គោលនយោបាយ -ការរស់នៅ ការរស់នៅ

04/08/2015 - 08:58

អភិវឌ្ឍសេដ្ឋកិច្ចសមុទ្រ

ដោយសក្កានុពលនៃក្រុងឆ្នេរសមុទ្រមួយ-ក្រុងវិញចូវ ខេត្តសុកត្រាំង បាននិងកំពុងអភិវឌ្ឍទម្រង់រូបភាពសេដ្ឋកិច្ចឆ្នេរសមុទ្រ ដើម្បីក្លាយជាភូមិភាគមួយធ្វើមានពីសមុទ្រ។

លោកឡេថាញ់ទ្រី អនុប្រធានគណៈកម្មាធិការបក្សខេត្ត ទស្សនកិច្ចស្រះចិញ្ចឹម
artimia របស់សហករណ៍វិញចូវ។

ជាភូមិភាគមួយក្នុងចំណោមភូមិភាគនៅជាប់មាត់សមុទ្ររបស់ក្រុងវិញចូវ ឃុំវិញហាយ មានឆ្នេរសមុទ្រ១៦គីឡូម៉ែត្រ ម្ល៉ោះហើយសមុទ្របានផ្តល់នូវប្រភពចំណូលជលផលដ៏សម្បូរបែប។ អាស្រ័យរស់នៅតាមឆ្នេរសមុទ្រ កសិករក៏មានភាពងាយស្រួលក្នុងការបញ្ចូលទឹកសមុទ្រសម្រាប់ចិញ្ចឹមបង្គា។ ទន្ទឹមនឹងនោះ កសិករក៏បានទាញយកផលពីប្រភពជលផលតាមឆ្នេរសមុទ្រ ឬក៏ក្រោមម្លប់ព្រៃការពារ។ ពូតាំងសយ នៅភូមិអូវថB ឃុំវិញហាយ ឲ្យដឹង៖ "តាមទឹកជោរនាច ខ្ញុំទៅនេសាទរកបានងាវ ក្តាម ត្រីនៅតាមឆ្នេរសមុទ្រលក់បានពី៥០.០០០-១០០.០ ០០ដុង/ក្នុងមួយពេលចេញទៅនេសាទ ប្រាក់ចំណូលទាំងនេះសម្រាប់ចាយវាយប្រចាំថ្ងៃ ឃើញថាជីវភាពគ្រួសារខ្ញុំមិនសូវមានការលំបាកប៉ុន្មាន"។

តាមលោកឡេមិញត្រឿង ប្រធានការិយាល័យសេដ្ឋកិច្ចក្រុងវិញចូវ ឲ្យដឹង៖ ក្រុងមានព្រៃការពារជិត២.៦០០ហិកតា មានជលជាតិរស់នៅច្រើនប្រភេទ។ ជាពិសេសបរិមាណផលនេសាទតាមឆ្នេរសមុទ្រនៅក្រុងវិញចូវ មានចំនួន៤.៣០០តោ/ឆ្នាំ ដោយមានត្រីគ្រប់ប្រភេទ មានដូច៖ ត្រីត្បក ត្រីពុកឆ្មា ងាវ គ្រែង។ល។ អាស្រ័យដោយជាប់ព្រំប្រទល់ជាមួយសមុទ្រខាងកើតនិងដៃទន្លេម៉ីថាញ់ ម្ល៉ោះហើយក្រៅពីការទាញយកផល គ្រួសារកសិករជាច្រើននៅទាំងចិញ្ចឹមជលផលទៀតផង។ ពិសេសគឺចិញ្ចឹម artimia នៅវិញចូវមានការរីកចម្រើនជួយគ្រួសារមា មីងខ្មែរជាច្រើនរកបានប្រាក់ចំណូលលំនឹង។ ក្រៅពីនេះ សហករណ៍ artimia វិញចូវ នៅឃុំវិញតឹង ត្រូវបានចាត់ទុកជាកន្លែងផ្គត់ផ្គង់ផលិតផល គុណភាពល្អ។ ព្រមជាមួយនោះ ផលិតផលរបស់សហករណ៍ត្រូវ បានលក់ចេញក្នុងនិងក្រៅប្រទេស។ លោកង្វៀនជីកុង អនុប្រធានគណៈកម្មាធិការប្រជាជនក្រុងវិញចូវ ឲ្យដឹង៖ ក្រុងកំពុងមានផែនការ ក្រៅពីការគ្រប់គ្រងពូជ និងថ្នាំបសុសត្វបានហ្មត់ចត់ ក្រុងនឹងជ្រើសប្រភេទជលផលមួយចំនួន ដែលមានប្រសិទ្ធភាពសេដ្ឋកិច្ចខ្ពស់ ដើម្បីចិញ្ចឹម មានដូច៖ ក្តាម ត្រីឆ្តោ ត្រីត្បក។ល។ ជួយកសិករបង្កើនប្រាក់ចំណូល កាត់បន្ថយនៅទាបបំផុតនូវកម្រិតហានិភ័យដោយសារជំងឺផ្សេងៗ។

តាមប្រសាសន៍លោក ង្វៀនជីកុង ក្នុងអាណត្តិកាលខាងមុខ ក្រុងនឹងបន្តការអនុវត្តន៍សេចក្តីសម្រេចរបស់គណៈកម្មាធិការបក្សខេត្ត និងគណៈកម្មាធិការបក្សក្រុង ស្តីពីការអភិវឌ្ឍន៍សេដ្ឋកិច្ចសមុទ្រដល់ឆ្នាំ២០២០។ ធ្វើយ៉ាងណាបង្កលក្ខណសម្បត្តិងាយស្រួល ដើម្បីនេសាទករវិនិយោគទុនលើការទាញយកផលឬក៏ធ្វើនេសាទតាមសមុទ្រនិងអភិវឌ្ឍសេវាព័ស្តុភាររបរត្រី។ ដូច្នេះគ្រប់គ្រងឲ្យបានដិតដល់នូវរាល់សកម្មភាពទាញយកផលសមុទ្រនៅតំបន់ ជាពិសេសគឺតំបន់ជិតឆ្នេរសមុទ្រ។ ការទាញយកផលពីធនធានសមុទ្រ គប្បីផ្សារភ្ជាប់ជាមួយនឹង ការការពារប្រភពចំណូលផល ក៏ដូចជាការការពារឲ្យបានល្អនូវប្រព័ន្ធ ជីវស្ថានព្រៃលិចទឹកប្រៃ រួមមានព្រៃការពារឆ្នេរសមុទ្រ មាត់ទន្លេ ព្រមទាំងស្តារឡើងវិញ ព្រៃលិចទឹកប្រៃនៅតំបន់ទទួលរងនូវការទាញយកផលសមុទ្រខុសច្បាប់។ល។៕

យ្វីអាញ់-លីសៀ

ចែករំលែកអត្ថបទ

ពាក្យគន្លឹះ