គោលនយោបាយ -ការរស់នៅ គោលនយោបាយ

09/06/2025 - 15:14

ប្រសិទ្ធភាពការងារជនជាតិនិងគោលនយោបាយជនជាតិនៅតំបន់វាលរាបទន្លេគឺវឡុង

តំបន់វាលរាបទន្លេគឺវឡុង បច្ចុប្បន្នមានជនជាតិភាគតិចជាង ១,៣ លាននាក់ ភាគច្រើនជាជនជាតិខ្មែរ។ អាស្រ័យការអនុវត្តព្រមៗគ្នានិងមានប្រសិទ្ធភាពការងារជនជាតិ និងគោលនយោបាយជនជាតិ ម្ល៉ោះហើយ រយៈពេលប៉ុន្មានឆ្នាំកន្លង តំបន់នេះមានការរីកចម្រើនគួរឱ្យកត់សម្គាល់អំពីសេដ្ឋកិច្ចនិងសង្គម។

ផ្លូវគមនាគមន៍ជនបទតំបន់ជនជាតិភាគតិចនៅក្រុងកឹងធើកាន់តែសុក្រឹត។

យោងលើមូលដ្ឋានឧត្តមគតិហូជីមិញ និងទស្សនៈមិនផ្លាស់ប្តូររបស់បក្ស ចំពោះបញ្ហាជនជាតិ បក្សនិងរដ្ឋបានអនុម័តនូវគោលនយោបាយធំៗជាច្រើន។ លេចធ្លោបំផុត គឺកម្មវិធីទិសដៅជាតិអភិវឌ្ឍសេដ្ឋកិច្ច - សង្គម នៅតំបន់ជនជាតិភាគតិចនិងតំបន់ភ្នំ ដំណាក់កាល២០២១-២០៣០ ដោយទឹកប្រាក់សរុបជិត ១៣៨.០០០ពាន់លានដុង ក្នុងដំណាក់កាល I (២០២១-២០២៥)។ នេះជាកម្មវិធីដំបូងដែលមានលក្ខណៈទូលំទូលាយ គ្របដណ្ដប់លើគ្រប់វិស័យ មានឥទ្ធិពលយ៉ាងខ្លាំងទៅលើជីវភាពរបស់ជនរួមជាតិភាគតិច។

លទ្ធផលជាក់ស្តែងនៅតំបន់វាលរាបទន្លេគឺវឡុង បានបង្ហាញពីការវិវឌ្ឍយ៉ាងច្បាស់។ នៅខេត្តត្រាវិញ ជាខេត្តមួយដែលមានជនជាតិខ្មែររស់នៅជាង ៣១% នៃចំនួនប្រជាជន បានផ្សព្វផ្សាយអនុវត្តមានប្រសិទ្ធភាពនូវសេចក្តីសម្រេចចិត្តលេខ ០៦-NQ/TU ស្តីពីការអភិវឌ្ឍគ្រប់ជ្រុងជ្រោយតំបន់ជនរួមជាតិខ្មែរ។ ដល់ឆ្នាំ ២០២៤ ឃុំទាំង ១០០% ក្នុងខេត្តបានសម្រេចបទដ្ឋានជនបទថ្មី ប្រាក់ចំណូលជាមធ្យមភាគលើមនុស្សម្នាក់ៗនៅតំបន់ជនបទកើនឡើងជាង ៤ ដងបើធៀបនឹងឆ្នាំ ២០១០; GRDP ទូទាំងខេត្តសម្រេចកម្រិតកំណើន ១០,០៤% នាំមុខគេក្នុងតំបន់។ល។ ក្នុងរយៈពេលកន្លង រាល់កម្មវិធី គម្រោងនិងគោលនយោបាយជនជាតិ ត្រូវបានរដ្ឋអំណាចគ្រប់លំដាប់ថ្នាក់ និងគ្រប់ផ្នែក គ្រប់ថ្នាក់របស់ខេត្តអាងយ៉ាង ផ្សព្វផ្សាយអនុវត្តសម្រេចបានលទ្ធផលវិជ្ជមានជាច្រើន។ អាស្រ័យហេតុនេះ បានរួមចំណែកជួយដល់គ្រួសារក្រីក្រ គ្រួសារប្រកៀកបន្ទាត់ក្រ បំផុតគឺគ្រួសារជនជាតិភាគតិច ជាជំហានៗកែលម្អបានជីវភាព និងអភិវឌ្ឍសេដ្ឋកិច្ចបន្តិចម្តងៗ។ ជាពិសេស អត្រាគ្រួសារក្រីក្រក្នុងជនជាតិភាគតិចបានថយចុះពី ៣-៤% ជារៀងរាល់ឆ្នាំ។ ចំនួនគ្រួសារជនជាតិភាគតិចក្រីក្រនៅចុងឆ្នាំ ២០២១ មានចំនួន ៤.០២៦ គ្រួសារ (ស្មើអត្រា ១៤,៨៥%) ដល់ចុងឆ្នាំ ២០២២ បានថយចុះនៅត្រឹម ៣.១៦១ គ្រួសារ (ស្មើអត្រា ១១,៧០%) ថយចុះ ៣,១៥%។ ដល់ចុងឆ្នាំ ២០២៣ បានថយចុះនៅត្រឹម ២.៣៥៥ គ្រួសារ (ស្មើអត្រា ៨,៧%) ថយចុះ ៣%។ ដល់ចុងឆ្នាំ ២០២៤ បានថយចុះមកនៅត្រឹម ១.៥៤៥ គ្រួសារ (ស្មើអត្រា ៥,២%) ថយចុះ៣,៤%។ល។ នៅក្រុងកឹងធើ ហេដ្ឋារចនាសម្ព័ន្ធតំបន់ជនជាតិភាគតិចត្រូវបានវិនិយោគយ៉ាងច្រើន៖ គ្រួសារប្រជាជនមានអគ្គិសនីប្រើប្រាស់ ១០០% មានទឹកស្អាតប្រើប្រាស់ ៩៩% ហើយអត្រាគ្រួសារជនជាតិភាគតិចក្រីក្រថយចុះនៅតែ ០,២៩% នៅឆ្នាំ ២០២៤។ នៅគ្រប់ឃុំ សង្កាត់តំបន់ជនជាតិភាគតិចសុទ្ធសឹងមានដំណាក់សុខាភិបាល និងមានផ្លូវគមនាគមន៍ចាក់បេតុងចុះដល់មជ្ឈមណ្ឌល។

