភូមិស្រុក ចំណែកប្រជាជនបានចូលរួមកសាងផ្លូវដានចូលទៅដល់ផ្ទះនីមួយៗ។ លោកតាំងចូក អ្នកមានប្រជាប្រិយភាពក្នុងជនរួមជាតិខ្មែរ នៅមណ្ឌល២ ភូមិបឹងទ្រៀក ឲ្យដឹង៖ ប្រជាជននៅភូមិបឹងទ្រៀកមានការសាមគ្គី ស្រុះចិត្តគំនិតគ្នាកសាងហេដ្ឋាមូលដ្ឋាននៅភូមិស្រុក អ្នកណាមានតិចរួមចំណែកតិច មានច្រើនរួមចំណែកច្រើន ដោយរបៀបធ្វើនេះរហូតមកដល់សព្វថ្ងៃ គឺមានផ្លូវដានចូលដល់ផ្ទះប្រជាជន។ នៅភូមិខ្ញុំ មាមីងសាមគ្គីគ្នាណាស់ អ្នកខ្លះដាំបាយ អ្នកខ្លះទៀត ធ្វើម្ហូបដើម្បីឲ្យអ្នកធ្វើផ្លូវហូប ចំណែកប្រាក់កាសគឺចូលរួមម្នាក់បន្តិចៗ។ល។”។ លោកចូកបានឲ្យដឹងដូច្នេះ។ បងឡឹមក្វាង លេខាសាខាបក្ស និងជាប្រធានភូមិបឹងទ្រៀក ក៏បានឲ្យដឹង៖ ភូមិនេះមានប្រជាជនជាង៥៧០គ្រួសារ ហើយមានជិត១០០%ជាគ្រួសារជនរួមជាតិខ្មែរ ចែកចេញជា៣មណ្ឌលតាំងទីលំនៅ។ បច្ចុប្បន្ន ផ្លូវគមនាគមន៍បានតភ្ជាប់គ្នាសម្រេចបានលទ្ធផលដូច្នោះ អាស្រ័យការស្រុះចិត្តគំនិតគ្នា កសាងភូមិស្រុករបស់មាមីង យាយតា ពិសេសគឺដោយការចលនារបស់អ្នកដែលមានប្រជាប្រិយភាពនៅភូមិភាគ។

លោកយឿងមិញមឹង អនុប្រធានគណៈកម្មាធិការប្រជាជនឃុំលីវទូ ឲ្យដឹង៖ ការកសាងហេដ្ឋាមូលដ្ឋានជនបទ ពិសេសគឺផ្លូវ ស្ពាន តែងបានប្រជាជនសកម្មចូលរួមធ្វើ។ គិតតាំង ពីដើមឆ្នាំមកដល់បច្ចុប្បន្ន ប្រជាជនក្នុងឃុំបានរួមវិភាគទានទឹកប្រាក់១៨៨លានដុង ដើម្បីកសាងផ្លូវដានប្រវែង៧០មែ៉ត្រ ទទឹងពី១ដល់២មែ៉ត្រ និងស្ពានជនបទ៣ខ្សែ។ ក្រៅពីនោះ មាមីងនៅទាំងរួមវិភាគទានទឹកប្រាក់៣០លានដុង ដើម្បីកសាងរបងព័ទ្ធជុំវិញកន្លែងចាក់សំរាម ជៀសវាងការបង្កឲ្យកខ្វក់បរិស្ថាន៕

ត្រឿងផល-សុផន

ចែករំលែកអត្ថបទ

ពាក្យគន្លឹះ