សុខភាព - អប់រំ សុខភាព

26/02/2014 - 08:11

ប្រញាប់បង្ការរោគគ្រុនផ្តាសាយបក្សី

ចំពោះការប្រែប្រួលយ៉ាងស្មុគស្មាញ នៃរោគគ្រុនផ្ដាសាយបក្សីដែលកើតមានឡើងនៅនឹងភូមិភាគមួយចំនួន ក្នុងទូទាំងប្រទេស នៅបណ្តាខេត្តវាលរាបទន្លេគឺវឡុង ក៏បានបង្កើនវិធានការបង្ការរោគគ្រុនផ្តាសាយដែរ។ កាម៉ាវ បាកលីវ គឺ២ខេត្តក្នុងចំណោមខេត្ត ក្រុងទាំង៩ ដែលកើតមានរោគឆ្លងរាលដាលហើយកំពុងអនុវត្តការបង្ការបង្រ្កាបជាបន្ទាន់។ល។

ផ្នែកសមត្ថកិច្ចបាកលីវម្ចាសការចាក់ថ្នាំបង្ការ ឲ្យហ្វូង បសុបក្សី ដើម្បីកាត់បន្ថយរោគរាលដាល។

នៅខេត្តកាម៉ាវ ផ្នែកសមត្ថកិច្ចបានកត់សម្គាល់សម្បុករោគដំបូងបង្អស់ ដែលកើតមានលើហ្វូងមាន់ចំនួន២០០ក្បាលនៅភូមិ Tapasa II (ឃុំតឹងភូ ស្រុកថើយប៊ិញ)។ លោកង្វៀងវាំុងក ជាម្ចាស់ហ្វូងមាន់ឲ្យដឹង៖ ទោះបីបានចាក់ថ្នាំបង្ការពីមុនហើយក្តី ប៉ុន្តែហ្វូងមាន់របស់លោកនៅតែមានជំងឺ។ ចាប់ពីខែមករារហូតមក។ លទ្ធផលការធ្វើកោសល្យវិច័យ ហ្វូងមាន់ទាំងមូលរបស់លោកង្វៀងវាំុងក សុទ្ធតែកើតជំងឺគ្រុនផ្តាសាយ/៥១។ លោកង្វៀងហ្វាងឡឹម អនុប្រធានការិយាល័យកសិកម្មនិងអភិវឌ្ឍជនបទស្រុកថើយប៊ិញឲ្យដឹង៖ ក្រោយពីកម្ទេចចោលហ្វូងបសុបក្សីកើតជំងឺ យើងខ្ញុំបានបាញ់ថ្នាំកម្ចាត់មេរោគ។ អាស្រ័យហេតុដូច្នោះបានជាសព្វថ្ងៃមិនទាន់ប្រទះឃើញមានហ្វូងបសុបក្សីណាកើតមានជំងឺគ្រុនផ្តាសាយនោះឡើយ។

ជាប់ព្រំដែនជាមួយនឹងស្រុកថើយប៊ិញ រោគគ្រុនផ្តាសាយបក្សីក៏កើតមាននៅបណ្តាស្រុកភឿកឡុងនិងហុងយ៉ឹង ខេត្តបាកលីវ។ លោកឡឹមទ្រីទ្រុង ប្រធានដំណាក់បសុពេទ្យស្រុកភឿកឡុង ឲ្យដឹង៖ ក្រោយពីបានកម្ទេចចោលបណ្តាបសុបក្សីមានជំងឺតាមកំណត់ អង្គភាពក៏បានប្រមូលផ្តុំចាក់ថ្នាំបង្ការនិងបាញ់ថ្នាំកម្ចាត់មេរោគនៅភូមិនិងទីប្រជុំជននានា។ តាមប្រសាសន៍របស់លោកត្រឿងភឿកថុង អនុប្រធានសាខា នាយកដ្ឋានបសុពេទ្យខេត្តបាកលីវ ឲ្យដឹង៖ អាកាសធាតុត្រជាក់ដូចសព្វថ្ងៃជាហេតុនាំឲ្យវីរូសគ្រុនផ្តាសាយបក្សីកើតកើន ផ្សំជាមួយនឹងការដឹកជញ្ជូន លក់ដូរបសុបក្សីនៅរស់ពីភូមិភាគនេះ ទៅកាន់ភូមិភាគដទៃទៀតមិនទាន់បានពិនិត្យហ្មត់ចត់ ជាហេតុអាចនឹងកើតរោគគ្រុនផ្តាសាយបក្សីផ្ទុះឡើង។ ផ្នែកសមត្ថកិច្ចកំពុងខ្នះខ្នែងចាក់វ៉ាក់សាំងបង្ការរោគឆ្លងរាលដាល ជាពិសេសបណ្តាគ្រួសារចិញ្ចឹមបសុបក្សីតិចតួចនៅតំបន់ជ្រៅ តំបន់ឆ្ងាយ តំបន់ដែលមានជនជាតិភាគតិចរស់នៅកុះករ។

ដោយឡែកក្នុងខែមករា ឆ្នាំ២០១៤ បណ្តាដំណាក់បសុពេទ្យស្រុកក្រុង នៅខេត្តបាកលីវបានចាក់វ៉ាក់សាំងបង្ការគ្រុនផ្តាសាយបក្សី ចំនួន៥៦១.៦៤៨ម្ជុល ឧស្សាហ៍តាមដានពិនិត្យបណ្តាគ្រួសារចិញ្ចឹមសត្វ និងកន្លែងសត្វឃាតប្រមូលផ្តុំ ដើម្បីធ្វើការវិនិច្ឆ័យពេលមានរោគរាលដាលកើតឡើង។ ទន្ទឹមនឹងនោះ ខេត្តបាកលីវចង្អុលការបណ្តាដំណាក់បសុពេទ្យស្រុក ក្រុងបង្កើនការត្រួតពិនិត្យ ពិនិត្យឡើងវិញនូវការដឹកជញ្ជូនលក់ដូរសត្វឃាតរួមទាំងបសុបក្សីនាំចូលខេត្តមិនច្បាស់ប្រភព។ ម្ចាស់ការចាក់វ៉ាក់សាំងបង្ការឲ្យហ្វូងបសុបក្សីទើបចិញ្ចឹមថ្មី រួមទាំងហ្វូងបសុបក្សីជាល្អ ប៉ុន្តែមិនទាន់ចាក់ថ្នាំបង្ការ។ អនុវត្តការបាញ់ថ្នាំកម្ចាត់មេរោគនៅទ្រុងក្រោលនៃបណ្តាគ្រួសារចិញ្ចឹមសត្វ បណ្តាសម្បុករោគចាស់ កន្លែងលក់ កន្លែងសត្វឃាតបសុបក្សី។ល។

នៅខេត្តកាម៉ាវ បណ្តាអ្នកមានសមត្ថកិច្ចសហការជាមួយបណ្តាស្ថាប័នពត៌មានមហាជនជំរុញមាំការផ្សព្វផ្សាយសំដៅលើកកម្ពស់ស្មារតី ចិញ្ចឹមសត្វក៏ដូចជាប្រជាជន រួមដៃបង្ការបង្រ្កាបរោគគ្រុនផ្តាសាយបក្សី។ លោកង្វៀងថាញយ៉ឹង ប្រធានមជ្ឈមណ្ឌលសុខាភិបាលបង្ការ ខេត្តកាម៉ាវ ឲ្យដឹង៖"មិនត្រឹមតែផ្នែកសមត្ថកិច្ចចូលរួមប៉ុណ្ណោះទេ ស្មារតីនៃអ្នកចិញ្ចឹមសត្វក៏សំខាន់ណាស់ដែរ។ ប្រជាជនគប្បីអនុវត្តត្រូវតាមការក្រើនរំលឹករបស់ផ្នែកសមត្ថកិច្ច។

តាមផ្នែកសមត្ថកិច្ចបសុពេទ្យខេត្តសុកត្រាំង ក្រៅពីបង្កើនការត្រួតពិនិត្យការធ្វើសាច់ដឹកជញ្ជូន លក់ដូរបសុបក្សីនិងអនាម័យបសុពេទ្យចំពោះហ្វូងសត្វទាចិញ្ចឹមលែងតាមវាលស្រែ ក៏ជាបញ្ហាដែលភូមិភាគកំពុងយកចិត្តទុកដាក់បំផុត។ ជាពិសេសក្នុងរដូវស្រូវសិសិរៈនិងនិទាឃៈរដូវរបស់ខេត្តកំពុងប្រមូលផលបណ្តាហ្វូងទាពីភូមិភាគដទៃៗតែងប្រមូលផ្តុំមកកាន់ភូមិភាគនេះ ដោយចំនួនច្រើន ផ្សំជាមួយនឹងអាកាសធាតុមិនសូវល្អ អាចនឹងកើតមានរោគរាលដាលលើហ្វូងបសុបក្សី។ ចំពោះស្ថានភាពទាំងនេះ ខេត្តសុកត្រាំងបានចង្អុលការបណ្តាភូមិភាគនិងប្រជាជនបង្កើនការបង្ការបង្រ្កាបរោគឆ្លងរាលដាលអនុវត្តអនាម័យបាញ់ថ្នាំកម្ចាត់មេរោគ អនុវត្តការពិនិត្យមេរោគជាបន្ទាន់ ពិនិត្យឡើងវិញនិងចាក់វ៉ាក់សាំងបង្ការរោគឲ្យសត្វចិញ្ចឹម មិនត្រូវធ្វេសប្រហែសចំពោះស្ថានភាពដែលអាចនឹងកើតរោគរាលដាលលើហ្វូងបសុបក្សីនោះឡើយ៕

តុងធាន-សេរី

ចែករំលែកអត្ថបទ

ពាក្យគន្លឹះ