ព្រឹត្តិការណ៍ - នយោបាយ នយោបាយ

05/09/2018 - 10:54

រដ្ឋមន្ត្រីឌោវ៉ាន់ចៀង ទទួលជួបគណៈប្រតិភូតំណាងអ្នកមានប្រជាប្រិយភាពក្នុងជនរួមជាតិភាគតិចខេត្តសុកត្រាំង

លោកឌោវ៉ាន់ចៀង សមាជិកគណៈប្រតិបត្តិការមជ្ឈិមបក្ស លេខាគណៈអភិបាលកិច្ចការបក្ស រដ្ឋមន្ត្រី ប្រធានគណៈកម្មាធិការជនជាតិ បានជួបសំណេះសំណាលយ៉ាងស្និទ្ធស្នាលជាមួយនឹងគណៈប្រតិភូតំណាងអ្នកមានប្រជាប្រិយភាពក្នុងជនរួមជាតិភាគតិចខេត្តសុកត្រាំង នៅទីស្នាក់ការនៃគណៈកម្មាធិការជនជាតិ។ គណៈប្រតិភូរួមមាន៤០រូប ជាអ្នកមានប្រជាប្រិយភាព ដឹកនាំដោយលោកឡឹមវ៉ាន់ម៉ឹង អនុលេខាគណៈកម្មាធិការបក្ស ខេត្តសុកត្រាំង។

រដ្ឋមន្ត្រី ប្រធានគណៈកម្មាធិការជនជាតិ ឌោវ៉ាន់ចៀង និងអនុរដ្ឋមន្ត្រីអនុប្រធានគណៈកម្មាធិការជនជាតិ

ឡេសឺនហាយ ជូនសៀវភៅនិងអំណោយដល់សមាជិកគណៈប្រតិភូ តំណាងអ្នកមានប្រជាប្រិយភាពខេត្តសុកត្រាំង។

លោកឡឹមវ៉ាន់ម៉ឹង បានរបាយការណ៍ ជូនរដ្ឋមន្ត្រីពីលក្ខណៈទូទៅមួយចំនួន ស្ដីពីស្ថានភាពសេដ្ឋកិច្ច-សង្គមរបស់ខេត្តសុកត្រាំង។ របាយការណ៍បញ្ជាក់ឲ្យឃើញថា ខេត្តសុកត្រាំង តែងផ្តោតការយកចិត្តទុកដាក់គិតគូរជីវភាពនៅតំបន់ជនរួមជាតិភាគតិច ឆ្លងតាមរយៈការអនុវត្តនូវសេចក្តីសម្រេចបធានបទជំនាញរបស់គណៈកម្មាធិការបក្ស ខេត្ត និងផ្សព្វផ្សាយនូវកម្មវិធី គោលនយោបាយជនជាតិរបស់រដ្ឋ។ អាស្រ័យហេតុនោះ ទើបជីវភាពរបស់ជនរួមជាតិមានការវិវឌ្ឍគួរជាទីមោទនៈ អត្រាគ្រួសារក្រីក្រថយចុះគួរឲ្យកត់សម្គាល់។ ទទួលបានលទ្ធផលដូច្នេះ គឺមានការរួមចំណែកយ៉ាងធំធេងរបស់អ្នកមានប្រជាប្រិយភាព អ្នកមុខអ្នកការសាសនា។ អ្នកមានប្រជាប្រិយភាពក្នុងជនរួមជាតិភាគតិចខេត្តសុកត្រាំង បានអនុវត្តប្រកបដោយប្រសិទ្ធភាពនូវតួនាទីរបស់ខ្លួន ជាស្ពាន តភ្ជាប់រវាងគណៈកម្មាធិការបក្ស រដ្ឋអំណាចភូមិភាគគ្រប់ថ្នាក់ជាមួយនឹងប្រជាជន ជួយភូមិភាគសម្រេចនូវភាគកម្រិតសេដ្ឋកិច្ច-សង្គម ធានាសន្តិសុខនយោបាយ សណ្ដាប់ធ្នាប់សុវត្ថិភាពសង្គមលើភូមិសាស្រ្តរយៈពេលកន្លង។

មានប្រសាសន៍ក្នុងពិធីនេះ រដ្ឋមន្ត្រី ប្រធានគណៈកម្មាធិការជនជាតិ ឌោវ៉ាន់ចៀង សម្តែងនូវសេចក្តីសប្បាយរីករាយ ពេលបានទទួលគណៈប្រតិភូតំណាងអ្នកមានប្រជាប្រិយភាពខេត្តសុកត្រាំង ទន្ទឹមនឹងនោះ ទទួលស្គាល់និងវាយតម្លៃខ្ពស់ចំពោះការយកចិត្តទុកពិសេសរបស់ខេត្ត ក្នុងការអនុវត្តនូវគោលនយោបាយជនជាតិ គិតគូរដល់ជីវភាពជនរួមជាតិភាគតិចលើភូមិសាស្រ្ត និងស្ងើចសរសើរការរួមចំណែករបស់អ្នកមានប្រជាប្រិយភាពជាមួយនឹងការចលនានៅភូមិភាគ។ រដ្ឋមន្ត្រី ប្រធានគណៈកម្មាធិការជនជាតិ សង្ឃឹមថា អ្នកមានប្រជាប្រិយភាពក្នុងជនរួមជាតិភាគតិចនឹងចលនាជនរួមជាតិ ជឿជាក់ទៅលើគោលនយោបាយរបស់បក្ស រដ្ឋ; ចលនាប្រជាជនសាមគ្គីកសាងជីវភាពថ្មី ការពារបរិស្ថាន គិតគូរការរៀនសូត្ររបស់សិស្ស; ចលនាមាមីងអភិរក្សពង្រីកអត្តសញ្ញាណវប្បធម៌ជនជាតិ និងចលនាអ្នកមុខអ្នកការ សាសនា“ប្រតិបត្តិល្អការងារសាសនា អនុវត្តល្អការងារសង្គម”; “ស្រុះស្រួលជាមួយគ្នា”៕

យោងៈ កាសែតជនជាតិនិងអភិវឌ្ឍន៍-វិមាន

ចែករំលែកអត្ថបទ

ពាក្យគន្លឹះ