សន្តិសុខ - ការពារប្រទេស ការពារប្រទេស

03/05/2018 - 10:12

កងកម្លាំងប្រដាប់អាវុធសកម្មហ្វឹកហាត់

កងកម្លាំងប្រដាប់អាវុធក្រុងកឹងធើ បានផ្ដើមផ្សព្វផ្សាយធ្វើការហ្វឹកហាត់។ មុននោះ អង្គភាពនានាបានខ្នះខ្នែងត្រៀមបម្រុងទីលានហ្វឹកហាត់ ធ្លាហ្វឹកហាត់ ទ្រង់ទ្រាយឧបករណ៍សម្រាប់សិក្សា។ល។ សំដៅបម្រើបានល្អការងារហ្វឹកហាត់។

ហ្វឹកហាត់យោធិនបម្រុងចំណុះកងវរសេនាធំ BB៩៣២។

ដើម្បីឆ្លើយតបតម្រូវការភារកិច្ច និងការលើកកម្ពស់គុណភាពហ្វឹកហាត់ ត្រៀមប្រយុទ្ធកសាងកងជួររៀបរយ បញ្ជាការដ្ឋានយោធាក្រុង ទើបរៀបចំពិធីប្រឡង ”ច្នៃប្រតិដ្ឋកែលម្អទម្រង់ឧបករណ៍ហ្វឹកហាត់ឆ្នាំ២០១៨”។ ស្ថាប័នអង្គភាពទាំងឡាយបាននាំមកក្នុងពិធីប្រឡងនូវការច្នៃប្រតិដ្ឋ កែទម្រង់ចំនួន៨៨។ ក្នុងនោះ មានផលិតផលលេចធ្លោជាច្រើន ដូចជា៖ ប្រអប់បញ្ចូលនិងដោះគ្រាប់នៃកាំភ្លើង AK ឧបករណ៍បង្កើតផ្សែងឧបករណ៍បាញ់ចំគោលដៅមុមកែង (ការិយាល័យសេនាធិការ) ឧបករណ៍សម្រាប់ច្នៃជាដងជំនីកនៃទ័ពថ្មើរជើង (ការិយាល័យបច្ចេកទេស) ជណ្តើរ៣ថ្នាក់តភ្ជាប់គ្នា(គណៈបញ្ជាការយោធាខ័ណ្ឌនិញកេវ)។ល។ គណៈចាត់តាំងពិធីប្រឡងបានស្នើដល់ថ្នាក់ដឹកនាំបញ្ជាការដ្ឋានយោធាក្រុងចង្អុលការដល់ស្ថាប័ន អង្គភាពភូមិភាគបន្តការពង្រីកនូវគំរូនានា ជំរុញការផ្សព្វផ្សាយអប់រំ លើកទឹកចិត្តកម្មាភិបាល យុទ្ធជនខ្នះខ្នែងពង្រីកគំនិតច្នៃប្រតិដ្ឋ កែលម្អ ទម្រង់ឧបករណ៍ហ្វឹកហាត់ថែមទៀតសម្រាប់បម្រើការឲ្យបានល្អជាងទៀតនូវការងារហ្វឹកហាត់ សមយុទ្ធ។

កងវរសេនាធំទ័ពថ្មើរជើង BB៩៣២ ជាអង្គភាពមួយក្នុងចំណោមអង្គភាពនានា ដែលឆាប់ធ្វើការរៀបចំហ្វឹកហាត់របស់កងកម្លាំងប្រដាប់អាវុធក្រុង។ អង្គភាពបានលើកទឹកចិត្តហ្វឹកហាត់ទ័ពបម្រុងជាង១០០នាក់។ ក្នុងរយៈពេល១៨ថ្ងៃ យោធិនបម្រុងទាំងឡាយត្រូវបានរៀបចំហ្វឹកហ្វឺនរួម បច្ចេកទេសប្រយុទ្ធនៃទ័ពថ្មើរជើងបច្ចេកទេសប្រភេទទ័ពរួមបញ្ចូលគ្នា។ល។ យោធិនបម្រុងទាំងឡាយចូលរួមហ្វឹកហាត់សុទ្ធតែមានស្មារតីទទួលបន្ទុកខ្ពស់ សង្វាតហ្វឹកហាត់។ វរសេនីយ៍ទោ កាវថាញ់ហ៊ោង អនុប្រធានកងវរសេនាធំ-ប្រធានសេនាធិការនៃកងវរសេនាធំ BB៩៣២ ឲ្យដឹង៖ "ឆ្នាំនេះ អង្គភាពត្រូវបានបញ្ជាការដ្ឋានយោធាក្រុងប្រគល់ហ្វឹកហ្វឺនយោធិនថ្មី៧៥នាក់។ គ្រប់កិច្ចការត្រៀមបម្រុងឲ្យការហ្វឹកហាត់និងបម្រើការហ្វឹកហាត់ត្រូវបានសម្រេចរួចរាល់។ យើងខ្ញុំខិតខំហ្វឹកហាត់យោធិនថ្មីឲ្យសម្រេចនិទេ្ទសពូកែ”។

