ឆ្នាំកន្លង គណៈកម្មាធិការប្រជាជនក្រុង បានចង្អុលការដល់បណ្តាមន្ទីរ ផ្នែក អង្គការមហាជនសហការជាមួយនឹភូមិភាគនានាអនុវត្តនូវបទបញ្ជា សេចក្តីសម្រេចអនុក្រឹត្យរបស់រដ្ឋាភិបាល និងនាយករដ្ឋមន្រ្តី ស្តីពីការលើកកម្ពស់សុពលភាព ប្រសិទ្ធភាពគ្រប់គ្រងរដ្ឋខាងការងារជនជាតិ។ ពិសេសគឺគោលនយោបាយដោយឡែកជំនួយអភិវឌ្ឍសេដ្ឋកិច្ច - សង្គមតំបន់ជនជាតិភាគតិច។ គណៈកម្មាធិការប្រជាជនទីក្រុងបានចង្អុលការអនុវត្តគោលនយោបាយលើភូមិសាស្រ្តនៃភូមិទាំងពីរ ដែលមានលក្ខណៈសេដ្ឋកិច្ច-សង្គមលំបាកពិសេស។ បច្ចុប្បន្ន ទីក្រុងបានវិនិយោគទុនកសាងហេដ្ឋារចនាសម្ព័ន្ធជូនភូមិលំបាកពិសេសទាំងពីរនេះ ដោយថវិកា២ពាន់លានដុង។ អនុវត្តសេចក្តីសម្រេចចិត្តលេខ២០៨៥/QĐ-TTg ចុះថ្ងៃទី៣១ ខែតុលា ឆ្នាំ២០១៦ របស់នាយករដ្ឋមន្រ្តីផ្តល់សច្ចាប័នលើគោលនយោបាយពិសេសដោយឡែក ជំនួយអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំ ដំណាក់កាល២០១៧-២០២០។ គណៈកម្មាធិការប្រជាជនទីក្រុង បានប្រកាសឲ្យប្រើផែនការលេខ៩៨/KH-UBNDស្តីពីអនុវត្តនូវគោលនយោបាយពិសេសដោយឡែក ជំនួយអភិវឌ្ឍសេដ្ឋកិច្ច-សង្គម នៅកន្លែងដែលមានជនជាតិភាគតិចរស់នៅកុះករ នៅលើភូមិសាស្រ្តក្រុងកឹងធើ ដំណាក់កាល២០១៧-២០២០។ ផ្សព្វផ្សាយអនុវត្ត គម្រោងអនុវត្តសេចក្តីសម្រេចចិត្តលេខ២០៨៥/QĐ-TTg របស់នាយករដ្ឋមន្ត្រី។
ពិធីបញ្ចុះបឋមសិលា កសាងវិជា្ជស្ថាន ព្រះពុទ្ធសាសនាខ្មែរនៅក្រុងកឹងធើ ។
គណៈកម្មាធិការប្រជាជន ទីក្រុងក៏បានចង្អុលការអនុវត្តឲ្យបានល្អនូវសេចក្តីសម្រេចរបស់ក្រុមប្រឹក្សាប្រជាជនក្រុងកឹងធើ ស្តីពីការជំនួយថវិកា ទិញដីសង់ផ្ទះជូនជនជាតិភាគតិច។ ក្រុងបានជំនួយប្រជាជនក្រីក្រ១៩១គ្រួសារនៅឃុំថើយស្វឹង ដោយមានចំនួនមនុស្ស៤៣៩នាក់ តាមសេចក្តីសម្រេចចិត្តលេខ១០២/២០០៩/QĐ-TTg របស់នាយករដ្ឋមន្ត្រី។ អាស្រ័យអនុវត្តនូវគោលនយោបាយទាំងនេះ ម្ល៉ោះហើយក្រុងកាត់បន្ថយបានយ៉ាង ច្រើននូវគ្រួសារក្រីក្រក្នុងជនជាតិភាគតិច។ កាលពីដើមឆ្នាំ២០១៧ ចំនួនគ្រួសារក្រីក្រជាជនជាតិភាគ តិចមាន១.