គោលនយោបាយ -ការរស់នៅ ការរស់នៅ

31/07/2018 - 14:17

គំរូលេចធ្លោនៃអតីតយុទ្ធជន

លោកលីក្វាងមិញ ប្រធានសមាគមអតីតយុទ្ធជនពិការឃុំដាយតឹម ស្រុកម៉ីស្វៀង ខេត្តសុកត្រាំង តែងអស់ពីចិត្តជាមួយនឹងការចលនានៅភូមិភាគ។

លោកលីក្វាងមិញ មករវាំងមើលស្រែរបស់ខ្លួន។

លោកលីក្វាងមិញ រងរបួសធ្ងន់ពេលបម្រើកងទ័ពជួយប្រទេសមិត្តកម្ពុជា។ លោកសម្រាកព្យាបាលនៅមន្ទីរពេទ្យ១២១ យោធភូមិភាគ៩ ដោយអត្រារបួសស្នាម៤១% និងជាយុទ្ធជនពិការកម្រិត៣/៤ បន្ទាប់ពីរំសាយពីកងជួរទ័ពវិលមកស្រុកកំណើតម៉ីស្វៀង នៅឆ្នាំ១៩៨៨។ លោកលីក្វាងមិញ រំលឹកឡើងវិញ៖ “ពេលវិលមកស្រុកកំណើត ខ្ញុំបានភូមិភាគចាត់មកបំពេញការងារនៅសមាគមកសិករ ស្រុកម៉ីស្វៀង។ រហូតដល់ឆ្នាំ១៩៨៩ ទើបខ្ញុំការប្រពន្ធ កាលនោះជីវភាពជួបការលំបាកច្រើន។ ខ្ញុំថ្នឹកដៃស្តាំប៉ុន្តែដៃនេះពិការ ម៉្លោះហើយ ធ្វើការរកស៊ីកាន់តែជួបការលំបាក។ បន្ទាប់ពីនោះ ខ្ញុំសម្រេចចិត្តជ្រើសទម្រង់បណ្តុះផ្សិត អាស្រ័យការបណ្តុះផ្សិតអំណោយផល លក់បានថ្លៃទើបជីវភាពគ្រួសារខ្ញុំត្រូវបានកែលម្អជាបណ្តើរៗ”។

ឆ្នាំ១៩៩០ លោកមិញ បានភូមិភាគចាត់មកធ្វើជាប្រធានសមាគមកសិករឃុំដាយតឹម ស្រុកម៉ីស្វៀង។ រយៈកាលជាង១០ឆ្នាំបំពេញការងារសង្គម លោកក្វាងមិញ តែងអនុវត្តសម្រេចល្អភារកិច្ចដែលបានប្រគល់ជូន។ បច្ចុប្បន្ន សមាគមកសិករឃុំ មានសាខាសមាគមចំនួន៨ ដោយមានសមាជិកចំនួន១២៧នាក់ ក្នុងនោះសមាជិកជាជនជាតិខ្មែរមាន១១៩នាក់។ តាមប្រសាសន៍ លោកមិញ អាស្រ័យយល់ច្បាស់ជីវភាពរបស់ជនរួមជាតិខ្មែរ ម៉្លោះហើយគាត់ក៏ប្រមូលផ្តុំកសាងទម្រង់ផលិតធ្វើអាជីវកម្មប្រកបដោយប្រសិទ្ធភាព ប្រើប្រាស់ចំទិសដៅប្រភពទុនបុលពីធនាគារគោលនយោបាយសង្គមស្រុក។ ផ្តើមពីនោះ សមាជិកទាំងឡាយជាជំហានៗ បានឈានឡើង ចាកផុតពីភាពក្រីក្រ លំនឹងជីវភាព។ ជាយុទ្ធជនពិការកម្រិត៣/៤ក៏ពិតមែន ប៉ុន្តែលោកមិញជាគំរូក្នុងការបង្កបង្កើនផល ដើម្បីបង្កើនប្រាក់ចំណូលគ្រួសារ។ ផ្តើមពីដីស្រែឪពុកម្តាយចែកឲ្យ៧កុង ប្តីប្រពន្ធគាត់សន្សែសន្សំទិញមួយឆ្នាំបន្តិចៗរហូមកទល់នឹងបច្ចុប្បន្ន គ្រួសារគាត់មានដីស្រែចំនួន១៧កុង។ អាស្រ័យយកចិត្តទុកដាក់ធ្វើការរកស៊ី បានជាគ្រួសារលោកមិញមានជីវភាពសម្បូរសប្បាយ។

បងលីវប៊ិញធឿន អនុលេខាគណៈកម្មាធិការបក្សឃុំដាយតឹម បញ្ជាក់៖ “សមមិត្តលីក្វាងមិញ ជាអតីតយុទ្ធជនអស់ពីចិត្តក្នុងការងារសមាគម។ ពេលគណៈកម្មាធិការបក្សឃុំ ប្រគល់ភារកិច្ចផ្សព្វផ្សាយដល់ប្រជាជនអំពីការងារកសាងជនបទថ្មី សមមិត្តមិញ តែងអនុវត្តសម្រេចភារកិច្ចបានល្អ។ សមមិត្តមិញ ក៏ជាអ្នកមានប្រជាប្រិយភាពនៅភូមិភាគ គ្រួសារសមមិត្តតែងខិតខំប្រឹងប្រែងធ្វើការបង្កបង្កើនផល ជម្នះលំបាក ឈានឡើងធូរធារ។ ពិសេសសមមិត្តអប់រំកូនចៅលុះក្នុងដំបូន្មាន រៀនសូត្រចប់ចុងចប់ដើម។ សមមិត្តស័ក្តិសមជាអតីតយុទ្ធជន គំរូឲ្យសមាជិកទាំងឡាយនិងមហាជនរៀនសូត្រតាម។ អាស្រ័យដោយអស់ពីចិត្តក្នុងការងារសមាគម សមមិត្តបានសមាគមអតីត យុទ្ធជនគ្រប់លំដាប់ថ្នាក់ជូនលិខិតសរសើរ និងប័ណ្ណសរសើរជាច្រើន”៕

ត្រឿងផល-មុនី

ចែករំលែកអត្ថបទ

ពាក្យគន្លឹះ