គោលនយោបាយ -ការរស់នៅ ការរស់នៅ

30/12/2014 - 10:41

បងថាច់បាជាកសិករផលិតពូកែ

ផ្តើមពីជីវភាពក្រលំបាកឈានឡើងចាកផុតពីភាពក្រីក្រ ហើយក៏ជាកសិករផលិតពូកែថ្នាក់ខេត្ត បងថាច់បា គឺជាកសិករម្នាក់ក្នុងចំណោមនោះដែរបច្ចុប្បន្ន បានក្លាយជាកសិករខ្មែរគំរូពោរពេញទៅដោយស្មារតីឆ្លងកាត់ការលំបាក។

អាស្រ័យអនុវត្តវិទ្យាសាស្រ្តបច្ចេកទេសជឿនលឿនក្នុងការផលិត ទើបកសិករ

នៅវិញឡុងឈានឡើងធ្វើមាន។

បងថាច់បា នៅភូមិទ្រុងត្រាច់ ឃុំទ្រុងថាញ់ ស្រុកវ៉ុងលីម ជាគ្រួសារក្រីក្រមួយមានជីវភាពក្រលំបាក។ កូនច្រើនប្តីប្រពន្ធបងដើរធ្វើការឈ្នួលនឿយហត់ដើម្បីរកប្រាក់ផ្គត់ផ្គង់គ្រួសារ។ ឆ្នាំ១៩៩៦ គ្រួសារបងបានកម្មវិធី Heifer វៀតណាមជួយឧបត្ថម្ភគោពូជ។ បងថែរក្សានិងអភិវឌ្ឍទម្រង់រូបភាពចិញ្ចឹមគោបន្ដពូជរហូតមកទល់សព្វថ្ងៃ។ អាស្រ័យដោយប្រើប្រាស់ប្រភពស្មៅធម្មជាតិគួបផ្សំជាមួយនឹងការថែទាំត្រូវតាមបច្ចេកទេសបច្ចុប្បន្ន ហ្វូងគោរបស់បងមានគោមេ៥ក្បាលកំពុងឋិតក្នុងដំណាក់កាលកើតកូននិងគោកូន២ក្បាលមានអាយុជិត៤ខែ។ ដើម្បីទម្រង់រូបភាពនេះ បានប្រកបដោយប្រសិទ្ធភាពក្នុងមួយឆ្នាំៗ បងចិញ្ចឹមគោបន្តពូជពី៣ដល់៥ក្បាលហើយជម្រើសលក់ពី១ទៅ២ក្បាលរកបានប្រាក់ចំណូលជាង២០លានដុង។ ក្រៅពីអភិវឌ្ឍការចិញ្ចឹមសត្វបងថាច់បា នៅទាំងវិនិយោគទុនដាំចម្ការ២កុងនិងដាំដំណាំរួមផ្សំគ្រប់ប្រភេទដូច៖ស្ពៃ ពោត សណ្តែក។ល។ ក្នុងមួយឆ្នាំៗ បងប្រមូលផល៣រដូវក្រោយពីទូទាត់រួចស្រេចនៅចំណេញជាង១០លានដុង។ បងថាច់បា ឲ្យដឹង៖"កាលនោះគ្រួសារក្រណាស់ ការប្រពន្ធរួចហើយចេញនៅដោយឡែកឪពុកម្តាយចែកដីស្រែឲ្យបាន២កុងនិងខាងប្រពន្ធក៏ចែកដីឲ្យបាន២កុងថែមទៀត ពេលនោះប្តីប្រពន្ធយើងខ្ញុំដើរធ្វើការឈ្នួលបន្ថែម ដើម្បីរកប្រាក់ចិញ្ចឹមកូនៗរៀនសូត្រសព្វថ្ងៃ ខ្ញុំត្រូវខិតខំធ្វើយ៉ាងណាឲ្យតែកូនៗរៀនសូត្របានល្អដើម្បីអនាគតពួកគេមានភាពភ្លឺស្វាងកុំឲ្យចាញ់មិត្តភក្តិ។ គិតឃើញដូច្នេះ ខ្ញុំក៏ប្តេជ្ញាចិត្តឈានឡើងដើម្បីបានចាកផុតពីភាពក្រីក្រនិងអនាគតកូនៗបានភ្លឺស្វាង។ រៀងរាល់ឆ្នាំឃុំបានជូនយើងខ្ញុំទៅរៀនថ្នាក់ចិញ្ចឹមសត្វដាំដុះអាស្រ័យហេតុដូច្នោះទើបខ្ញុំរៀនសូត្របាននូវចំណេះដឹងនិងបទពិសោធន៍ខ្លះៗ ដើម្បីផលិតកម្ម ។ជីវភាពគ្រួសារបងថាច់បា សព្វថ្ងៃក៏បានធូរធារជាងមុនគ្មានខ្វះមុខខ្វះក្រោយដូចមុនទៀតទេ"។