ក្នុងពិធីបើកហ្វឹកហាត់ឆ្នាំ២០១៨ វរសេនីយ៍ឯក ង្វៀនត្វឹងខាញ់ សមាជិកគណៈប្រចាំការនៃគណៈកម្មាធិការបក្សក្រុង មេបញ្ជាការដ្ឋានយោធាក្រុង ឲ្យដឹង៖ “អង្គភាពភូមិភាគនានា ធ្វើការហ្វឹកហាត់ផង បំពេញភារកិច្ចត្រៀមប្រយុទ្ធ យាមល្បាតការពារសន្តិសុខនយោបាយលើភូមិសាស្រ្តផង ម្ល៉ោះហើយទាមទារការខិតខំយ៉ាងពេញទំហឹងនៃសមូហភាពកម្មាភិបាល យុទ្ធជននៃកងកម្លាំងប្រដាប់អាវុធក្រុង។ អាស្រ័យហេតុដូច្នោះ គណៈកម្មាធិការបក្ស បញ្ជាការដ្ឋានគប្បីបញ្រ្ជាបគ្រប់ជ្រុងជ្រោយដល់កម្មាភិបាលយុទ្ធជននូវគោលដៅ តម្រូវការនិងភារកិច្ចហ្វឹកហាត់។ ក្នុងនោះ ផ្ដុំកម្លាំងធ្វើឲ្យជាក់ច្បាស់គោលលំនាំ វិធានការរៀបចំអនុវត្តភារកិច្ចហ្វឹកហាត់ជូនមុខសញ្ញាផ្សព្វផ្សាយអនុវត្តត្រូវតាមគម្រោងផែនការដាក់ចេញ ធានាគុណភាពហ្វឹកហាត់ពីមួយថ្ងៃទៅមួយថ្ងៃកាន់តែខ្ពស់។ អង្គភាពទាំងឡាយគប្បីធ្វើឲ្យបានល្អការងារត្រៀមបម្រុង កែសម្រួលរាល់ទម្រង់ឧបករណ៍ កន្លែងហ្វឹកហាត់ ទីលានហ្វឹកហាត់ គម្រោងមេរៀន ខ្លឹមសារបង្ហាត់ក៏ដូចជាការរៀបចំហ្វឹកហាត់ បំពាក់បំប៉នដល់កម្មាភិបាលគ្រប់លំដាប់ថ្នាក់មុនពេលឈានចូលហ្វឹកហាត់។ ទន្ទឹមនឹងនោះ អនុវត្តល្អការងារធ្វើសេនាធិការក្នុងការហ្វឹកហាត់ យកចិត្តទុកដាក់ លើកកម្ពស់គុណភាពឯកសារ មានដូចផែនការហ្វឹកហាត់យុទ្ធវិធីផែនការអប់រំនយោបាយ ផែនការហ្វឹកហ្វឺនធានាសមរភូមិក្រោយ និងបច្ចេកទេស។ល។

វរសេនីយ៍ឯកង្វៀនត្វឹងខាញ់ ឲ្យដឹង៖ “ដំណើរការហ្វឹកហាត់គប្បីផ្សារភ្ជាប់ជាមួយនឹងភារកិច្ចត្រៀមប្រយុទ្ធភូមិសាស្រ្តទទួលបន្ទុក និងភារកិច្ចដែលបានប្រគល់ជូន។ ជាពិសេស គប្បីហ្វឹកហាត់បច្ចេកទេសយុទ្ធវិធីនៅភូមិសាស្រ្តវាលរាបដែលមានព្រែកប្រឡាយជាច្រើននិងប្រយុទ្ធក្នុងក្រុងធានាឲ្យកងទ័ព កងប្រជាស្វ័យត្រាណ រួមគ្នាប្រយុទ្ធក្នុងទីតាំងយុទ្ធសាស្រ្តការពារភូមិភាគ។ ខណៈពេលរៀបចំការហ្វឹកហាត់ សមយុទ្ធបាញ់គ្រាប់ពិតៗ គប្បីអនុវត្តហ្មត់ចត់នូវលក្ខខ័ណ្ឌធានាសុវត្ថិភាព ឧស្សាហ៍ត្រួតពិនិត្យតាមដានត្រួតពិនិត្យហ្មត់ចត់ ដាច់ខាតមិនទុកឲ្យមានការបាត់សុវត្ថិភាពក្នុងការហ្វឹកហាត់”៕

ផាមទ្រុង-សេរី

ចែករំលែកអត្ថបទ

ពាក្យគន្លឹះ