ព្រឹត្តិការណ៍ - នយោបាយ នយោបាយ

29/09/2015 - 15:03

ត្រុងធូសម្រាប់កុមារក្រីក្រ

ជាមួយនឹងការរួមដៃរបស់សង្គម ប្អូនៗនៅតាមឃុំក្រីក្រ ចំណុះស្រុកឆ្ងាយៗ នៅតំបន់លំបាកពិសេស បានទទួលបុណ្យត្រុងធូ ប្រកបដោយភាពកក់ក្តៅនិងសប្បាយរីករាយ។

"កម្មវិធីព្រះច័ន្ទពេញបូណ៌មីដឹកម៉ូយ " ក្លឹបណូកឺយហ៊ុង នៅឃុំបៀងបាច់ដុង ស្រុកថើយប៊ិញ។

ក្រៅពីការឧបត្ថម្ភរបស់ស្ថាប័ន ថ្នាក់ដឹកនាំខេត្ត ក្លឹបសមាគមសប្បុរសធម៌ស្ម័គ្រចិត្តនានានៅខេត្តកាម៉ាវ នៅទាំងអំពាវនាវទូទាំងសង្គមធ្វើការរៃអង្គាសដើម្បីឧបត្ថម្ភ។ តាមប្រសាសន៍បងស្រីហូក្វីញ៉ី ប្រធានក្លឹបណូកឺយហ៊ុង (Nụ Cười Hồng) (ចំណុះគណៈកម្មាធិការសមាគមសហព័ន្ធ យុវជនវៀតណាម ខេត្តកាម៉ាវ បណ្តាសកម្មភាពសប្បុរសធម៌ដោយស្ម័គ្រចិត្ត បាននាំមកនូវប្រសិទ្ធភាពពិតប្រាកដ ដោយសារវេទិកាលើប្រព័ន្ធអិនធឺណិត ពិសេសគឺបណ្ដាញFacebook។ អាស្រ័យហេតុនោះ ជាង១ខែកន្លងមកនេះ ក្លឹបបំផុសចលនាកម្មវិធី"ច័ន្ទពេញបូណ៌មីដឹកម៉ូយ" លើកទី៣ ដើម្បីរៀបចំជូនសិស្សជាង៣០០នាក់ ទទួលបុណ្យត្រុងធូដោយសប្បាយរីករាយនៅសាលាបឋមសិក្សាដាវយ្វីទឺ ឃុំខាញ់ថ្វឹង ស្រុកអ៊ូមិញ (ក្នុងនោះប្រមូលផ្តុំប្អូនៗ សិស្សានុសិស្សចំនួន១០០នាក់ ដែលមានជីវភាពក្រលំបាកពិសេស កូនចៅជនជាតិដែលមានហានិភ័យបោះបង់ការសិក្សាខ្ពស់)។ បងស្រីក្វីញ៉ី រៀបរាប់កម្មវិធីប្រព្រឹត្តឡើងនៅថ្ងៃ២៤ ខែកញ្ញា(ត្រូវនឹងថ្ងៃ១២ ខែ៨ច័ន្ទគតិវៀតណាម) រួមមានប្រជុំជីវភាព លេងល្បែងសមូហភាពធ្វើប៉េងប៉ោងសិល្បៈជូនសិស្សានុសិស្សក្នុងទូទាំងសាលា។ ទន្ទឹមនឹងនោះ ក៏មានការសម្តែងសិល្បៈទិដ្ឋភាព "រាត្រីព្រះច័ន្ទពេញវង់" ប្រឡងបេះផ្កាប្រជាធិបតេ្តយ្យ ព្រមទាំងជូនរង្វាន់សិក្ខូបករណ៍ដល់សិស្សមានស្ថានភាពក្រលំបាក ចំនួន១០០រូប ជូនអាហារូបករណ៍សិស្សរៀនពូកែ ជម្នះការលំបាកចំនួន១០នាក់ ទំនាក់ទំនងនឹងគំរូឆ្នើមនានា។ បុណ្យត្រុងធូឆ្នាំ២០១៥ ក្លឹបស្ម័គ្រចិត្ត-ដំណើរតភ្ជាប់បេះដូង (ក្រុងហូជីមិញ) បានជ្រើសឃុំតាមយ៉ាងតី ស្រុកង៉ុកហៀន ធ្វើជាកន្លែងរៀបចំកម្មវិធី"សប្បាយត្រុងធូ-ដង្ហែគោមខែសីហា" លើកទី៣ ដោយមានគោមចំនួន៥០០ នំត្រុងធូចំនួន៥០០ អាហារូបករណ៍ចំនួន១០ចំណែក និងកង់ថ្មីចំនួន៥គ្រឿង ក្រៅពីនោះ ក្លឹបនៅទាំងទទួលយកនំ ស្ករគ្រាប់ ទឹកដោះគោ ដើម្បីធ្វើឲ្យសម្បូរបែបទាំងបរិមាណ និងគុណភាពអំណោយជូនកុមារ៥០០នាក់នៅភូមិភាគ។ មុននោះឆ្នាំ២០១៣ ក្លឹបរៀបចំពិធី លេងកម្សាន្តសប្បាយត្រុងធូជូនកុមារចំនួន១.៣០០នាក់ នៅឃុំភឿកឡុង ស្រុកយ៉ុងត្រូម ខេត្តបេនត្រែ; ឆ្នាំ២០១៤ បានជូនអំណោយកុមារ នៅឃុំផុងហេប ស្រុកផុងហេប ខេត្តហូវយ៉ាងចំនួន៤០០នាក់។ បងង្វៀនហ្វាយថាវ (ពិធីករថាវម៉ាប់) ប្រធានក្លឹបស្ម័គ្រចិត្ត-ដំណើរតភ្ជាប់បេះដូង ឲ្យដឹង៖ ក្លឹបមានបំណងរួមចំណែកឧបត្ថម្ភខាងលក្ខណៈ ជីវភាពវប្បធម៌ ស្មារតី ជូនប្អូនៗកុមារតំបន់ជនបទក្រីក្រនៅចុងប៉ូចខាងត្បូងនៃមាតុភូមិ ដើម្បីប្អូនៗទទួលបុណ្យត្រុងធូ ពេញលេញប្រកបដោយអត្ថន័យនិងជាក់ស្តែង។