១៤៦គ្រួសារ ស្រូបអត្រា១២,៨០%ប្រៀបនឹងចំនួនគ្រួសារជនជាតិភាគតិចទាំងអស់ តែដល់ចុងឆ្នាំ២០១៧ កាត់បន្ថយបាន៣៦១គ្រួសារ ញុាំងឲ្យអត្រាគ្រួសារក្រីក្រជាជនជាតិភាគតិចថយចុះនៅត្រឹម៨,១៥% ប្រៀបនឹងចំនួនគ្រួសារជនជាតិភាគតិចទាំងអស់ គឺកាត់បន្ថយបាន៤,៦៥%បើប្រៀបនឹងកាលពីដើមឆ្នាំ។ ទន្ទឹមនឹងនោះ ក្រុងអនុវត្តបានល្អនូវគោលនយោបាយទាំងឡាយចំពោះអ្នកមានប្រជាប្រិយភាពដូច៖ សួរសុខទុក្ខជូនអំណោយនាឱកាសបុណ្យទានជាដើម។ ផ្តល់ជូនកាសែត ទស្សនាវដ្តី ព្រឹត្តិការណ៍ព័ត៌មានភាសាខ្មែរដោយឥតគិតថ្លៃ។ រៀបចំទៅដោះដូរ រៀនសូត្របទពិសោធន៍ ស្វែងយល់កេរដំណែលប្រវត្តិសាស្រ្តបដិវត្តន៍ នៅស្រុកកូងដៅ ខេត្តបារៀ-វ៉ុងតាវ និងខេត្តក្វាងណាម ខេត្តថឿធៀងហ្វេបាន២លើក។ គណៈកម្មាធិការប្រជាជនក្រុងក៏បានលើកជូនក្រុមប្រឹក្សា ប្រជាជនក្រុងប្រកាសឲ្យប្រើសេចក្តីសម្រេចលេខ០៨/២០១៧/NQ-HĐND ចុះថ្ងៃទី៦ ខែតុលា ឆ្នាំ២០១៧ ស្តីពីការកំណត់កម្រិតជំនួយបង់ប្រាក់ធានារ៉ាប់រងសុខាភិបាល ជូនអ្នកមានប្រជាប្រិយភាពក្នុងជនជាតិភាគតិចរស់នៅលើភូមិសាស្រ្តក្រុងក្នុងឆ្នាំ២០១៨។ ឆ្នាំសិក្សា២០១៧-២០១៨ ក្រុងបានឧបត្ថម្ភប្រាក់ សាលាជាបន្តដល់សិស្ស និស្សិតជាជនជាតិភាគតិច។ អនុវត្តនូវគោលនយោបាយអភិរក្ស និងពង្រីកអត្តសញ្ញាណវប្បធម៌របស់ជនជាតិភាគតិចគណៈកម្មាធិការប្រជាជនក្រុងផ្សព្វផ្សាយ អនុវត្តគម្រោងវិទ្យាសាស្រ្ត” បង្រៀនរបរនិងអក្សរខ្មែរជូនជនជាតិខ្មែរនៅស្រុកកើ-ដ”។ ក្រុងនៅទាំងយកចិត្តទុកដាក់វិនិយោគទុនអភិវឌ្ឍន៍វប្បធម៌ បង្កលក្ខណៈ ជំនួយស្តារឡើងវិញ និងរក្សាបណ្តាទម្រង់វប្បធម៌ ដោះស្រាយបានទាន់ពេលបណ្តាតម្រូវការសមហេតុសមផលខាងសាសនា ជំនឿរបស់ជនរួមជាតិជាជនជាតិភាគតិចដែលសមស្របនឹងសេចក្តីកំណត់របស់ច្បាប់។ ណែនាំសមាគមសាមគ្គីព្រះសង្ឃស្នេហាជាតិនិងបណ្តាអង្គការសមាគមរបស់ជនជាតិចិន សកម្មភាពត្រូវតាមលក្ខន្តិកៈរបស់សមាគមចលនាជនរួមជាតិ ខ្មែរ ចិន រក្សានិងពង្រីកប្រវេណី អត្តសញ្ញាណ វប្បធម៌ជនជាតិ។
