ព្រឹត្តិការណ៍ - នយោបាយ ព្រឹត្តិការណ៍

23/09/2026 - 22:35

ស្តាប់ប្រជាជននិយាយ - ស្ពានតភ្ជាប់រឹងមាំរវាងឆន្ទៈបក្សនិងទឹកចិត្តប្រជាជន

ដោយកំណត់ច្បាស់ការដោះស្រាយទាន់ពេលនូវបញ្ហាជាប់ជំពាក់ពីមូលដ្ឋានគឺជា "គន្លឹះ" បង្កការយល់ស្របក្នុងសង្គម រយៈពេលកន្លង គណៈកម្មាធិការបក្ស រដ្ឋអំណាចភូមិភាគឃុំឡាយហ្វា យកចិត្តទុកដាក់ពិសេសលើការផ្លាស់ថ្មី ការងារប្រជាចលនា។ តាមរយៈវេទិកា “ស្តាប់ប្រជាជននិយាយ” និងរាល់សកម្មភាពជិតដិតតំបន់ជនជាតិភាគតិច បញ្ហាជីវភាពប្រជាជនត្រូវបានពិភាក្សាចំៗ ដោះស្រាយគ្រប់សព្វ រួមចំណែកពង្រឹងយ៉ាងរឹងមាំទំនុកចិត្តរបស់ប្រជាជនមកលើបក្ស រដ្ឋ និងបំផុសសេចក្តីប្រាថ្នាអភិវឌ្ឍភូមិស្រុក។

ពិភាក្សាចំៗ ដោះស្រាយដល់ឬសគល់បញ្ហា

គាំទ្រសកម្មភាពនៃ “ខែស្តាប់ប្រជាជននិយាយ” ឆ្នាំ២០២៦ វេទិកា “ស្តាប់ប្រជាជននិយាយ” នៅឃុំឡាយហ្វា បានទាក់ទាញការយកចិត្តទុកដាក់ពិសេសពីប្រជាជនច្រើនកុះករ។ កត់សម្គាល់នៅក្នុងព្រឹត្តិការណ៍ តំណាងឱ្យសំឡេងរបស់ប្រជាជននៅមូលដ្ឋានមានពលរដ្ឋជាង ៧០ នាក់មកពីភូមិផ្សេងៗលើភូមិឋាន។ ចំពោះថ្នាក់ដឹកនាំភូមិភាគ វេទិកាមានការចូលរួមជាអធិបតីពីសំណាក់លោក ត្រឹងគឹមហ្វី - លេខាគណៈកម្មាធិការបក្ស ប្រធានក្រុមប្រឹក្សាប្រជាជនឃុំ; សមមិត្តផាងវ៉ាំងត្វឹង - អនុលេខា ប្រធានគណៈកម្មាធិការប្រជាជនឃុំ; និងសមមិត្តថាច់ភឿកតាយ - សមាជិកគណៈអចិន្ត្រៃយ៍នៃគណៈកម្មាធិការបក្ស ប្រធានគណៈកម្មាធិការរណសិរ្សមាតុភូមិឃុំ ព្រមទាំងមានការចូលរួមពីគណៈ ផ្នែក អង្គការមហាជន និងកម្លាំងនគរបាល។ ក្នុងបរិយាកាសប្រជាធិបតេយ្យ បើកចំហ ប្រជាជនឃុំឡាយហ្វាបានដោះដូរ ឆ្លុះបញ្ចាំងដោយផ្ទាល់ព្រមៗគ្នានូវបញ្ហាជាក់ស្តែង ផ្សារភ្ជាប់នឹងជីវភាពប្រជាជន។ លេចធ្លោ គឺក្រុមមតិយោបល់ដែលពាក់ព័ន្ធនឹងសុខុមាលភាពសង្គមដូច៖ គោលនយោបាយគាំទ្រមុខរបរចិញ្ចឹមជីវិតចាកផុតពីភាពក្រីក្រដោយចីរភាព សង់លំនៅឋានជូនគ្រួសារក្រីក្រ និងគ្រួសារគោលនយោបាយ ដោះស្រាយទឹកស្អាតប្រើប្រាស់ ក៏ដូចជាបណ្តារបបចូលនិវត្តន៍ និងថវិកាឧបត្ថម្ភពិធីបុណ្យសពសម្រាប់អ្នកចូលរួមធានារ៉ាប់រងសង្គមស្ម័គ្រចិត្ត។

