ព្រឹត្តិការណ៍ - នយោបាយ ព្រឹត្តិការណ៍

29/09/2026 - 21:04

វគ្គហ្វឹកហាត់បំប៉ន ធ្វើបច្ចុប្បន្នភាពចំណេះដឹងដល់អ្នកមានប្រិយភាពក្នុងជនជាតិភាគតិច

នៅព្រឹកថ្ងៃទី២៩ ខែកញ្ញា មន្ទីរជនជាតិនិងសាសនាខេត្តកាម៉ាវ បានចាត់តាំងបើកវគ្គហ្វឹកហាត់បំប៉ន ធ្វើបច្ចុប្បន្នភាពចំណេះដឹងដល់អ្នកមានប្រិយភាពក្នុងជនជាតិភាគតិចនិងបុគ្គលិកបំពេញការងារជនជាតិលើភូមិឋានខេត្ត។ អញ្ជើញចូលរួមក្នុងពិធីនេះ មានអ្នកតំណាង ១០០ នាក់ដែលជាអ្នកមានប្រិយភាពក្នុងជនជាតិភាគតិចនិងបុគ្គលិកបំពេញការងារជនជាតិលើភូមិឋានឃុំ។

សមមិត្ត លឿងវ៉ាំងផ នាយករងមន្ទីរជនជាតិនិងសាសនាខេត្តកាម៉ាវ ថ្លែងការណ៍នៅក្នុងវគ្គហ្វឹកហាត់។

ក្នុងរយៈពេល២ថ្ងៃ ចាប់ពីថ្ងៃទី២៩ដល់ថ្ងៃទី៣០ ខែកញ្ញា អ្នកតំណាងទាំងឡាយ បានស្តាប់ឃោសនិកផ្តល់ព័ត៌មាន៤ប្រធានបទ រួមមាន៖តួនាទីរបស់អ្នកមានប្រិយភាពក្នុងការងារចលនាជនជាតិភាគតិចអនុវត្តការងារកាត់បន្ថយភាពក្រីក្រដោយចីរភាពក្នុងតំបន់ជនជាតិភាគតិច តួនាទីរបស់អ្នកមានប្រិយភាពក្នុងការអភិរក្សនិងពង្រីកតម្លៃវប្បធម៌ប្រពៃណីរបស់ជនជាតិភាគតិច ស្ថានភាពសន្តិសុខជនជាតិ សាសនាតំបន់តីណាមបូ តួនាទីរបស់អ្នកមានប្រិយភាពក្នុងការចូលរួមការពារសន្តិសុខសណ្តាប់ធ្នាប់នៅមូលដ្ឋាន ពង្រឹងនិងលើកកម្ពស់គុណភាពសកម្មភាពនិងពង្រីកតួនាទីអ្នកមានប្រិយភាពក្នុងជនជាតិភាគតិចខេត្តកាម៉ាវ ដំណាក់កាល ២០២៦-២០៣០។

ទិដ្ឋភាពនៃវគ្គហ្វឹកហាត់។

ថ្លែងការណ៍នៅក្នុងពិធីនេះ សមមិត្តលឿងវ៉ាំងផ នាយករងមន្ទីរជនជាតិនិងសាសនាខេត្តកាម៉ាវ បញ្ជាក់៖ ក្នុងបរិការណ៍នាបច្ចុប្បន្ន តម្រូវការពង្រីកតួនាទីអ្នកមានប្រិយភាពកាន់តែខ្ពស់។ ពិសេស បន្ទាប់ពីអនុវត្តការរៀបចំអង្គភាពរដ្ឋបាល រដ្ឋអំណាចភូមិភាគ២ថ្នាក់និងរៀបចំឡើងវិញនូវភូមិ អនុសង្កាត់ វិធីសាស្ត្រគ្រប់គ្រង សហការនិងពង្រីកតួនាទីអ្នកមានប្រិយភាព បន្តមានការផ្លាស់ថ្មី សមស្របនឹងភាពជាក់ស្តែងនៅមូលដ្ឋាន។ ហេតុនេះ ការចាត់តាំងវគ្គហ្វឹកហាត់ ដើម្បីផ្តល់ចំណេះដឹង ព័ត៌មាននិងលើកកម្ពស់បំណិនផ្សព្វផ្សាយ ចលនា ក្តោបក្តាប់ស្ថានភាព ដោះដូរព័ត៌មាននិងដោះស្រាយបញ្ហាដែលកើតមាននៅសហគមន៍។ តាមរយៈនោះ បន្តការពង្រីកតួនាទីជាស្ពានតភ្ជាប់របស់អ្នកមានប្រិយភាព រួមចំណែកអនុវត្តមានប្រសិទ្ធភាពការងារបន្ថយភាពក្រីក្រដោយចីរភាព រក្សាសន្តិសុខសណ្តាប់ធ្នាប់ អភិរក្សអត្តសញ្ញាណវប្បធម៌ជនជាតិ ពង្រឹងផែនមហាសាមគ្គីទូទាំងជនជាតិនិងជំរុញការអភិវឌ្ឍសេដ្ឋកិច្ច-សង្គមនៅភូមិភាគ៕

យ្វីអាញ-មុនី

ចែករំលែកអត្ថបទ

ពាក្យគន្លឹះ