មិនត្រឹមតែផ្តុំកម្លាំងអភិវឌ្ឍសេដ្ឋកិច្ចប៉ុណ្ណោះទេ ភូមិភាគនានានៅតំបន់វាលរាបទន្លេគឺវឡុង ក៏បានជំរុញការវិនិយោគលើវិស័យអប់រំ សុខាភិបាល វប្បធម៌ និងលើកកម្ពស់ជីវភាពស្មារតីជូនជនជាតិភាគតិចផងដែរ។ បច្ចុប្បន្ន អត្រាសាលារៀនរឹងមាំនៅតំបន់ជនជាតិភាគតិចសម្រេចជាង ៩២% អត្រាសិស្សចូលរៀននៅកម្រិតបឋមសិក្សា និងអនុវិទ្យាល័យសម្រេចជាង ៩៤%។ ស្ថាប័នវប្បធម៌ក៏ត្រូវបានពង្រឹង ពិធីបុណ្យប្រពៃណីនិងជំនឿសាសនា ត្រូវបានគោរពនិងលើកកម្ពស់។ ជាពិសេស កម្មាភិបាល បក្ខជន និងអ្នកមានប្រជាប្រិយក្នុងជនរួមជាតិភាគតិចកាន់តែមានចំនួនច្រើនឡើង ក្លាយជាស្ពានតភ្ជាប់រវាងបក្ស រដ្ឋអំណាចជាមួយនឹងប្រជាជន។ ការងារប្រជាចលនា ឃោសនា ផ្សព្វផ្សាយនូវគោលនយោបាយ ច្បាប់ត្រូវបានអនុវត្តយ៉ាងទូលំទូលាយ រួមចំណែកលើកកម្ពស់ការយល់ដឹង និងពង្រឹងទំនុកចិត្តប្រជាជនទៅលើការដឹកនាំរបស់បក្ស។

អាចបញ្ជាក់បានថា ការងារជនជាតិនិងគោលនយោបាយជនជាតិ បានពង្រីកប្រសិទ្ធភាពយ៉ាងច្បាស់ក្រឡែត មិនត្រឹមតែកែលម្អជីវភាពសម្ភារៈ និងស្មារតីរបស់ជនជាតិភាគតិចប៉ុណ្ណោះទេ នៅទាំងរួមចំណែកក្នុងការរក្សាស្ថិរភាពនយោបាយ និងសង្គម បង្កជាមូលដ្ឋានគ្រឹះរឹងមាំសម្រាប់ការអភិវឌ្ឍប្រកបដោយចីរភាពនៅតំបន់វាលរាបទន្លេគឺវឡុង៕

ថាញឡុង - ប្រែសម្រួល៖ សុផន

ចែករំលែកអត្ថបទ

ពាក្យគន្លឹះ