មហាសាមគ្គីជនជាតិ ភូមិស្រុកផ្លាស់ថ្មី

26/08/2026 - 05:57

រក្សាចលនាក្រោយពីរួមបញ្ចូលភូមិ មណ្ឌល

ក្រោយពីអនុវត្តការរៀបចំឈ្មោះភូមិ មណ្ឌលជាច្រើននៅតាមឃុំ សង្កាត់នៅទីក្រុងកឹងធើ បានផ្លាស់ប្តូរជាសន្សឹមៗ ប៉ុន្តែតម្លៃវប្បធម៌សហគមន៍ មនោសញ្ចេតនារវាងអ្នកភូមិផងរបងជាមួយតែងបានថែរក្សា និងពូនជ្រំតាមរយៈសកម្មភាព និងចលនារបស់ភូមិភាគ។

សមាគមសហព័ន្ធនារីឃុំថើយឡាយ ចូលរួមជម្រះស្មៅ និងថែទាំផ្កាតាមផ្លូវជនបទ។

ដើម្បីតម្លៃល្អប្រសើរបន្តបានថែរក្សា និងពង្រីកក្នុងសហគមន៍ ក្រោយពីរួមបញ្ចូលរវាងតំបន់ផ្នោធំ និងតឹងណាម ទៅជាមណ្ឌលតឹងណាម សង្កាត់វិញភឿក សាខាបក្សតំបន់តឹងណាម បានចាត់តាំងបើកយុទ្ធនាការសម្អាតបរិស្ថាន។ សកម្មភាពនេះ បានទាក់ទាញកម្មាភិបាល បក្ខជន និងប្រជាជនជាង ៤០ នាក់ ចូលរួមកាប់ឆ្ការគុម្ពោតព្រៃស៊ុមទ្រុម សម្អាតផ្លូវជនបទ។ បរិយាកាសពលកម្មប្រព្រឹត្តឡើងយ៉ាងពុះពោរ ជួយកាត់បន្ថយគម្លាតរវាងប្រជាជនរស់នៅទីតាំងទាំងពីរនេះ បានផ្សារភ្ជាប់នឹងគ្នាយ៉ាងរហ័សតាមរយៈធ្វើការរួមគ្នា។ លោក ថាច់សែប លេខាសាខាបក្សមណ្ឌលតឹងណាម ឱ្យដឹង៖ “ប្រការដែលសំខាន់ ក្រោយពីរួមបញ្ចូល គឺមិនត្រឹមតែរក្សាស្ថិរភាពភូមិឋានប៉ុណ្ណោះទេ ថែមទាំងត្រូវរក្សាចំណងសាមគ្គីក្នុងប្រជាជនទៀតផង។ ឃើញប្រជាជនម្ចាស់ការជួយគ្នា សម្អាត កាប់ឆ្ការគុម្ពោតព្រៃស៊ុមទ្រុមខ្ញុំរីករាយណាស់។ សកម្មភាពនេះធ្វើឱ្យផ្លូវជ្រះស្អាតផង និងជាឱកាសដើម្បីប្រជាជនជួបទំនាក់ទំនងយល់គ្នាជាងទៀត ហើយមនោសញ្ចេតនារវាងអ្នកភូមិផងរបងជាមួយក៏កាន់តែស្អិតល្មួតជាងទៀតដែរ”។

ក្រៅពីពូនជ្រំផ្តើមពីការងារជាក់ស្តែងនៅតាមភូមិ និងតំបន់នីមួយៗ ស្មារតីសាមគ្គីក្នុងសហគមន៍ទើប បានថែរក្សា និងសាយភាយតាមរយៈចលនាប្រឡង ប្រណាំង សកម្មភាពសុខុមាលភាពសង្គម អាស្រ័យ អង្គការមហាជនបំផុសចលនា។ នេះគឺជាស្ពានតភ្ជាប់ ដ៏សំខាន់ពង្រីកកម្លាំងសហគមន៍ និងកសាងជីវភាព វប្បធម៌នៅតំបន់តាំងទីលំនៅ។

ក្រោយពីអនុវត្តការចាត់តាំងឃុំថើយឡាយ ចំនួនភូមិថយចុះពី២១ភូមិនៅត្រឹមតែ១២ភូមិ ការងារប្រមូលផ្តុំ ចលនាសមាជិកានារីក៏ប្រឈមមុខនឹងតម្រូវការថ្មី។ នេះគឺជាឱកាសដើម្បីសមាគមពង្រឹង និងពង្រីកទម្រង់ដែលកំពុងដំណើរការមានប្រសិទ្ធភាព បំផុតគឺក្រុមសហការក្លឹបនារីជួយគ្នាអភិវឌ្ឍសេដ្ឋកិច្ច។ “ពេលភូមិរួមបញ្ចូល សមាជិកចូលរួមសកម្មភាពក៏ច្រើនជាងមុន ធនធានក៏ប្រមូលផ្តុំច្រើនជាងដែរ។ ផ្តើមពីនោះ សមាគមនឹងសកម្មត្រួតពិនិត្យ ពង្រឹងក្រុមសហការ ក្លឹបនារីអភិវឌ្ឍសេដ្ឋកិច្ចដំណើរការមានប្រសិទ្ធភាព។ ទន្ទឹមនឹងនោះ លើកកម្ពស់ចលនាប្រឡងប្រណាំងកសាងនារីវៀតណាមសម័យថ្មី; ការចលនា “គ្រួសារ៥មិន ៣ ស្អាត” ផ្សារភ្ជាប់នឹង សកម្មភាពការពារបរិស្ថាន បង្កឱកាសដើម្បីបងប្អូននារីដោះដូរ ជួយគ្នាអភិវឌ្ឍផលិត រួមគ្នាកសាងស្រុកកំណើតឱ្យកាន់តែអភិវឌ្ឍ” - លោកស្រី ឡេកីមស្វៀង ប្រធានសមាគមសហព័ន្ធនារីឃុំថើយឡាយ បានឱ្យ ដឹងដូច្នេះ។

ការរៀបចំភូមិ មណ្ឌលមិនត្រឹមតែផ្លាស់ប្តូរពីព្រំប្រទល់ អង្គការចាត់តាំងប៉ុណ្ណោះទេ ថែមទាំងបើកឱកាសតភ្ជាប់របស់ភូមិសាស្រ្តនីមួយៗទៀតផង។ ពេលតម្លៃល្អប្រសើរបានថែរក្សាទម្រង់បានបន្តពង្រីកប្រសិទ្ធភាព សហគមន៍ប្រជាជនក្រោយពីរួមបញ្ចូល នឹងមានលក្ខណៈអភិវឌ្ឍបន្ថែម។ ផ្អែកលើមូលដ្ឋាននោះ ស្មារតីសាមគ្គី ការស្រុះស្រួលរបស់ប្រជាជននឹងបន្តបានពូនជ្រំ បង្កកម្លាំងជំរុញដល់ភូមិភាគឆ្ពោះដល់ដំណើរការអភិវឌ្ឍន៍៕

ថាញវ៉ាង - វិមាន

ចែករំលែកអត្ថបទ

ពាក្យគន្លឹះ