ព្រឹត្តិការណ៍ - នយោបាយ ព្រឹត្តិការណ៍

19/08/2026 - 21:53

ក្រុមការងារមន្ទីរសុខាភិបាលទីក្រុងកឹងធើ ត្រួតពិនិត្យការងារពិនិត្យសុខភាពទូទាំងប្រជាជននៅវិញចូវ

នៅព្រឹកថ្ងៃទី១៩ ខែសីហា ឆ្នាំ២០២៦ គណៈកម្មាធិការប្រជាជនសង្កាត់វិញចូវ បានទទួលនិងធ្វើការជាមួយក្រុមការងារមន្ទីរសុខាភិបាលទីក្រុងកឹងធើ ដឹកនាំដោយលោកស្រី ង្វៀងង៉ុកវៀតង៉ា នាយករងមន្ទីរសុខាភិបាលទីក្រុង ធ្វើជាប្រធានក្រុមការងារ មកអង្កេត ការងារពិនិត្យសុខភាពទូទាំងប្រជាជននៅលើភូមិឋាន។ ចូលរួមទទួលនិងធ្វើការជាមួយក្រុមការងារ មានលោក ង្វៀងមិញជី អនុប្រធានគណៈកម្មាធិការប្រជាជនសង្កាត់វិញចូវ។ អញ្ជើញចូលរួមក៏មានថ្នាក់ដឹកនាំមជ្ឈមណ្ឌលសុខាភិបាលតំបន់វិញចូវ ដំណាក់សុខាភិបាលសង្កាត់និងតំណាងដំណាក់សុខាភិបាលឃុំ សង្កាត់ចំនួន១០ ដែលនៅជិតខាង។

មុនកិច្ចជំនួបធ្វើការ ក្រុមការងារបានទៅត្រួតពិនិត្យជាក់ស្តែងការងារចាត់តាំងពិនិត្យសុខភាពជូនប្រជាជននៅមជ្ឈមណ្ឌលសុខាភិបាលតំបន់វិញចូវ។ តាមរយៈការត្រួតពិនិត្យ ក្រុមការងារបានកត់សម្គាល់ភាពសកម្មរបស់ភូមិភាគនិងមជ្ឈមណ្ឌលសុខាភិបាលតំបន់ក្នុងកិច្ចការត្រៀមលក្ខណៈហេដ្ឋារចនាសម្ព័ន្ធ ចាត់ចែងធនធានមនុស្ស បរិក្ខារពេទ្យ ចាត់តាំងការទទួល ពិនិត្យនិងធ្វើបច្ចុប្បន្នភាពព័ត៌មានសុខភាពជូនប្រជាជន។

តាមរបាយការណ៍របស់សង្កាត់វិញចូវ បន្ទាប់ពីផែនការពិនិត្យសុខភាពទូទាំងប្រជាជនបានផ្សព្វផ្សាយអនុវត្ត គណៈកម្មាធិការប្រជាជនសង្កាត់បានប្រញាប់ចាត់តាំងកិច្ចប្រជុំ បង្កើតគណៈចង្អុលការនិងចាត់ចែងភារកិច្ចជាក់លាក់ដល់ផ្នែកនីមួយៗ។ ព្រមទាំង សហការយ៉ាងជិតស្និទ្ធជាមួយមជ្ឈមណ្ឌលសុខាភិបាលតំបន់វិញចូវក្នុងកិច្ចការត្រៀមលក្ខណៈជំនាញ ធនធានមនុស្ស បរិក្ខារពេទ្យនិងសម្ភារៈវេជ្ជសាស្ត្រ ធានាកម្មវិធីបានអនុវត្តព្រមៗគ្នា ត្រូវតាមល្បឿនដំណើរការ។ កិច្ចការឃោសនា លើកទឹកចិត្តប្រជាជនបានភូមិភាគយកចិត្តទុកដាក់ពិសេស។ កងកម្លាំងក្នុងតំបន់បានចុះទៅដល់គ្រួសារប្រជាជនដើម្បីឃោសនា ចលនានិងចែកសំបុត្រអញ្ជើញប្រជាជនចូលរួមពិនិត្យសុខភាព។ ប្រព័ន្ធផ្សាយសំឡេងមូលដ្ឋានក៏បានបង្កើនរយៈពេលឃោសនា រួមចំណែកលើកកម្ពស់ការយល់ដឹងនិងបង្កការឯកភាពក្នុងប្រជាជន។ លទ្ធផល គិតត្រឹមថ្ងៃទី១៨ ខែសីហា ឆ្នាំ២០២៦ ទូទាំងសង្កាត់វិញចូវបានចាត់តាំងពិនិត្យសុខភាពជូនប្រជាជនចំនួន ៥.៧៨៤នាក់ សម្រេច ៣៨,៤១% ធៀបនឹងភាគកម្រិតគឺ ១៥.០៥៩នាក់។ ក្នុងនោះ ១០០% ប្រជាជនបានពិនិត្យសុខភាព តែងបានធ្វើសៀវភៅសុខភាពអេឡិចត្រូនិក។

