ព្រឹត្តិការណ៍ - នយោបាយ ព្រឹត្តិការណ៍

06/11/2026 - 21:58

គណៈកម្មាធិការបក្សឃុំមីហឿងប្រគល់សញ្ញាលក្ខណ៍បក្ស ជូនបក្ខជន១០រូប

រសៀលថ្ងៃទី៦ ខែវិច្ឆិកា គណៈកម្មាធិការបក្សឃុំមីហឿង ទីក្រុងកឹងធើ បានចាត់តាំងយ៉ាងឱឡារិកពិធីប្រគល់សញ្ញាលក្ខណ៍បក្ស ជូនសមមិត្តចំនួន១០រូប ជាបក្ខជនវ័យចំណាស់នៅលើភូមិឋាន។

តាមនោះ គណៈកម្មាធិការបក្សឃុំបានប្រកាសសេចក្តីសម្រេចនិងប្រគល់សញ្ញាលក្ខណ៍បក្ស ជូនសមមិត្តចំនួន១០រូប រួមមាន៖សញ្ញាលក្ខណ៍អាយុបក្ស៥០ឆ្នាំ ជូនសមមិត្ត ថៃធូធ្វី; សញ្ញាលក្ខណ៍អាយុបក្ស៣៥ឆ្នាំ ជូនសមមិត្ត ហ៊ិញវ៉ាំងលួង និងសញ្ញាលក្ខណ៍អាយុបក្ស៣០ឆ្នាំ ជូនសមមិត្តចំនួន៨រូប៖ ផាងឌឹកថាំង វ៉ហ្វីហ្វាំង ដាវកុងបាំង ថាច់គៀ ត្រឹងវ៉ាំងក្វាង ដោវ៉ាំងខន ម៉ាយគ្វៀកឌិញ និងទ្រិញង៉ុកថាវ។

គណៈកម្មាធិការបក្សឃុំមីហឿងអបអរសាទរសមមិត្តចំនួន១០រូបដែលបានទទួលសញ្ញាលក្ខណ៍បក្ស នៅលើកថ្ងៃទី០៧ ខែវិច្ឆិកា ឆ្នាំ២០២៦។

ថ្លែងក្នុងពិធីនេះ សមមិត្ត ង្វៀងវ៉ាំងអ៊ុក អនុលេខាប្រចាំការនៃគណៈកម្មាធិការបក្សឃុំមីហឿង មានវាចាអបអរសាទរយ៉ាងកក់ក្តៅដល់សមមិត្តទាំងឡាយដែលទើបតែទទួលបានសញ្ញាលក្ខណ៍បក្សដ៏ថ្លៃថ្នូរ; ព្រមទាំងកត់សម្គាល់ ស្ងើចសរសើរចំពោះស្មារតីស្មោះត្រង់ ព្រមទាំងការលះបង់យ៉ាងខ្ជាប់ខ្ជួនរបស់បក្ខជនគ្រប់រូបក្នុងដំណាក់កាលខិតខំតស៊ូកន្លងមក។ សមមិត្តអនុលេខាប្រចាំការសង្ឃឹមថា សមមិត្តទាំងឡាយនឹងបន្តរក្សាគោលជំហរនយោបាយរឹងមាំ ពង្រីកស្មារតីឈានមុខ ធ្វើជាគំរូជានិច្ច ជាទីពឹងរឹងមាំនិងជាគំរូភ្លឺស្វាងសម្រាប់ជំនាន់ក្រោយយកតម្រាបតាម។

តំណាងបក្ខជនទទួលសញ្ញាលក្ខណ៍បក្ស សមមិត្ត ផាងឌឹកថាំង បានសម្តែងនូវការរំភើបចិត្តនិងក្តីមោទនភាពចំពោះការយកចិត្តទុកដាក់យ៉ាងជ្រាលជ្រៅរបស់អង្គការបក្ស។ សមមិត្តបញ្ជាក់ថា នឹងរក្សាជានិច្ចនូវពាក្យសច្ចារបស់បក្ខជនបក្សកុម្មុយនិស្ត បន្តលត់ដំគុណសម្បត្តិបដិវត្តន៍ លើកកម្ពស់ស្មារតីទទួលខុសត្រូវ ចូលរួមយ៉ាងសកម្មក្នុងកិច្ចការកសាងបក្សនិងអភិវឌ្ឍសេដ្ឋកិច្ច-សង្គមនៅភូមិភាគ។

ពិធីប្រគល់សញ្ញាលក្ខណ៍បក្ស គឺជាការទទួលស្គាល់ដ៏ស័ក្តសមចំពោះការលះបង់ពេញមួយជីវិតដើម្បីបុព្វហេតុបដិវត្តន៍ ព្រមទាំងជាឱកាសដ៏មានអត្ថន័យដើម្បីពូនជ្រំទំនុកចិត្ត ក្តីមោទនភាពនិងអប់រំប្រវេណីបដិវត្តន៍ដ៏រុងរឿងដល់កម្មាភិបាល បក្ខជននិងប្រជាជនឃុំមីហឿង៕

យ្វីអាញ - សុផន

ចែករំលែកអត្ថបទ

ពាក្យគន្លឹះ