ប្រម៉ែប្រមូលអេតចាយ ដើម្បីចូលរួមវិភាគទានមូលនិធិកម្មវិធីត្រុងធូ ត្រូវបានចាត់ទុកជាសកម្មភាពធម្មតា ប្រសិទ្ធភាពជាក់ស្តែងដែលមនុស្សគ្រប់រូប អ្នកណាក៏អាចចូលរួមឧបត្ថម្ភបានដែរ។ នេះជាគំនិតរបស់សមាជិកក្លឹបណូកឺយហ៊ុង បានរៀបចំឡើងកាលពីថ្ងៃអាទិត្យកន្លង។ សកម្មភាពទាំងនេះ ត្រូវបានមនុស្សជាច្រើនគាំទ្រដោយស្មោះស្ម័គ្រ។ ប្អូនត្រឹងយ្វី សិស្សរៀនសាលាមធ្យមសិក្សាចំណេះទូទៅហូធីគី ក្រុងកាម៉ាវ ឲ្យដឹង៖ "ផ្ទះប្អូនមានដបជ័រ ក្រដាស់សំណល់របស់របរប្រើប្រាស់ខូចខាត។ល។ ច្រើនណាស់ ជំនួសឲ្យការចោលទទេ ប្អូនរួមវិភាគទានសម្រាប់កម្មវិធី ដើម្បីចែករំលែកក្តីសប្បាយរីករាយរួមជាមួយប្អូនៗក្រលំបាកនេះ ជាទង្វើមានអត្ថន័យប្រសើរខ្លាំងណាស់។ ក្រៅពីនោះ សកម្មភាពទាំងឡាយ ដូច៖ ធ្វើគោម ធ្វើរបស់សិប្បកម្មក៏បានមានក្រុមស្ម័គ្រចិត្តជាច្រើនចូលរួម ពិសេសគឺសិស្ស និស្សិតធ្វើដោយផ្ទាល់ជូនកុមារក្រីក្រ៕

បាំងថាញ់(camauoline.com.vn)ប្រែសម្រួលៈ សឺនម៉ាល័យ

ចែករំលែកអត្ថបទ

ពាក្យគន្លឹះ