ទន្ទឹមនឹងនោះ បណ្តាបញ្ហាសុខាភិបាល អប់រំ និងហេដ្ឋារចនាសម្ព័ន្ធក៏បានធ្វើឱ្យវេទិកាកាន់តែ “ក្ដៅគគុក” ផងដែរ។ អ្នកបោះឆ្នោតបានស្នើចំៗថា ដំណាក់សុខាភិបាលឃុំត្រូវធានាប្រភពថ្នាំពេទ្យដោយធានារ៉ាប់រងសុខាភិបាល បង្កើនការពិនិត្យសុខភាពជូនអ្នកវ័យចាស់ និងអ្នកជំងឺរ៉ាំរ៉ៃ; ព្រមទាំងមានវិធានការដោះស្រាយឱ្យបានដាច់ស្រេចស្ថានភាពចំណីអាហារមិនធានាសុវត្ថិភាពនៅមុខខ្លោងទ្វារសាលារៀន។ ភាពខ្វះចន្លោះររបស់ទីក្រុងដូច៖ ការលិចទឹកតាមដងផ្លូវ បំពានលើចិញ្ចើមថ្នល់ របៀងសុវត្ថិភាពចរាចរណ៍ រៀបចំសណ្តាប់ធ្នាប់ផ្សារឃុំ ។ល។ ក៏បានមាមីងក្លាហានផ្តល់មតិផងដែរ។ ពិសេស ប្រជាជនបានបង្ហាញការប្តេជ្ញាចិត្តខ្ពស់ជាមួយរដ្ឋអំណាចក្នុងកសាងឃុំឡាយហ្វាគ្មានគ្រឿងញៀន និងអនុវត្តល្អគោលនយោបាយសមរភូមិក្រោយកងទ័ព។

ទិដ្ឋភាពចាត់តាំងវេទិកា “ស្តាប់ប្រជាជននិយាយ” នៅឃុំឡាយហ្វា។

ដោយស្មារតីបើកទូលាយចក្ខុវិស័យ មិនគេចវេះ ថ្នាក់ដឹកនាំក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិឃុំ ព្រមទាំងផ្នែកជំនាញផ្សេងៗនិងនគរបាលឃុំ បានទទួលដោយផ្ទាល់ វែកញែកស្រាយបំភ្លឺ និងឆ្លើយតបយ៉ាងពេញចិត្តចំពោះរាល់មតិយោបល់ភ្លាមៗនៅនឹងវេទិកា ទទួលបានការយល់ស្របខ្ពស់ពីសំណាក់ប្រជាជន។ ថ្លែងក្នុងវេទិកា សមមិត្ត ត្រឹងគឹមហ្វី បានអះអាង៖ “អត្ថន័យនៃវេទិកាលើកនេះមិនត្រឹមតែបញ្ឈប់លើការបង្កបរិយាកាសដើម្បីប្រជាជនលើកឡើងពីបំណងប្រាថ្នារបស់ខ្លួនប៉ុណ្ណោះទេ។ សំខាន់ជាងនេះទៀត នេះគឺជាស្ពានតភ្ជាប់យ៉ាងរឹងមាំដើម្បីគណៈកម្មាធិការបក្ស រដ្ឋអំណាច និងរណសិរ្សមាតុភូមិឃុំកាន់តែជិតនឹងប្រជាជន ស្និទ្ធប្រជាជន យល់ប្រជាជន និងដោះស្រាយទាន់ពេលនូវបញ្ហាទទូចភ្លាមៗពីមូលដ្ឋាន។ តាមរយៈនោះ យើងពង្រីកជាអតិបរមាសិទ្ធិជាម្ចាស់របស់ប្រជាជនក្នុងការចូលរួមកសាងរដ្ឋអំណាច លើកកម្ពស់ប្រសិទ្ធភាពអភិបាលកិច្ច ពង្រឹងជំនឿទុកចិត្ត និងបង្កការយល់ស្របក្នុងសង្គម។ នេះគឺជាបុព្វបទដ៏សំខាន់ដើម្បីអនុវត្តជ័យជម្នះរាល់ភារកិច្ចសេដ្ឋកិច្ច-សង្គម ប្តេជ្ញាចិត្តកសាងឃុំឡាយហ្វាវីរភាពឱ្យកាន់តែស៊ីវិល័យ និងទំនើប”។

