គោលនយោបាយ -ការរស់នៅ គោលនយោបាយ

14/06/2016 - 16:03

ទម្រង់រូបភាពប្រិតសំចៃ ដើម្បីឧបត្ថម្ភបក្ខជនក្រីក្រ

ទម្រង់រូបភាពប្រិតសំចៃប្រាក់ស្រស់ស្រូបពេលព្រឹក ដើម្បីរួមវិភាគទានក្នុងមូលនិធិឧបត្ថម្ភសង់ផ្ទះជូនបក្ខជន ជួបការលំបាកលើភូមិសាស្រ្តឃុំឌិញហ្វា ស្រុកហ្គក្វាវ ខេត្តកៀងយ៉ាង។ ចលនានេះ ទោះបីបក្ខភាគឃុំ ទើបតែបំផុសឡើង ប៉ុន្តែកំពុងបានពង្រីកនិងនាំមកនូវប្រសិទ្ធភាពជាក់ស្តែង។

ក្តីត្រេកអររបស់បក្ខជនយ័ញយៀង ពេលបានទទួលផ្ទះថ្មី។

បងយ័ញយៀង ស្នាក់នៅភូមិហ្វាអឹង ជាបក្ខជនដំបូងរបស់បក្ខភាគឃុំឌិញហ្វា បានឧបត្ថម្ភសង់ផ្ទះ។ ផ្ទះឥដ្ឋសង់លើផ្ទៃដី៣៦ម២ ដំបូលប្រក់ស័ង្កសី ធារក្រាលឥដ្ឋពណ៌ គិតជាតម្លៃ១៥លានដុង។ ស្ថានភាពគ្រួសារបងយ័ញយៀង ជួបការលំបាកម្នាក់ឯង "ចិញ្ចឹមកូន" គ្មានដីស្រែចម្ការ។ បងយ័ញយៀង សំណេះសំណាល៖ ក្រៅពីការចូលរួមការងារ នគរបាលភូមិ ពេលទំនេរទៅធ្វើការឈ្នួល ដើម្បីរកប្រាក់គិតគូរឲ្យកូនរៀនសូត្រ។ ព្រោះហេតុនោះ ការដែលបានផ្ទះថ្មីនៅ គឺជាការមិននឹកស្មានសោះឡើយ។ ចំណែកបងយ័ញស្វឹងហ៊ីវ អនុប្រធានភូមិហ្វាតាវ ឃុំឌិញហ្វា ឲ្យដឹងដោយក្តីរីករាយ៖ "មានផ្ទះថ្មីជំនួសឲ្យផ្ទះស្លឹកបណ្តោះអាសន្នគឺជាក្តីត្រេកអរមិនអាចនឹងរៀបរាប់បានឡើយ។ ពេលខាងមុខ ខ្ញុំនឹងខិតខំបម្រើការងារដែលខ្លួនទទួលបន្ទុកនៅភូមិភាគឲ្យបានល្អជាងទៀត ដើម្បីតបទៅនឹងក្ដីទំទុកចិត្តរបស់បក្ខជនទាំងអស់ក្នុងបក្ខភាគមកលើរូបខ្ញុំ"។

លោកស្រីង៉ោហ្វៀងត្រាង អនុលេខាប្រចាំការនៃគណៈកម្មាធិការបក្ស ឃុំឌិញហ្វា ឲ្យដឹង៖ បច្ចុប្បន្ន បក្ខភាគឃុំឌិញហ្វាមានសាខាបក្ខផ្នែកចំនួន៩និងសាខាបក្ខភូមិ១១ ដោយមានបក្ខជន២៣៦នាក់ ក្នុងនោះបក្ខជនខ្មែរស្រូបអត្រា៦០%; បក្ខជនលំបាកខាងផ្ទះនៅ និងលំបាកខាងអភិវឌ្ឍសេដ្ឋកិច្ចមានអត្រាក្រោម២០%។ រូបភាពចលនា គឺចំពោះបក្ខជនកំពុងប្រជុំជីវកិច្ចនៅរាល់សាខាបក្ខ ផ្នែកឬក៏កំពុងបំពេញការងារនៅឃុំ ចូលរួមប្រិតសំចៃប្រាក់ស្រស់ស្រូប២ពេល/ខែ ប្រហាក់ប្រហែល៣០.០០០ដុង/ម្នាក់/ខែ។ ចំពោះបក្ខជនកំពុងប្រជុំជីវកិច្ចនិងបំពេញការងារនៅភូមិប្រិតសំចៃប្រាក់ស្រស់ស្រូប១ពេល/ខែ ប្រហាក់ប្រហែល១៥.០០០ដុង/ម្នាក់/ខែ។ ចំនួនទឹកប្រាក់នេះ នឹងបានរួមវិភាគទានជារៀងរាល់ខែ ក្នុងពេលប្រជុំជីវកិច្ចរបស់សាខាបក្សនីមួយៗ ហើយរាល់ត្រីមាសរាល់សាខាបក្សប្រគល់ជូនបក្ខភាគ រួមជាមួយនឹងសំណើជ្រើសរើសជូនមុខសញ្ញាដែលមានស្ថានភាពលំបាកខាងផ្ទះនៅ។ ឆ្លងតាមរយៈនោះ បក្ខភាគឃុំ រួមជាមួយនឹងសាខាបក្សជ្រើសបក្ខជនដែលលំបាកខ្លាំងដើម្បីបានឧបត្ថម្ភផ្ទះមុន។ ជាមួយនឹងរូបភាពដាក់ចេញដោយចំហដូច្នេះ បានជាបក្ខជនទាំងអស់ក្នុងបក្ខភាគឃុំអ្នកណាក៏ស្របគំនិតគាំទ្រ។

តាមប្រសាសន៍របស់លោកយ័ញឌិញចៀង លេខាសាខាបក្សភូមិហ្វាអឹង ឃុំឌិញហ្វា មកទល់ពេលនេះ ទម្រង់រូបភាពសកម្មភាពបាន៩ខែ និងមានបក្ខជនក្រីក្រក្នុងបក្ខភាគ២រូបបានឧបត្ថម្ភសង់ផ្ទះ គិតជាតម្លៃ១៥លានដុង/ខ្នង បានឧបត្ថម្ភទាន់ពេលដល់បក្ខជនក្រីក្រជួបការលំបាកខាងផ្ទះនៅ ពិសេសគឺចំពោះបក្ខជនខ្មែរ ដើម្បីលំនឹងជីវភាពនឹងនរចិត្តបំពេញការងារ។ នេះគឺជាទង្វើជាក់ស្តែងរបស់បក្ខភាគឃុំឌិញហ្វា ក្នុងការរៀនសូត្រនិងធ្វើតាមគំរូសីលធម៌ហូជីមិញ៕

លេស៊ាង-វិមាន

ចែករំលែកអត្ថបទ

ពាក្យគន្លឹះ