សមមិត្តវ៉ថាញ់ថុង ជូនអំណោយដល់ជនជាតិភាគតិចនាឱកាសដើមឆ្នាំ។
អនុវត្តគោលនយោបាយគិតគូរជូនជនជាតិភាគតិចក្នុងឱកាសបុណ្យទាន ក្រុងបានជូនអំណោយ២.០០០ចំណែកដល់វត្តអារាម គ្រួសារគោលនយោបាយ កម្មាភិបាលចូលនិវត្តន៍ គ្រួសារក្រីក្រ និងអ្នកមានប្រជាប្រិយភាពក្នុងជនជាតិភាគតិច ចាត់តាំងពិធីអំណរបុណ្យចូលឆ្នាំវៀតណាម ដោយចំណាយថវិកា១,១៦៩ពាន់លានដុង។ ជាពិសេសនាឱកាសបុណ្យចូលឆ្នាំថ្មីប្រពៃណីខ្មែរ បណ្តាស្ថាប័នគ្រប់ផ្នែក គ្រប់លំដាប់ថ្នាក់របស់ទីក្រុង បានចាត់តាំងសកម្មភាពជាច្រើន គិតគូរដល់ជនរួមជាតិខ្មែរ ដូច៖ អនុញត្តិឲ្យកម្មាភិបាល អ្នករដ្ឋការ បុគ្គលិក សិស្សនិស្សិត យុទ្ធជនកងកម្លាំងប្រដាប់អាវុធជាជនជាតិខ្មែរបានឈប់សម្រាកទទួលអំណរបុណ្យចូលឆ្នាំថ្មី។ ភូមិភាគនីមួយៗរៀបចំពិធីជួបជុំអំណរបុណ្យចូលឆ្នាំថ្មី។ រៀបចំក្រុមប្រតិភូអញ្ជើញទៅសួរសុខទុក្ខ ជូនអំណោយ។ រៀបចំពិធីទំនាក់ទំនងវប្បធម៌ សិល្បៈ។ រៀបចំប្រកួត ប្រឡងកីឡាអប់រំកាយ។ រៀបចំពិនិត្យព្យាបាលជំងឺ និងជូនឱសថដោយឥតគិតថ្លៃ ព្រមទាំងសកម្មភាពជាច្រើនទៀត ដោយថវិកាជាង១,៥ពាន់លានដុង។
ពង្រីកនូវសមិទ្ធិផលដែលសម្រេចបាន ក្នុងរយៈពេលខាងមុខ គណៈកម្មាធិការបក្សក្រុង គណៈកម្មាធិការប្រជាជនក្រុង ផ្សព្វផ្សាយក្នុងប្រព័ន្ធនយោបាយ និងជនរួមជាតិជាជនជាតិភាគតិច ជ្រួតជ្រាបបណ្តគោលការណ៍ គោលនយោបាយរបស់បក្ស និងច្បាប់របស់រដ្ឋពិ សេសគឺបណ្តាបញ្ញត្តិច្បាប់ និងគោលនយោបាយថ្មីៗ ដែលមានការទាក់ទងដល់ជនជាតិភាគតិច។ បណ្តាសមិទ្ធិផលដែលសម្រេចបានក្នុងការអភិវឌ្ឍសេដ្ឋកិច្ច- សង្គមក្នុងរយៈកាលកន្លង។ យោងលើមូលដ្ឋាននោះ លើកកម្ពស់ការភ្ញាក់រលឹកក្នុងជនរួមជាតិពីទស្សនទាន របស់បក្ស និងរដ្ឋយើងអំពីបញ្ហាជនជាតិគឺ ” បណ្តាជនជាតិវៀតណាមសមភាព សាមគ្គីភាព គោរព និងជួយគ្នាទៅវិញទៅមក ដើម្បីអភិវឌ្ឍន៍ទាំងអស់គ្នា” លើកកម្ពស់ការទទួលខុសត្រូវក្នុងទូទាំងប្រព័ន្ធនយោបាយ និងជនរួមជាតិភាគតិចក្នុងការងារជនជាតិ និងការអនុវត្តការងារជនជាតិ។