ទោះបីទទួលបាននូវលទ្ធផលដូចសព្វថ្ងៃ ប៉ុន្តែគ្រួសារបងថាច់បានៅតែពង្រឹងពង្រីកស្មារតីខិតខំដោយខ្លួនឯងឥតឈប់ឈដើម្បីបន្តការឆ្លងកាត់ការលំបាកក្នុងជីវភាព។ ម្យ៉ាងវិញទៀត បងនៅទាំងខិតខំរៀនសូត្រក្តាប់ពត៌មានពិសេសគឺការអនុវត្តន៍បណ្តាបច្ចេកទេសជឿនលឿនក្នុងការដាំដុះចិញ្ចឹមសត្វរួមចំណែកនាំមកនូវប្រសិទ្ធភាពសេដ្ឋកិច្ចខ្ពស់ក្នុងការផលិតកម្ម។ លោកង្វៀនវ៉ាំងហ្វេ លេខាសាខាបក្សភូមិទ្រុងត្រាចឃុំទ្រុងថាញ ឲ្យដឹង៖"គ្រួសារពូថាច់បាជាគ្រួសារគំរូម្នាក់និងជាកសិករផលិតពូកែជាច្រើនឆ្នាំបន្តបន្ទាប់។ ប៉ុន្មានឆ្នាំមុនជីវភាពគ្រួសារពូជួបប្រទះលំបាកខ្លាំងណាស់កូនច្រើន បានជារៀងរាល់ថ្ងៃពូខិតខំធ្វើការរកស៊ីដាំចម្ការគួបផ្សំនឹងចិញ្ចឹមគោបានជាជីវភាពគ្រួសារពូបានធូធារគ្រាន់បើនិងគិតគូរឲ្យកូនៗរៀនសូត្រចប់ចុងចប់ដើម។ បច្ចុប្បន្នពូកំពុងបន្តការផលិតកម្មដោយរកបានប្រាក់ចំណូលគ្រាន់បើ"។

លោកប៊ូយវ៉ាំងហុង អនុប្រធានសមាគមកសិករឃុំទ្រុងថាញ់ ឲ្យដឹងបន្ថែម៖" បងថាច់បា ជាសមាជិកសមាគមកសិករគំរូមួយរូប។ អាស្រ័យដោយខិតខំឧស្សាហ៍ព្យាយាមធ្វើការរកស៊ី ម្ល៉ោះហើយជាច្រើនឆ្នាំបន្តបន្ទាប់បងបានទទួលស្គាល់ជាកសិករផលិតនិងធ្វើអាជីវកម្មពូកែថ្នាក់ស្រុកនិងថ្នាក់ខេត្ត"៕

ង្វៀនវ៉ាំងលិញ (www.bdt.vinhlong.gov.vn) ប្រែសម្រួលៈសឺនម៉ាល័យ

ចែករំលែកអត្ថបទ

ពាក្យគន្លឹះ