ព្រឹត្តិការណ៍ - នយោបាយ ព្រឹត្តិការណ៍

09/06/2025 - 15:10

មិនទុកឱ្យអង្គការ បុគ្គលណាមួយកេងចំណេញលើគោលនយោបាយអំពីលំនៅឋានសង្គមបានឡើយ

នាយករដ្ឋមន្ត្រីនៃរដ្ឋាភិបាល ផាមមិញជិញ ទើបដឹកនាំកិច្ចប្រជុំតាមប្រព័ន្ធអនឡាញទូទាំងប្រទេស ផ្សព្វផ្សាយអនុវត្តសេចក្តីសម្រេចលេខ២០១/២០២៥/QH១៥ របស់រដ្ឋសភា ស្ដីពីការធ្វើពិសោធន៍យន្តការគោលនយោបាយពិសេសដោយឡែកដើម្បីអភិវឌ្ឍលំនៅឋានសង្គម; ទន្ទឹមនឹងនោះ ពិនិត្យវាយតម្លៃស្ថានភាពរយៈពេលកន្លងមក និងផ្សព្វផ្សាយភារកិច្ចអភិវឌ្ឍលំនៅឋានសង្គមនាពេលខាងមុខ។ កិច្ចប្រជុំបានរៀបចំឡើងតាមប្រព័ន្ធអនឡាញនៅទីតាំងតភ្ជាប់នៃទីស្ដីការ រដ្ឋាភិបាលទៅកាន់ខេត្ត ក្រុងចំណុះមជ្ឈិមចំនួន៦៣។

នាយករដ្ឋមន្ត្រី ផាមមិញជិញ ដឹកនាំកិច្ចប្រជុំផ្សព្វផ្សាយសេចក្ដីសម្រេចរបស់រដ្ឋសភា ស្ដីពីការធ្វើពិសោធន៍យន្តការគោលនយោបាយពិសេសដោយឡែកនៃការអភិវឌ្ឍលំនៅឋានសង្គម ។

អនុវត្តគម្រោងលំនៅឋានសង្គមចំនួន ១ លានខ្នង ទូទាំងប្រទេសមានគម្រោងលំនៅឋានសង្គមចំនួន ៦៨៦ ត្រូវបានផ្សព្វផ្សាយអនុវត្តដោយមានទ្រង់ទ្រាយជិត ៦២៨.០០០ ខ្នង។ ក្នុងនោះ មានគម្រោងចំនួន ១១៧ បានសាងសង់សម្រេចនិងសម្រេចមួយផ្នែក ទ្រង់ទ្រាយជិត៨១.០០០ខ្នង; គម្រោងចំនួន ១៥៩ បានចាប់ផ្ដើមសាងសង់ ទ្រង់ទ្រាយជាង ១៣៥.០០០ ខ្នង; គម្រោងចំនួន៤១៦ត្រូវបានអនុម័តលើគោលការណ៍វិនិយោគ ទ្រង់ទ្រាយជាង៤១៧.០០០ខ្នង។ ដូច្នោះ ចំនួនគម្រោងបានសាងសង់សម្រេចនិងចាប់ផ្ដើមសាងសង់សម្រេច ៥១%នៃភាគកម្រិតគម្រោងដាក់ចេញនៅឆ្នាំ២០២៥។

ដើម្បីធានាប្រជាជនគ្រប់រូបសុទ្ធសឹងមានកន្លែងស្នាក់នៅ រដ្ឋាភិបាលបានលើកជូនរដ្ឋសភាពិនិត្យនិងអនុម័តលើសេចក្ដីសម្រេចលេខ ២០១/២០២៥/QH១៥ ចុះថ្ងៃទី២៩ ខែឧសភា ឆ្នាំ២០២៥ របស់រដ្ឋសភា ស្ដីពីការធ្វើពិសោធន៍យន្តការ គោលនយោបាយពិសេសដោយឡែកដើម្បីអភិវឌ្ឍលំនៅឋានសង្គម។ បន្ទាប់ពីនោះ នៅថ្ងៃទី១ ខែមិថុនា រដ្ឋាភិបាលមានសេចក្ដីសម្រេចលេខ ១៥៥/NQ-CP ដើម្បីអនុវត្តសេចក្ដីសម្រេចលេខ ២០១/២០២៥/QH១៥ របស់រដ្ឋសភា ស្ដីពីការធ្វើពិសោធន៍យន្តការ គោលនយោបាយពិសេសដោយឡែកដើម្បីអភិវឌ្ឍលំនៅឋានសង្គម។

នាយករដ្ឋមន្ត្រី ផាមមិញជិញ បានមានប្រសាសន៍ ប្រព័ន្ធច្បាប់ស្ដីពីការអភិវឌ្ឍលំនៅឋានសង្គមកាន់តែមានភាពសុក្រឹតពីមួយថ្ងៃទៅមួយថ្ងៃ ដោះស្រាយភាពរាំងស្ទះ បើកឱកាសសម្រាប់ប្រជាជនគ្រប់រូបនឹងបានកៀកជិតលំនៅឋានសង្គម មានកន្លែងស្នាក់នៅ។ ថ្វីបើដូច្នោះក្ដី ដើម្បីគោលនយោបាយស៊ីជម្រៅក្នុងជីវភាព មានលទ្ធផលជាក់ស្ដែង ទាមទារឱ្យមានការចូលរួមពីក្រសួង ផ្នែក ជាពិសេសគឺគណៈកម្មាធិការបក្ស និងថ្នាក់ដឹកនាំភូមិភាគនានាក្នុងការផ្សព្វផ្សាយ។ សូមចំណាំថា មិនទុកឱ្យអង្គការឬបុគ្គលណាមួយកេងចំណេញលើគោលនយោបាយអាទិភាពរបស់បក្ស រដ្ឋ ស្ដីពីលំនៅឋានសង្គម ដើម្បីផលប្រយោជន៍ផ្ទាល់ខ្លួនឡើយ នាយករដ្ឋមន្រ្តី បានចង្អុលការក្នុងកិច្ចប្រជុំ ថ្នាក់ដឹកនាំក្រសួង ផ្នែកនិងភូមិភាគ គប្បីផ្ដោតលើការពិភាក្សានិងចាត់ចែងការងារ ដើម្បីប្រញាប់ផ្សព្វផ្សាយអនុវត្តប្រកបដោយប្រសិទ្ធភាពនូវសេចក្ដីសម្រេចនេះ។ ក្នុងនោះ យកចិត្តទុកដាក់លើការបែងចែកថវិកា ចលនាប្រភពធនធាន; ដោះស្រាយបញ្ហាដីធ្លី; ណែនាំចាត់ចែងអនុវត្តន៍។ល។ ជាមួយនឹងគោលលំនាំ “ប្ដេជ្ញាចិត្តខ្ពស់ ប្រឹងប្រែងយ៉ាងពេញទំហឹង ធ្វើសកម្មភាពយ៉ាងម៉ឺងម៉ាត់ មានចំណុចស្នូលយ៉ាងសំខាន់ អនុវត្តការងារណាសម្រេចការងារនោះ អនុវត្តការងារណាច្បាស់ការងារនោះ” រៀបចំអនុវត្ត “ច្បាស់លាស់បុគ្គល ច្បាស់លាស់ការងារ ច្បាស់លាស់ពេលវេលា ច្បាស់លាស់ផលិតផល ច្បាស់លាស់ភារកិច្ច ច្បាស់លាស់សមត្ថកិច្ច” ជាដើម៕

យោង៖ TTXVN - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