ក្រុមការងារមន្ទីរសុខាភិបាលទីក្រុងកឹងធើធ្វើការនៅសង្កាត់វិញចូវ។

ក្នុងកិច្ចជំនួបធ្វើការ មជ្ឈមណ្ឌលសុខាភិបាលតំបន់វិញចូវ ព្រមទាំងតំណាងដំណាក់សុខាភិបាលឃុំ សង្កាត់ចំនួន១០ ដែលនៅជិតខាង ក៏បានលើកឡើងអំពីការលំបាក ការរាំងស្ទះខ្លះក្នុងដំណើរការអនុវត្ត។ ក្នុងនោះ ប្រព័ន្ធកម្មវិធីនិងការតភ្ជាប់ទិន្នន័យមិនទាន់ព្រមៗគ្នាពិតប្រាកដ ការបញ្ចូលទិន្នន័យ ការតភ្ជាប់រវាងផ្នែកជំនាញនីមួយៗនៅមានកម្រិត ក្រដាសលទ្ធផលត្រូវបោះពុម្ពនិងប្រគល់ដាច់ដោយឡែកជូនប្រជាជនម្នាក់ៗ។

ក្រៅពីនេះ ការចលនាអ្នកវ័យចាស់ចូលរួមពិនិត្យសុខភាពក៏ជួបការលំបាកជាច្រើន ដោយសារអ្នកវ័យចាស់ខ្លះមិនប្រើប្រាស់ទូរស័ព្ទស្មាតហ្វូន មានកម្រិតក្នុងការអនុវត្តលើកម្មវិធីកំណត់អត្តសញ្ញាណឌីជីថលកម្រិតទី២ ឬជួបការលំបាកក្នុងការធ្វើដំណើរ។ អង្គភាពទាំងនេះស្នើសុំឱ្យបែងចែកក្រុមអ្នកចូលរួមឱ្យសមស្រប ដើម្បីចាត់តាំងពិនិត្យឱ្យមានប្រសិទ្ធភាពជាង ព្រមទាំងបង្កើនការឃោសនា ចលនាប្រជាជន ជាពិសេសក្នុងបរិការណ៍ដែលប្រជាជនមួយចំនួននៅមិនទាន់សកម្មចូលរួម ដោយសារមិនទាន់មានតម្រូវការពិនិត្យជំងឺ ឬមិនទាន់បានផ្ដល់ថ្នាំព្យាបាល។

ថ្លែងការណ៍ក្នុងជំនួបធ្វើការ លោកស្រី ង្វៀងង៉ុកវៀតង៉ា នាយករងមន្ទីរសុខាភិបាលទីក្រុងកឹងធើ បានផ្តល់ព័ត៌មាន ណែនាំនិងបញ្ជាក់ច្បាស់លាស់ពីបទប្បញ្ញត្តិ ខ្លឹមសារខ្លះដែលដំណាក់សុខាភិបាលឃុំ សង្កាត់បានស្នើសុំ។ ចំពោះកិច្ចការបញ្ចូលទិន្នន័យ ឯកភាពលើគោលការណ៍ អង្គភាពណាធ្វើការពិនិត្យសុខភាព អង្គភាពនោះទទួលខុសត្រូវក្នុងការបញ្ចូលទិន្នន័យ ធានាព័ត៌មានត្រូវបានធ្វើបច្ចុប្បន្នភាពពេញលេញនិងត្រឹមត្រូវ។ ក្នុងពេលខាងមុខ អង្គភាពទាំងអស់ត្រូវយកចិត្តទុកដាក់ក្នុងដំណើរការចាត់តាំងអនុវត្ត ត្រូវពិនិត្យឡើងវិញ ជៀសវាងស្ថានភាពបញ្ចូលទិន្នន័យត្រួតលើគ្នា បន្តជំរុញការងារឃោសនា ផ្សព្វផ្សាយដោយរូបភាពសមស្របជាច្រើន ដើម្បីឱ្យប្រជាជនយល់ច្បាស់អំពីអត្ថន័យ ផលប្រយោជន៍នៃការពិនិត្យសុខភាពតាមកាលកំណត់។

ក្រៅពីនេះ មន្ទីរសុខាភិបាលសង្ឃឹមថា គណៈកម្មាធិការប្រជាជនសង្កាត់វិញចូវ មជ្ឈមណ្ឌលសុខាភិបាលតំបន់វិញចូវនិងអង្គភាពពាក់ព័ន្ធនានា បន្តលើកកម្ពស់ស្មារតីម្ចាស់ការ បង្កើនកិច្ចសហការ ដោះស្រាយទាន់ពេលនូវការលំបាក ការរាំងស្ទះក្នុងដំណើរការអនុវត្ត។ ទន្ទឹមនឹងនោះ យកចិត្តទុកដាក់អនុវត្តបច្ចេកវិទ្យាព័ត៌មាន ជាជំហានៗជម្នះភាពនៅមានកម្រិតនៃកម្មវិធីនិងការតភ្ជាប់ទិន្នន័យ ពិនិត្យឡើងវិញ បែងប្រភេទក្រុមមុខសញ្ញានីមួយៗ ដើម្បីមានផែនការឃោសនា ចលនានិងចាត់តាំងពិនិត្យឱ្យសមស្រប ខិតខំសម្រេចភាគកម្រិតពិនិត្យសុខភាពទូទាំងប្រជាជនតាមផែនការដែលបានដាក់ចេញ៕

ថាញហ៊ុង - សុផន

ចែករំលែកអត្ថបទ

ពាក្យគន្លឹះ