ព្រឹត្តិការណ៍ - នយោបាយ ព្រឹត្តិការណ៍

18/09/2026 - 18:05

ថាញ់ថើយអាង ប្រគល់ផ្ទះ ៧ ខ្នង ជូនកូនបង្កើតរបស់អ្នកចូលរួមតស៊ូបដិវត្តន៍ រងផលប៉ះពាល់ដោយសារធាតុពុលគីមី

ព្រឹកថ្ងៃទី ១៨ ខែកញ្ញា គណៈកម្មាធិការប្រជាជនឃុំថាញ់ថើយអាង ទីក្រុងកឹងធើ បានចាត់តាំងពិធីប្រគល់ផ្ទះចំនួន ៧ ខ្នង ជូនដល់មុខសញ្ញាជាកូនបង្កើតរបស់អ្នកចូលរួមតស៊ូបដិវត្តន៍ដែលរងផលប៉ះពាល់ដោយសារធាតុពុលគីមីនៅលើភូមិឋានឃុំ។ នេះជាផ្ទះដែលបានសាងសង់តាមផែនការលេខ ៤១៤/KH-UBND ចុះថ្ងៃទី ០៣ ខែកញ្ញា ឆ្នាំ ២០២៦ របស់គណៈកម្មាធិការប្រជាជនទីក្រុងកឹងធើ ស្តីពីការគាំទ្របំបាត់ផ្ទះបណ្តោះអាសន្ន និងផ្ទះទ្រុឌទ្រោម សម្រាប់មុខសញ្ញាជាកូនបង្កើតរបស់អ្នកចូលរួមតស៊ូបដិវត្តន៍ដែលរងផលប៉ះពាល់ដោយសារធាតុពុលគីមី។

ថ្នាក់ដឹកនាំឃុំថាញ់ថើយអាង ប្រគល់ផ្ទះជូនកូនបង្កើតរបស់អ្នកចូលរួមតស៊ូបដិវត្តន៍ដែលរងផលប៉ះពាល់ដោយសារធាតុពុលគីមី។

នៅលើកនេះ គណៈកម្មាធិការប្រជាជនឃុំបានប្រគល់ផ្ទះចំនួន ៧ ខ្នង ក្នុងនោះមាន ៤ ខ្នងសាងសង់ថ្មី និង ៣ ខ្នងជួសជុល។ តាមរយៈនោះ ចំពោះផ្ទះសាងសង់ថ្មី បានឧបត្ថម្ភថវិកា ១០០ លានដុងក្នុងមួយខ្នង និងផ្ទះជួសជុលបានឧបត្ថម្ភ ៥០ លានដុងក្នុងមួយខ្នង។ ពិធីប្រគល់ផ្ទះនេះ មិនត្រឹមតែរួមចំណែកសម្រេចនូវការអនុវត្តកម្មវិធីឧបត្ថម្ភបំបាត់ផ្ទះបណ្តោះអាសន្ន និងផ្ទះទ្រុឌទ្រោម តាមផែនការលេខ ៤១៤/KH-UBND របស់គណៈកម្មាធិការប្រជាជនទីក្រុងកឹងធើប៉ុណ្ណោះទេ ថែមទាំងបង្ហាញពីការយកចិត្តទុកដាក់ និងការគិតគូររបស់គណៈកម្មាធិការបក្ស រដ្ឋអំណាច រណសិរ្សមាតុភូមិ និងបណ្តាផ្នែក អង្គការមហាជន ចំពោះបណ្តាគ្រួសារជាកូនបង្កើតរបស់អ្នកចូលរួមតស៊ូបដិវត្តន៍ដែលរងផលប៉ះពាល់ដោយសារធាតុពុលគីមីលើភូមិឋានឃុំថាញ់ថើយអាងផងដែរ។

ផ្ទះថ្មីដែលបានប្រគល់ជូននេះ នឹងរួមចំណែកជួយឱ្យបណ្តាគ្រួសារមានលក្ខណៈបន្ថែមដើម្បីលំនឹងជីវភាព ស្ងាប់ចិត្តប្រជុំជីវភាពរស់នៅ ព្រមទាំងធ្វើឱ្យរីកសាយភាយនូវស្មារតីស្រឡាញ់រាប់អានជួយគ្នាទៅវិញទៅមកនិងការទទួលខុសត្រូវរបស់សហគមន៍ ក្នុងការងារគិតគូរដល់សុខុមាលភាពសង្គម និងការអនុវត្តគោលនយោបាយចំពោះអ្នកមានសគុណចំពោះបដិវត្តន៍ និងមុខសញ្ញាគោលនយោបាយនៅក្នុងភូមិភាគ៕

ហុងទើ- រ៉ូនត្រឹង

ចែករំលែកអត្ថបទ

ពាក្យគន្លឹះ