គោលនយោបាយ -ការរស់នៅ ការរស់នៅ

29/03/2016 - 14:58

ចាកផុតពីភាពក្រីក្រដោយសារទម្រង់រូបភាពចិញ្ចឹមទាកាប៉ាបារាំង

លោកថាច់សើុង នៅភូមិង៉ាយឡោA ឃុំត្រាកូង ស្រុកត្រាអ៊ូង ខេត្តវិញឡុង អនុវត្តបានជោគជ័យទម្រង់រូបភាពចិញ្ចឹមទាកាប៉ាបារាំង រកបានប្រាក់ចំណូលលំនឹងជួយគ្រួសារឈានឡើងចាកផុតពីភាពក្រីក្រ ដោយចីរភាព។

ទម្រង់រូបភាពចិញ្ចឹមទាកាប៉ាបារាំងរបស់គ្រួសារលោកថាច់សើុង នៅភូមិង៉ាយឡោ Aឃុំត្រាកូងខេត្តវិញឡុង។

ទាកាប៉ាបារាំង គឺជលបក្សីមួយប្រភេទ ចិញ្ចឹមធាត់ធំយ៉ាងឆាប់។ ព្រោះហេតុនោះ ក្រោយពីរដ្ឋឧបត្ថម្ភលោះបានដីផលិតកម្ម និងជំនួយទុនទិញគោចិញ្ចឹមដោយចំនួនទឹកប្រាក់៤០លានដុង លោកថាច់សើុងបានគួបផ្សំចិញ្ចឹមទានិងគោ។ លោកសើុងបានស្វែងយល់អំពីរបៀបចិញ្ចឹមសត្វ ឆ្លងតាមរយៈសៀវភៅ កាសែតនិងចូលរួមហ្វិកហាត់អំពីរបៀបចិញ្ចឹមសត្វ ដាំដុះ អាស្រ័យឃុំរៀបចំ។ ទន្ទឹមនឹងនោះ លោកថាច់សើុង តែងទៅជួបអ្នកមានចំណេះដឹងខាងចិញ្ចឹមទាកាប៉ាបារាំង នៅកន្លែងដទៃទៀត ដើម្បីរៀនបទពិសោធន៍។ បន្ទាប់ពីបានស្វែងយល់ហ្មត់ចត់ លោកថាច់សុើងមិនរួញរាវិនិយោគទុនទិញទាកាប៉ាបារាំងចំនួន២០០ក្បាល មកចិញ្ចឹមសាកមើលជាមួយនឹងការសង់ទ្រុងយ៉ាងសាមញ្ញ ដោយវាំងសំណាញ់ក្រោមម្លប់ឈើដីចម្ការក្រោយផ្ទះប្រហែល៥០០ម២។ ដោយសារចេះអនុវត្តត្រូវតាមបច្ចេកទេសក្នុងការចិញ្ចឹម ម្ល៉ោះហើយហ្វូងទារបស់លោកថាច់សើុងតិចរងការខាតបង់ និងរីកចម្រើនបានល្អបង្គួរ។ និយាយអំពីប្រភពចំណី លោកថាច់សើុងបានប្រើប្រាស់ អនុផលកសិកម្មដែលមានស្រាប់ ដូចជាត្រកៀត ត្រកួន កន្ទក់ ខ្យង ក្តាម។ល។ ម្ល៉ោះហើយកម្រិតថវិកាចំណាយទិញចំណីយ៉ាងទាប។ ដោយសារទាកាប៉ាបារាំងងាយចិញ្ចឹមធន់នឹងជំងឺបានល្អ ធាត់ធំយ៉ាងឆាប់ ក្រោយពីចិញ្ចឹមរយៈពេល៤ខែក៏អាចលក់បានមធ្យមភាគ ក្នុងទាមួយក្បាលសម្រេចទម្ងន់ពី៣-៤គីឡូក្រាម។

សព្វថ្ងៃតម្លៃទាកាប៉ាបារាំងលក់ចេញនៅទីផ្សារប្រមាណ៥៥.០០០ដុង/គីឡូក្រាម។ លោកថាច់សើុង ឲ្យដឹង៖" ខ្ញុំជ្រើសរើសទម្រង់រូបភាពចិញ្ចឹម គួបផ្សំជាមួយនឹងការបើកលែងឲ្យរកស៊ីក្នុងចម្ការរបស់គ្រួសារ ហើយតែងតែរក្សាឲ្យទ្រុងមានភាពស្រឡះស្រឡំ មានកម្ដៅថ្ងៃគ្រប់គ្រាន់ ពេលយប់ក៏មានរនាំងសម្រាប់បាំងខ្យល់។ ទន្ទឹមនឹងនោះ ខ្ញុំតែងរក្សាធារទ្រុងឲ្យស្ងួតល្អជានិច្ច។ ខ្ញុំអនាម័យទ្រុងរៀងរាល់ថ្ងៃ ជៀសវាងកុំឲ្យធុំក្លិន។ ពេលថ្ងៃ ខ្ញុំបង្អើលទាទៅកាន់ទីលានស៊ីចំណីឲ្យទាហែបហែល ងូតទឹក សំអាតរោមនិងស្វែងរកចំណីក្នុងចម្ការ ប្រសិនបើប្រទះឃើញទា មួយណាមានសុខភាពខ្សោយ ខ្ញុំក៏បង្ខាំងឲ្យវានៅដោយឡែក"។ រហូតមកទល់សព្វថ្ងៃ ទំហំហ្វូងទារបស់លោកថាច់សើុង ក្នុងទ្រុងគឺ២៥០ក្បាល/ល្បាស់។ ក្រោយពីទូទាត់ប្រាក់ចំណូលចំណាយរួច ក្នុងមួយល្បាស់គ្រួសារ លោកថាច់សើុងរកបានប្រាក់ចំណេញជាង១៥លានដុង។

ទន្ទឹមនឹងការចិញ្ចឹមទាកាប៉ាបារាំង គ្រួសារលោកថាច់សើុងដរ៉ាបណាក៏មានគោពី៣ដល់៤ក្បាលនោះដែរ។ អាស្រ័យហេតុនោះ គ្រួសារលោកថាច់សើុងនៅទាំងរកបានប្រាក់ចំណូលជាង១០០លានដុង/ឆ្នាំ ផ្ដើមពីការចិញ្ចឹមសត្វ។ សព្វថ្ងៃទម្រង់រូបភាពចិញ្ចឹមទាកាប៉ាបារាំងកំពុងមាននិន្នា ការរីកចម្រើនយ៉ាងខ្លាំងក្លានៅភូមិភាគរួមចំណែកអភិវឌ្ឍសេដ្ឋកិច្ច កែលម្អជីវភាព ជួយមាមីងចាកផុតពីភាពក្រីក្រដោយចីរភាព៕

លីសៀ - សេរី

ចែករំលែកអត្ថបទ

ពាក្យគន្លឹះ