ផ្លាស់ថ្មីជាវិជ្ជមានក្នុងតំបន់ជនជាតិភាគតិច

ជាភូមិឋានមានជនរួមជាតិខ្មែរជាង ៧០% នាពេលកន្លង ការងារប្រជាចលនានៅឃុំឡាយហ្វាតែងផ្សារភ្ជាប់ជាមួយលក្ខណៈពិសេសខាងសាសនា ជនជាតិ។ មិនត្រឹមតែរង់ចាំប្រជាជនមកកាន់វេទិកាប៉ុណ្ណោះទេ រដ្ឋអំណាចភូមិភាគតែងម្ចាស់ការចុះសួរសុខទុក្ខព្រះសង្ឃវត្តពុទ្ធសាសនាទក្ខិណនិកាយខ្មែរលើភូមិឋាន ដើម្បីក្តាប់ស្ថានភាព ចែករំលែក និងដោះស្រាយទាន់ពេលពីបំណងប្រាថ្នាដ៏ត្រឹមត្រូវរបស់ប្រជាជន។

ថ្នាក់ដឹកនាំឃុំឡាយហ្វា តែងចុះសួរសុខទុក្ខ ក្តាប់ព័ត៌មានតាមវត្តពុទ្ធសាសនាទក្ខិណនិកាយខ្មែរលើភូមិឋានឃុំ ។

ចែករំលែកអំពីការផ្លាស់ថ្មីនៃភូមិស្រុក លោក ថាច់មាន - តំណាងគណៈកម្មការវត្តឈូងធំ ឱ្យដឹងដោយក្តីរីករាយ៖ “រយៈពេលកន្លង អាស្រ័យរដ្ឋអំណាចភូមិភាគយកចិត្តទុកដាក់ជាពិសេស តែងស្តាប់មតិយោបល់របស់មាមីង ម្ល៉ោះហើយភូមិស្រុកមានការផ្លាស់ថ្មីច្រើនពិតប្រាកដ។ ផ្តើមពីការផ្តល់មតិដ៏តូចដូចជាការជួសជុលតាមផ្លូវបេតុងសម្រាប់ធ្វើដំណើរ រហូតដល់ការណែនាំមាមីងធ្វើសេដ្ឋកិច្ច បង្វែររចនាសម្ព័ន្ធពូជដំណាំ សត្វចិញ្ចឹម។ល។ អាស្រ័យហេតុនេះ ជីវភាពសម្ភារៈ និងស្មារតីរបស់ប្រជាជនលើភូមិឋានកាន់តែមានការរីកចម្រើនច្រើន មាមីងរីករាយយ៉ាងខ្លាំង និងជឿទុកចិត្តលើការដឹកនាំរបស់រដ្ឋអំណាច”។

អាចនិយាយបានថា វេទិកា “ស្តាប់ប្រជាជននិយាយ” នៅឃុំឡាយហ្វា មិនត្រឹមតែជាសកម្មភាពមួយប្រកបដោយលក្ខណៈចលនាប៉ុណ្ណោះទេ ប៉ុន្តែបានក្លាយជាភាពជាក់ស្តែង។ តាមរយៈការចេះស្តាប់ គោរព និងដោះស្រាយទាន់ពេលរបស់ប្រជាជនពិតប្រាកដ រដ្ឋអំណាចឃុំឡាយហ្វាកំពុងជាជំហានកសាងជំហរយុទ្ធសាស្រ្តទឹកចិត្តប្រជជនរឹងមាំ។ នេះគឺជា “គន្លឹះ” បំផុសកម្លាំងមហាសាមគ្គីទូទាំងជនជាតិ បង្កកម្លាំងចលករដ៏ធំធេង ដើម្បីឃុំបន្តឈានលោតផ្លោះអភិវឌ្ឍដំណើរសេដ្ឋកិច្ច-សង្គមក្នុងរយៈពេលខាងមុខ៕

ថាញហ៊ុង - លីសៀ

ចែករំលែកអត្ថបទ

ពាក្យគន្លឹះ