សុខភាព - អប់រំ សុខភាព

12/11/2026 - 05:18

មីស្វៀងអនុវត្តល្អការងារថែទាំសុខភាពជូនប្រជាជន

ការងារថែទាំ ការពារនិងលើកកម្ពស់សុខភាពប្រជាជន តែងបានកំណត់ថាជាភារកិច្ចដ៏សំខាន់ រួមចំណែកលើកកម្ពស់គុណភាពជីវភាព និងធានាសុខុមាលភាពសង្គម។ ជាច្រើនឆ្នាំកន្លង ដំណាក់សុខាភិបាលសង្កាត់មីស្វៀង ទីក្រុងកឹងធើ បានផ្តោតលើការលើកកម្ពស់គុណភាពពិនិត្យនិងព្យាបាលជំងឺ ពង្រឹងសុខាភិបាលមូលដ្ឋាន ជំរុញការឃោសនាបង្ការបង្ក្រាបជំងឺរាតត្បាត ជាជំហានៗឆ្លើយតបតម្រូវការថែទាំសុខភាពរបស់ប្រជាជនលើភូមិឋាន។

ប្រជាជនសង្កាត់មីស្វៀង ទីក្រុងកឹងធើ បានពិនិត្យពិគ្រោះសុខភាពដោយឥតគិតថ្លៃ។

ថ្មីៗនេះ ដំណាក់សុខាភិបាលសង្កាត់មីស្វៀង បានសហការជាមួយមន្ទីរពេទ្យពហុព្យាបាលហ្វាងត្វឹង សង្កាត់ភូឡើយ ចាត់តាំងកម្មវិធីពិនិត្យ ពិគ្រោះសុខភាពដោយឥតគិតថ្លៃជូនប្រជាជន។ ក្នុងពេលពិនិត្យជំងឺ វេជ្ជបណ្ឌិត និងគ្រូពេទ្យនៃមន្ទីរ ពេទ្យពហុព្យាបាលហ្វាងត្វឹង បានពិនិត្យដោយផ្ទាល់ ធ្វើការវាស់សន្ទស្សន៍សុខភាព ពិគ្រោះនិងណែនាំប្រជាជនអំពីរបៀបបង្ការជំងឺមួយចំនួនដែលតែងជួបប្រទះ។ កម្មវិធីបានចាត់តាំងពិនិត្យ ពិគ្រោះសុខភាពជូនគ្រួសារស្ថិតក្នុងក្របខណ្ឌគោលនយោបាយ និងប្រជាជនមានជីវភាពលំបាក មាមីងជនជាតិភាគតិចលើភូមិឋានសង្កាត់។ ប្រជាជនបានពិនិត្យ ពិគ្រោះជំងឺដូច៖ សម្ពាធឈាម ជីពចរ; ពិនិត្យជំងឺទូទៅ ផ្នែកជំងឺក្នុងផ្នែកជំងឺក្រៅ ជំងឺស្បែក ភ្នែក ត្រចៀក ច្រមុះ បំពង់ក មាត់ ធ្មេញ ផ្នែកសម្ភពនិងរោគស្ត្រី រួមចំណែករកឃើញឆាប់នូវបញ្ហាសុខភាព ពិគ្រោះណែនាំថែទាំ ព្យាបាលជំងឺឱ្យបានសមស្រប។

វេជ្ជបណ្ឌិតឯកទេសកម្រិត ១ ឡឹមវ៉ាំងទឹង - នាយកដំណាក់សុខាភិបាលសង្កាត់មីស្វៀង ឱ្យដឹង៖ “ចំពោះដំណាក់សុខាភិបាលសង្កាត់ បានធ្វើសេនាធិការជូនគណៈកម្មាធិការប្រជាជនសង្កាត់មីស្វៀង ផ្សព្វផ្សាយផែនការពិនិត្យពិគ្រោះសុខភាពជូនមាមីងស្ថិតក្នុងក្របខណ្ឌគ្រួសារគោលនយោបាយ ប្រជាជនមានជីវភាពលំបាក និងមាមីងជនជាតិភាគតិចលើភូមិឋានសង្កាត់។ ក្នុងផែនការផ្សព្វផ្សាយពិនិត្យលើកទី១នេះ មានប្រជាជនប្រមាណ ៧.៣៧៣ នាក់។ កងជួរកម្មាភិបាលពេទ្យមិនត្រឹមតែអនុវត្តភារកិច្ចពិនិត្យ ព្យាបាលជំងឺដំបូងប៉ុណ្ណោះទេ ថែមទាំងសកម្មពិគ្រោះ ណែនាំប្រជាជនអំពីរបៀបថែទាំសុខភាព ប្រើប្រាស់ថ្នាំសុវត្ថិភាព សមស្រប និងម្ចាស់ការបង្ការជំងឺតម្កាត់ទៀតផង។ មានស្មារតីទទួលខុសត្រូវ រួសរាយរាក់ទាក់ទទួលនិងបម្រើការងារល្អ រួមចំណែកបង្កទំនុកចិត្តរបស់ប្រជាជនទៅលើប្រព័ន្ធសុខាភិបាលភូមិភាគ”។ ពូយ័ញវ៉ើង នៅមណ្ឌលតឹមឡុក សង្កាត់មីស្វៀង ឱ្យដឹង៖ “ខ្ញុំឈឺសន្លាក់ឆ្អឹង ដោយសារមានកងជួរគ្រូពេទ្យមកពិនិត្យផ្ទាល់នៅសង្កាត់ ម្ល៉ោះហើយ ខ្ញុំមកតាំងពីព្រលឹមដើម្បីបានពិនិត្យនិងទទួលបានថ្នាំលេប ខ្ញុំអរគុណចំពោះសកម្មភាពដ៏មានអត្ថន័យទាំងនេះដែលបាន គិតគូរដល់មាមីងយើងខ្ញុំ”។

តាមរយៈសកម្មភាពពិនិត្យលើកនេះ ដំណាក់សុខាភិបាលសង្កាត់ រួមជាមួយក្រុមការងារនៃមន្ទីរពេទ្យពហុព្យាបាលហ្វាងត្វឹង បានពិនិត្យព្យាបាលជំងឺនិងពិគ្រោះជូនមាមីងលើភូមិឋានសង្កាត់មីស្វៀង ជួយរកឃើញជំងឺបានឆាប់ និងព្យាបាលទាន់ពេល។ ជាមួយការយកចិត្តទុកដាក់ពីគណៈកម្មាធិការបក្ស គ្រប់ថ្នាក់ គ្រប់ផ្នែក ព្រមទាំងការខិតខំប្រឹងប្រែងរបស់កងជួរកម្មាភិបាលពេទ្យ និងការរួមដំណើររបស់ប្រជាជន ការងារថែទាំសុខភាពនៅសង្កាត់មីស្វៀង មានមូលដ្ឋានដើម្បីបន្តលើកកម្ពស់មុខជំនាញ ឆ្លើយតបបានល្អតម្រូវការពិនិត្យនិងព្យាបាលជំងឺរបស់ប្រជាជន។ តាមរយៈនោះ រួមចំណែកកសាងសហគមន៍មានសុខភាពល្អ លើកកម្ពស់គុណភាពជីវភាព និងជំរុញការអភិវឌ្ឍសេដ្ឋកិច្ច - សង្គមនៅភូមិភាគ៕

ដាលីន - លីសៀ

ចែករំលែកអត្ថបទ

ពាក្យគន្លឹះ