សុខភាព - អប់រំ អប់រំ

10/03/2015 - 10:14

អភិវឌ្ឍការអប់រំបណ្តុះបណ្តាលនៅវិញប៊ិញ

ឃុំវិញប៊ិញ ស្រុកវិញថាញ់ ក្រុងកឹងធើ ចាប់ផ្តើមមានអគារសិក្សាថ្មីៗ សមរម្យជំនួសឲ្យអគារសិក្សាបណ្តោះអាសន្នមុននេះ។

សាលាមត្តេយ្យវិញប៊ិញ ទើបបានបើកឲ្យប្រើប្រាស់នៅ ដើមឆ្នាំសិក្សា២០១៤-២០១៥ ។

ដើមឆ្នាំសិក្សា២០១៤-២០១៥ គ្រូនិងសិស្សសាលាមត្តេយ្យវិញប៊ិញ រីករាយឈានចូលឆ្នាំសិក្សាថ្មី ក្នុងពេលសាលាមត្តេយ្យត្រូវបានកសាងសម្រេចរួចរាល់ និងដាក់ឲ្យប្រើប្រាស់។ ថវិកាកសាងអគារសិក្សាថ្មីអស់ជាង៧ពាន់លានដុង។ នេះគឺជាអគារជាន់ រួមមានបន្ទប់រៀន៥និងបន្ទប់សមត្ថកិច្ចដទៃៗទៀត។ អគារសិក្សាថ្មីនេះមានទីលានកម្សាន្ត ដូច្នេះរបស់ប្រើប្រាស់របស់លេងកម្សាន្តនៅទីលាន ក៏ត្រូវបានផ្នែកអប់រំនិងបណ្តុះបណ្តាលស្រុកបំពាក់គ្រប់សព្វដែរ។ ការបំពាក់ឧបករណ៍បានសព្វគ្រប់ដូច្នេះ បង្កបានជាទីលានកម្សាន្តគួរជាទីពេញចិត្តសម្រាប់កុមារ។ បងស្រី ថាច់គឹមង៉ឹង នៅភូមិវិញញ៉ឹង ឲ្យដឹង៖ "ថ្ងៃណាក៏ដោយ កូនខ្ញុំវាតឿនទារទៅរៀន និងមកផ្ទះវិញយឺត ដើម្បីមានពេលលេងយោលទោងនិងលេងរំអិលជាមួយនឹងមិត្តភ័ក្តិ។ វាចូលចិត្តទៅរៀនណាស់ មិនទារឈប់ដូចមុនទៀតទេ។ អគារសិក្សាថ្មីមានភាពសមរម្យដូច្នេះ យើងខ្ញុំជាឪពុកម្តាយសិស្សមានការនឹងនរចិត្តបញ្ជូនកូនៗចូលរៀន" អ្នកគ្រូ ឡេធីប៊ិតយ៉ែន នាយិកាសាលាមត្តេយ្យវិញប៊ិញ ឲ្យដឹង៖ "ពីមុនកម្រិតមត្តេយ្យនៅឃុំវិញប៊ិញ មានការលំបាកណាស់គ្រូនិងសិស្សត្រូវពឹងសាលាវត្តមួយកន្លែងនិងបន្ទប់រៀនរបស់សាលាបឋមសិក្សា២កន្លែងដើម្បីរៀន។ ទោះជាមានការលំបាកយ៉ាងណាក៏ដោយ គ្រូបង្រៀនយើងខ្ញុំនៅតែជម្នះបាន ពីព្រោះស្រឡាញ់របរនិងក្មួយៗ ប៉ុន្តែបារម្ភបំផុតគឺចំពោះក្មួយៗរៀនក្នុងស្ថានភាពកង្វះខាតដូចកាលនោះ គឺមិនអាចមានការអភិវឌ្ឍន៍គ្រប់ជ្រុងជ្រោយបានឡើយ។ ឥឡូវបានបង្រៀននិងរៀននៅក្នុងអគារសិក្សាថ្មី ម្ល៉ោះហើយគ្រូបង្រៀនយើងខ្ញុំរីករាយណាស់ ហើយក្មួយៗក៏បានលេងកម្សាន្តប្រកបដោយផាសុកភាព"។

