មហាសាមគ្គីជនជាតិ ភូមិស្រុកផ្លាស់ថ្មី

05/09/2016 - 19:37

ភាពផ្លាស់ថ្មីនៅតឹងហ៊ីប

វិលមកកាន់ឃុំតឹងហ៊ីប ស្រុកថ្កូវ ខេត្តត្រាវិញ យើងខ្ញុំមានការស្រឡាំងកាំង នៅចំពោះមុខភាពផ្លាស់ប្តូរយ៉ាងសកម្មនៅកន្លែងដែលមានជនរួមជាតិខ្មែររស់នៅជិត៨០%។ ជនរួមជាតិខ្មែរនឹងជនជាតិផ្សេងៗទៀតលើភូមិសាស្រ្ត រស់នៅក្នុងភាពសាមគ្គីស្អិតល្មួត។

ផ្លូវចូលកាន់មជ្ឈមណ្ឌលឃុំតឹងហ៊ីប។

នាំយើងខ្ញុំទៅទស្សនាផ្លូវគមនាគមន៍តភ្ជាប់ពីភូមិមួយទៅភូមិមួយលោកលីវាំុងណាំង លេខាគណៈកម្មាធិការបក្សឃុំតឹងហ៊ីបអំនួត ៖ ឥឡូវអ្នកកាសែតអាចនឹងធ្វើដំណើរចូលមកមជ្ឈមណ្ឌលឃុំដោយរថយន្ត និងទៅកាន់ភូមិនានាក្នុងឃុំដោយម៉ូតូគ្មាននៅបារម្ភពីភក់ជ្រំដូចមុនឡើយ។ ផ្លូវគមនាគមន៍ទាំងនេះភាគច្រើនសុទ្ធតែចាក់ក្រួសក្រាលកៅស៊ូរាបរលូន។ ក្នុងរយៈកាល៥ឆ្នាំកន្លង តម្លៃផលិតកម្មមធ្យមភាគរបស់ឃុំ សរុបជាង១៨៦ពាន់លានដុង សម្រេចជិត១២៤%នៃផែនការ។ ក្នុងនោះ វិស័យសំណង់ពាណិជ្ជកម្ម សេវាកម្មមានកម្រិតកំណើនច្រើនបំផុត ជាមួយនឹងតម្លៃកើនសរុបជាង៣៨%។ ចំណូលមធ្យមភាគលើមនុស្សម្នាក់ៗ សម្រេច១៨,៦លានដុង កើន៩,៨លានដុង បើប្រៀបធៀបជាមួយនឹងឆ្នាំ២០១០។ អាស្រ័យការបង្វែររចនាសម្ព័ន្ធផលិតកម្ម កសិករនៅតឹងហ៊ីបបង្កបង្កើតបាននូវទម្រង់រូបភាពជាច្រើន សម្រាប់អនុវត្តក្នុងផលិតកម្ម នាំមកនូវប្រសិទ្ធភាពសេដ្ឋកិច្ចខ្ពស់ មធ្យមភាគតម្លៃផលិតកម្មសម្រេច៩០លានដុង/ហិកតាកើន៣០លានដុង។ ថ្មីៗនេះ ឃុំបង្កើតបន្ថែមក្រុមសហការផលិតចំនួន៤ក្រុមដូច្នេះគិតមកទល់នឹងបច្ចុប្បន្ន ក្រុមសហការផលិតរបស់ឃុំ កើនឡើងចំនួន១១ក្រុម និងកសាងវាលស្រែគំរូធំផលិតអំពៅ ជាមួយនឹងផ្ទៃដីដាំជាង២១ហិកតា។

សេដ្ឋកិច្ចរីកចម្រើន កម្រិតប្រជាបញ្ញានៅតឹងហ៊ីបពីមួយថ្ងៃទៅមួយថ្ងៃក៏ត្រូវបានលើកកម្ពស់ អត្រាកៀរគរកុមារអាយុ៥ឆ្នាំចូលរៀនថ្នាក់មតេ្តយ្យ និងកុមារអាយុ៦ឆ្នាំចូលរៀនថ្នាក់ទី១ សម្រេចពី៩៥ដល់១០០%។ ជារៀងរាល់ឆ្នាំ ឃុំបានទទួលស្គាល់ឡើងវិញជាឃុំសម្រេចបទដ្ឋានជាតិ អំពីការធ្វើឧត្តានកម្មអបរំបឋមសិក្សានិងមធ្យមសិក្សាមូលដ្ឋានត្រូវតាមកម្រិតអាយុ។ ការចលនាទូទាំងប្រជាជនសាមគ្គីកសាងជីវភាពវប្បធម៌ នៅភូមិភាគ មានការរីកចម្រើនជាបន្ត បច្ចុប្បន្នមានភូមិវប្បធម៌៩/៩ គ្រួសារវប្បធម៌មានជាង៩៧%។ ពិសេស ក្នុងឃុំមានសិល្បករបានរដ្ឋស្ងើចសរសើរក្នុងការអភិរក្ស និងអភិវឌ្ឍ ទម្រង់សិល្បចម្រៀងចាប៉ីរបស់ជនរួមជាតិខ្មែរ។ នេះជាបេតិកភ័ណ្ឌវប្បធម៌អរូបីជាតិលើកដំបូងរបស់ខេត្តត្រាវិញ។ ទន្ទឹមនឹងនោះ ភូមិភាគនៅទាំងអនុវត្តបានល្អនូវគោលនយោបាយមួយចំនួនរបស់បក្ស និងរដ្ឋ អនុគ្រោះចំពោះគ្រួសារឋិតក្នុងក្របខណ្ឌគោលនយោបាយ គ្រួសារជនរួមជាតិខ្មែរក្រីក្រ គ្រួសារក្រីក្រ គ្រួសារជិតក្រលើភូមិសាស្រ្តឃុំ...។

លោកលីវាំុងណាំង ឲ្យដឹងបន្ថែម៖ "ដើម្បីពង្រីកសមិទ្ធផលដែលសម្រេចបានដល់ឆ្នាំ២០២០ បក្ខភាគឃុំតឹងហ៊ីប ប្តេជ្ញាកសាងប្រព័ន្ធនយោបាយរឹងមាំ និងអនុវត្តឲ្យសម្រេចរួចរាល់នូវភាគកំណត់សំខាន់ៗ មួយចំនួនមានដូច៖ សរុបតម្លៃផលិតកម្មសម្រេច៣៥១ពាន់លានដុង កើនលើស៣ដងប្រៀបនឹងបច្ចុប្បន្ន ចំណូលមធ្យមភាគលើមនុស្សម្នាក់ៗ សម្រេច៣៥លានដុង កសាងជោគជ័យឃុំជនបទថ្មី។ ជារៀងរាល់ឆ្នាំ ឃុំបង្កការងារធ្វើជូនពលករ-ការិនីចំនួន២៣០នាក់ កាត់បន្ថយអត្រាគ្រួសារក្រីក្រមធ្យមភាគសម្រេច៤%/ឆ្នាំ កសាងជោគជ័យឃុំវប្បធម៌។ អត្រាគ្រួសារប្រើប្រាស់អគ្គិសនីសម្រេច៩៩%។ អត្រាគ្រួសារប្រើប្រាស់ទឹកស្អាតសម្រេច៩៨,២%..."៕

ថាញ់ផុង-មុនី

ចែករំលែកអត្ថបទ

ពាក្យគន្លឹះ