សន្តិសុខ - ការពារប្រទេស ការពារប្រទេស

08/09/2026 - 21:17

កងទ័ពការពារព្រំដែនទីក្រុងកឹងធើ ចាត់តាំងជោគជ័យពិធីប្រឡងអនុប្រធានប៉ុស្តិ៍វិជ្ជាជីវៈពូកែ

រសៀលថ្ងៃទី៨ ខែកញ្ញា គណៈបញ្ជាការកងទ័ពការពារព្រំដែនទីក្រុងកឹងធើ បានបិទបញ្ចប់ការប្រឡងអនុប្រធានប៉ុស្តិ៍វិជ្ជាជីវៈពូកែ។ ពិធីប្រឡងប្រព្រឹត្តទៅនាថ្ងៃទី៧ និងថ្ងៃទី៨ ខែកញ្ញា ដោយមានបេក្ខជនមកពីប៉ុស្តិ៍ការពារព្រំដែនចំនួន៥ ក្នុងទីក្រុង ដោយប្រឡងលើវិញ្ញាសាចំនួន៥ រួមមាន៖ បទបញ្ជាគ្រប់គ្រងកងទ័ព និងលំហាត់កងដៃទទេ; ដោះស្រាយសភាពការណ៍; បាញ់កាំភ្លើង; ហែលទឹកដោយសេរី៣នាទី និងចំណេះដឹងទ្រឹស្ដីទូទៅ។

លោកវរៈសេនីយ៍ឯក លឿងហ៊ឺវទ្រុង បញ្ជាការរងកងទ័ពការពារព្រំដែនទីក្រុង បានប្រគល់លិខិតសរសើរដល់បុគ្គលដែលមានស្នាដៃឆ្នើមក្នុងការប្រឡង។

ខ្លឹមសារប្រឡងផ្តោតលើចំណេះដឹង និងវិជ្ជាជីវៈការពារព្រំដែន ការងារគ្រប់គ្រង និងការពារព្រំដែន ច្រកទ្វារព្រំដែន; ការប្រយុទ្ធប្រឆាំងបទល្មើស និងការដោះស្រាយសភាពការណ៍កើតមានក្នុងភូមិឋាន។ ការប្រឡងមួយផ្នែកៗបានចាត់តាំងឡើងយ៉ាងហ្មត់ចត់និងជិតដិតនឹងភាពជាក់ស្តែង រួមចំណែកហ្វឹកហ្វឺនសមត្ថភាព វិធីសាស្ត្របញ្ជាការ បំណិនដោះស្រាយសភាពការណ៍ និងឥរិយាបថធ្វើការជូនអនុប្រធានប៉ុស្តិ៍វិជ្ជាជីវៈ។

បញ្ចប់ការប្រឡង គណៈបញ្ជាការកងទ័ពការពារព្រំដែនទីក្រុងកឹងធើ បានប្រគល់លិខិតសរសើរដល់វរសេនីយ៍ត្រី ផាងមិញធឿង អនុប្រធានប៉ុស្តិ៍វិជ្ជាជីវៈនៃប៉ុស្តិ៍ការពារព្រំដែនវិញហាយ ទទួលបានជ័យលាភីលេខ១ វរសេនីយ៍ត្រី ង្វៀងវ៉ាំងទ្រឿង អនុប្រធានប៉ុស្តិ៍វិជ្ជាជីវៈនៃប៉ុស្តិ៍ការពារព្រំដែនវិញចូវ ទទួលបានជ័យលាភីលេខ២ និងវរសេនីយ៍ត្រី ង្វៀងតៀងថាញ់ អនុប្រធានប៉ុស្តិ៍វិជ្ជាជីវៈនៃប៉ុស្តិ៍ការពារព្រំដែនទ្រុងប៊ិញ ទទួលបានជ័យលាភីលេខ៣។

ទិដ្ឋភាពទូទៅនៃពិធីបិទបញ្ចប់ការប្រឡង។

ថ្លែងការណ៍ក្នុងពិធីបិទបញ្ចប់ លោកវរសេនីយ៍ឯក លឿងហ៊ឺវទ្រុង បញ្ជាការរងកងទ័ពការពារព្រំដែនទីក្រុងកឹងធើ បានបញ្ជាក់៖ តាមរយៈការប្រឡងនេះ កម្មាភិបាល និងបញ្ជាការនៃអង្គភាពមូលដ្ឋាន មានឱកាសដោះដូរ រៀនសូត្របទពិសោធន៍ លើកកម្ពស់សមត្ថភាពធ្វើសេនាធិការ បញ្ជាការ និងចាត់តាំងអនុវត្តភារកិច្ច។ តាមរយៈនោះ គណៈបញ្ជាការកងទ័ពការពារព្រំដែនទីក្រុងវាយតម្លៃជាក់ស្តែងនូវកម្រិតវិជ្ជាជីវៈ និងសមត្ថភាពវិជ្ជាជីវៈរបស់កងជួរអនុប្រធានប៉ុស្តិ៍វិជ្ជាជីវៈ ដើម្បីធ្វើជាមូលដ្ឋានបន្តបំប៉ន លើកកម្ពស់គុណភាពកងជួរកម្មាភិបាល ឆ្លើយតបតម្រូវការភារកិច្ចគ្រប់គ្រង និងការពារអធិបតេយ្យដែនដី សន្តិសុខព្រំដែនជាតិក្នុងស្ថានភាពថ្មី៕

យ្វីអាញ - ថាច់ធី

ចែករំលែកអត្ថបទ

ពាក្យគន្លឹះ