យោងប្រសាសន៍លោកគ្រូង្វៀនវុាំងឡៀង អនុប្រធានការិយាល័យអប់រំនិងបណ្តុះបណ្តាលស្រុកវិញថាញ់ វិញប៊ិញ ជាឃុំទើបបង្កើតនៅតំបន់ឆ្ងាយ មានព្រែកប្រឡាយខ្វាត់ខ្វែង លក្ខណសម្បត្តិមូលដ្ឋាន សម្ភារៈរបស់សាលានៅខ្វះខាតនិងមានភាពទ្រុឌទ្រោម។ ហេតុនោះ ផ្នែកអប់រំ និងបណ្តុះបណ្តាលបានសហការជាមួយនឹងគណៈកម្មាធិការប្រជាជន ឃុំរៀបចំគ្រោងកសាងប្រព័ន្ធអគារសិក្សាលើភូមិសាស្រ្តឡើងវិញ។ នៅពេលសាលាមត្តេយ្យវិញប៊ិញកសាងសម្រេចរួចរាល់ ផ្នែកអប់រំ និងបណ្តុះបណ្តាលស្រុកនឹងផ្តើមកសាងសាលាមត្តេយ្យបន្ថែម១ខ្នងទៀត នៅភូមិវិញញ៉ឹង ដើម្បីចែកសាលាមត្តេយ្យវិញប៊ិញជា២សាលា សំដៅឈានដល់ការអនុវត្តន៍សម្រេចបទដ្ឋានជាតិ។ ទន្ទឹមនឹងនោះ ផ្នែកក៏វិនិយោគទុនកសាងសាលាបឋមសិក្សាវិញប៊ិញផងដែរ។ អគាសិក្សាទាំង២នេះ ត្រូវបានភូមិភាគរៀបចំគម្រោងសាងសង់នៅក្បែរវត្តសាមគ្គីចំណុះភូមិវិញញ៉ឹង។ អគារសិក្សា១ខ្នងៗកសាងជាមួយនឹងថវិកាប្រមាណ១០ពាន់លានដុង។ ក្រៅពីនោះ ផ្នែកអប់រំនិងបណ្តុះបណ្តាលក៏កំពុងរៀបចំសំណុំបែបបទ ដើម្បីផ្តើមកសាងសាលាមធ្យមសិក្សាមូលដ្ឋានវិញប៊ិញ មានទីតាំងនៅក្បែរទីស្នាក់ការគណៈកម្មាធិការប្រជាជនឃុំ ក្នុងឆ្នាំ២០១៥នេះ។ បន្ទាប់ពីសាលាមធ្យមសិក្សាមូលដ្ឋានវិញប៊ិញ កសាងសម្រេចរួចរាល់ប្រព័ន្ធអគារសិក្សានៅឃុំវិញប៊ិញក៏បានលំនឹង ចាប់ពីកម្រិតមត្តេយ្យដល់មធ្យមសិក្សាមូលដ្ឋាន តាមទិសដៅទំនើប ដើម្បីឆ្លើយតបទៅនឹងសេចក្តីត្រូវការរៀនសូត្ររបស់កូនចៅប្រជាជន លើភូមិសាស្រ្ត។

លោកលីវង៉ុកឡើម លេខាសាខាបក្សភូមិវិញញ៉ឹង ឃុំវិញប៊ិញ ឲ្យដឹង ដោយសេចក្តីរីករាយ៖ "ជាច្រើនឆ្នាំមកនេះ សាលាមត្តេយ្យនិងសាលាបឋមសិក្សាដែលមានទីតាំងក្នុងបរិវេណវត្តសាមគ្គី ក្មួយៗចង់លេងកម្សាន្តតាមទំនើងចិត្តតែវាមិនទំនង ពីព្រោះខ្លាចប៉ះពាល់ដល់បរិយាកាសស្ងៀមស្ងាត់ក្នុងវត្ត។ ឥឡូវអគារសិក្សាទាំង២នេះ ត្រូវបានកសាងសម្រេចរួចរាល់ និងជាសាលាសម្រេចបទដ្ឋានជាតិ ទ្រង់ទ្រាយទំនើប ម៉្លោះហើយឪពុកម្តាយសិស្សនឹងនរចិត្ត នៅពេលបញ្ជូនកូនចៅចូលរៀននៅសាលានេះ៕

ហាថាញ់-មុនី

ចែករំលែកអត្ថបទ

ពាក្យគន្លឹះ