ជនរួមជាតិខ្មែរនៅក្រុងកឹងធើត្រៀមទទួលបុណ្យចូលឆ្នាំថ្មី។
ជនរួមជាតិខ្មែរនៅក្រុងកឹងធើ ធ្លាប់មានស្មារតីសាមគ្គី និងរស់នៅជិតស្និទ្ធជាមួយនឹងជនជាតិកិញ ជនជាតិចិន និងជនជាតិដទៃទៀត ដែលរួមរស់នៅក្នុងសហគមន៍ព្រមទាំងជឿជាក់ទៅលើការដឹកនាំរបស់បក្ស អនុវត្តល្អនូវគោលនយោបាយច្បាប់ របស់រដ្ឋ សកម្មពលកម្មផលិត ចូលរួមក្នុងសកម្មភាពរបស់រណសិរ្សមាតុភូមិ និងអង្គការមហាជននានា។ នាឱកាសបុណ្យចូលឆ្នាំថ្មី២០១៨ ជំនួសមុខគណៈកម្មាធិការបក្សក្រុង គណៈកម្មាធិការប្រជាជនក្រុង ខ្ញុំបាទសូមផ្ញើនូវវាចាប្រសិទ្ធពរឆ្នាំថ្មីប្រគេនជូនចំពោះព្រះសង្ឃ ជនរួមជាតិ កម្មាភិបាល យុទ្ធជនបញ្ញវន្ត និងអ្នកមានប្រជាប្រិយភាពក្នុងជនរួមជាតិខ្មែរ ឆ្នាំថ្មីមានសុខភាពបរិបូរណ៍ ជោគជ័យ សិរីសួស្តី សុភមង្គល ព្រមទាំងជឿជាក់ថា ដោយការយកចិត្តទុកដាក់របស់បក្សនិងរដ្ឋ ជនរួមជាតិជាជនជាតិភាគតិចនិយាយរួម និងជនជាតិខ្មែរនៅក្រុងកឹងធើនិយាយដោយឡែក នឹងបន្តការពង្រីកនូវសាមគ្គីភាព ច្នៃប្រតិដ្ឋ ឃ្មាតខ្មីពលកម្មផលិត រួមចំណែកក្នុងការអភិវឌ្ឍរួមរបស់ទីក្រុង៕
បកប្រែ៖ សុផន
ពាក្យគន្លឹះ
អគ្គនិពន្ធនាយក: ត្រឿងវ៉ាំងច្វៀន អគ្គនិពន្ធនាយករងទទួលបន្ទុកភាសាខ្មែរ: ង្វៀងថាញត្វឹង
លិខិតអនុញាតលេខ៧៨៩/GP-BTTTT អាស្រ័យក្រសួងពត៌មាននិងសារគមនាគមន៍ផ្តល់ថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ ទីក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម : quangcao@baocantho.com.vn
សរសេរច្បាស់ប្រភព"សារព័ត៌មានអេឡិចត្រូនិកកឹងធើ" នៅពេលផ្សាយបន្តពីwebsite នេះ។
អភិវឌ្ឍន៍ដោយ:
