គោលនយោបាយ -ការរស់នៅ ការរស់នៅ

08/08/2016 - 16:23

កៀងយ៉ាង ផ្ដោតការយកចិត្តទុកដាក់បណ្តុះបណ្តាល វិជ្ជាជីវៈជូនជនរួមជាតិភាគតិច

អនុវត្តការបណ្តុះបណ្តាលវិជ្ជាជីវៈដល់ពលករជនបទ រៀងរាល់ឆ្នាំ ខេត្តកៀងយ៉ាង មានជនរួមជាតិភាគតិចប្រមាណ៤.៦០០នាក់ ភាគច្រើនគឺជនរួមជាតិខ្មែរចូលរៀនវិជ្ជាជីវៈនៅកម្រិតអនុមហាវិទ្យាល័យ មធ្យមសិក្សានិងរៀនរបរ។ ក្រោយពីប្រឡងជាប់សញ្ញាប័ត្រ បានដោះស្រាយការងារធ្វើជូនពលករជាង៣.០០០នាក់/ឆ្នាំ រួមចំណែកកាត់បន្ថយអត្រា គ្មានការងារធ្វើ បង្វែររចនាសម្ព័ន្ធពលករជនបទមកធ្វើមុខរបរក្រៅកសិកម្ម លើកកម្ពស់កម្រិតប្រជាបញ្ញា កែលម្អជីវភាពក្នុងជនរួមជាតិភាគតិច។

ខេត្តកៀងយ៉ាងបណ្តុះបណ្តាលវិជ្ជាជីវៈផ្សារភ្ជាប់ជាមួយនឹងអាជីវកម្មនិងទីផ្សារការងារ។

ព្រមជាមួយនោះ គុណភាពនិងប្រសិទ្ធភាពការបណ្តុះបណ្តាលវិជ្ជាជីវៈត្រូវបានខេត្តផ្ដោតការយកចិត្តទុកដាក់ និងវិនិយោគទុនកសាងប្រព័ន្ធសាលាបន្ទប់រៀនមូលដ្ឋានបណ្តុះបណ្តាលវិជ្ជាជីវៈ រៀបចំនៅតំបន់ដែលមានជនរួមជាតិភាគតិចរស់នៅកុះករ ដើម្បីបង្កលក្ខណៈសម្បត្តិងាយស្រួលដល់កូនចៅជនរួមជាតិបានរៀនវិជ្ជាជីវៈ។ មុខវិជ្ជាជីវៈបណ្តុះបណ្តាលរួមមាន៖ បច្ចេកទេសសំណង់ការពាររុក្ខជាតិ បច្ចេកទេសម៉ា ស៊ីនត្រជាក់ កែនិងដាក់បញ្ចូលកម្មវិធីកំព្យូទ័រ បសុពេទ្យ ចិញ្ចឹមសត្វ ចិញ្ចឹមជលផលគ្រឿងអគ្គិសនីជនបទ គណនេយ្យអាជីវកម្ម សំបុត្រ ស្នាមរដ្ឋបាល។ល។ ក្រៅពីកិច្ចការអនុវត្តន៍អាហារូបករណ៍គោលនយោបាយ របបអាទិភាពផ្សេងៗទៀត មានដូចលើកលែង កាត់បន្ថយបង់ប្រាក់កម្រៃសាលាឲ្យសិក្ខាកាមតាមសេចក្ដីកំណត់របស់រដ្ឋាភិបាល សាលាបណ្តុះបណ្តាលវិជ្ជាជីវៈនៅទាំងចលនាសប្បុរសជន អ្នកមានសទ្ធាជ្រះថ្លាឧបត្ថម្ភជំនួយកម្លាំងទៅសាលា ជួយសិស្សនិស្សិតមានស្ថានភាពក្រលំបាក ដើម្បីប្អូនៗលំនឹងចិត្តរៀនសូត្រសម្រេចលទ្ធផលល្អ។

ក្នុងរយៈពេលខាងមុខ ខេត្តកៀងយ៉ាង នឹងប្រមូលផ្ដុំលើកកម្ពស់សមត្ថភាពនិងគុណភាពអប់រំវិជ្ជាជីវៈជូនដល់ជនជាតិភាគតិច; បើកទូលាយបណ្តុះបណ្តាលផ្សារភ្ជាប់ជាមួយនឹងសាលាវិជ្ជាជីវៈជនជាតិអន្តេវាសិក;បណ្តុះបណ្តាលវិជ្ជាជីវៈផ្សារភ្ជាប់ជាមួយនឹងអាជីវកម្ម និងទីផ្សារការងារ។ ជាក់ស្ដែងដូចជា៖ រៀបចំពិនិត្យអង្កេតត្រួតពិនិត្យតម្រូវការប្រើការពលករមានជំនាញការនៅក្នុងអាជីវកម្ម មណ្ឌលឧស្សាហកម្មនិងមណ្ឌលទេសចរណ៍។ល។ ចុះកិច្ចសន្យាសហការបណ្តុះបណ្តាលវិជ្ជាជីវៈ សមស្របនិងដោះស្រាយការងារធ្វើ។ ទន្ទឹមនឹងនោះ ជំរុញយ៉ាងខ្លាំងក្លាការបណ្តុះបណ្តាលវិជ្ជាជីវៈជូនពលករជនបទ សមស្របជាមួយនឹងតម្រូវការផលិតកម្មរបស់ភូមិភាគនីមួយៗ រួមចំណែកបង្កើនទិន្នផល គុណភាពផលិតកម្មទំនិញនិងផ្ដល់ចំណូលរបស់ជនរួមជាតិខ្មែរ; អនុវត្តបានល្អនូវគោលនយោបាយអាទិភាពរបស់រដ្ឋាភិបាល ក្នុងការបណ្តុះបណ្តាលវិជ្ជាជីវៈជូនកូនចៅជនរួមជាតិខ្មែរ៕

ឡេហ្វីហាយ (ទីភ្នាក់ងារសារព័ត៌មានវៀតណាម)-ថាច់សេរី

ចែករំលែកអត្ថបទ

ពាក្យគន្លឹះ