សន្តិសុខ - ការពារប្រទេស ការពារប្រទេស

14/08/2026 - 06:13

មូលដ្ឋានគោរពបូជាអនុវត្តល្អនូវការងារធានាសន្តិសុខ សណ្តាប់ធ្នាប់

រយៈពេលកន្លង នៅតាមភូមិភាគជាច្រើនលើភូមិឋានទីក្រុងកឹងធើ ការងារធានាសន្តិសុខ និងសណ្តាប់ធ្នាប់តែងបានកំណត់ជាភារកិច្ចសំខាន់និងជានិច្ចកាល ដើម្បីរក្សាស្ថិរភាពនយោបាយ សណ្តាប់ធ្នាប់សុវត្ថិភាពសង្គម និងបង្កបរិស្ថានងាយស្រួលសម្រាប់ការអភិវឌ្ឍសេដ្ឋកិច្ច-សង្គម។ ជាមួយនឹងការចូលរួមព្រមៗគ្នានៃទូទាំងប្រព័ន្ធនយោបាយ និងការចូលរួមពីប្រជាជន រដ្ឋអំណាចភូមិភាគ និងបណ្តាមូលដ្ឋានគោរពបូជា សម្រេចបានលទ្ធផលវិជ្ជមានជាច្រើន ក្លាយជាចំណុចភ្លឺក្នុងចលនាទូទាំងប្រជាជនការពារសន្តិសុខមាតុភូមិ។

កម្មាភិបាលនគរបាលឃុំអាងនិញផ្សព្វផ្សាយច្បាប់ជូនមាមីងពុទ្ធបរិស័ទនៅវត្តបទុមរង្សីទំនប់។

ក្នុងចំណោមចំណុចលេចធ្លោអំពីការរក្សាសន្តិសុខសណ្តាប់ធ្នាប់នៅតំបន់ជនរួមជាតិខ្មែរវត្តទំនប់ ឃុំអាងនិញ គឺចំណុចភ្លឺស្វាងគំរូក្នុងការងារ បង្ការទប់ស្កាត់បទល្មើស និងអបាយមុខ។ មិនត្រឹមតែជាកន្លែងប្រជុំជីវភាពជំនឿសាសនាប៉ុណ្ណោះទេ វត្តអារាមថែមទាំងក្លាយជា “ស្ពានតភ្ជាប់” ដ៏សំខាន់ រវាងរដ្ឋអំណាចនិងប្រជាជន រួមចំណែកកសាងបរិស្ថានរស់នៅប្រកបដោយភាពសុខសាន្តនិងសុវត្ថិភាព។ គណៈកម្មការវត្ត និងព្រះសង្ឃបានសហការយ៉ាងសកម្មជាមួយរដ្ឋអំណាចភូមិភាគ និងកងកម្លាំងនគរបាលក្នុងការងារផ្សព្វផ្សាយ ចលនាប្រជាជនអនុវត្តតាមច្បាប់។ តាមរយៈពិធីកិច្ចបុណ្យទានក្នុងសាសនា និងបុណ្យទានប្រពៃណីរបស់ជនរួមជាតិខ្មែរ ខ្លឹមសារអំពីការទប់ស្កាត់បទល្មើសនិងអបាយមុខ ត្រូវបានបញ្ចូលគ្នាដើម្បីជួយឱ្យប្រជាជនងាយយល់ងាយទទួលយកនិងអនុវត្តដោយស្មារតីស្ម័គ្រចិត្ត។

ព្រះតេជគុណឡឹមហ៊ីប ចៅអធិការវត្តបទុមរង្សីទំនប់ ឃុំអាងនិញ ទីក្រុងកឹងធើ មានថេរដីកា៖ “កន្លងមក វត្តតែងកំណត់ការផ្សព្វផ្សាយច្បាប់ និងការលើកកម្ពស់ស្មារតីប្រុងប្រយ័ត្ន ទប់ស្កាត់បទល្មើសក្នុងជនរួមជាតិខ្មែរគឺជាភារកិច្ចដ៏សំខាន់។ តាមរយៈកម្មវិធីបុណ្យទានសាសនា ការសម្តែងធម៌ទេសនា និងថ្ងៃពេញបូណ៌និងខែដាច់ វត្តបានបញ្ចូលខ្លឹមសារអប់រំច្បាប់ លើកទឹកចិត្តឱ្យប្រជាជនរស់នៅ “ល្អទាំងផ្លូវលោក ល្អទាំងផ្លូវធម៌” អនុវត្តតាមបទប្បញ្ញត្តិ និងជៀសឆ្ងាយពីអបាយមុខ។ តាមរយៈនោះ បានរួមចំណែករក្សាសន្តិសុខសណ្តាប់ធ្នាប់ក្នុងវត្ត”។

ទន្ទឹមនឹងនោះ ឃុំបានកសាងនិងពង្រីកទូលំទូលាយនូវទម្រង់ស្វ័យគ្រប់គ្រងជាច្រើនដែលមានប្រសិទ្ធភាពក្នុងប្រជាជន។ ដូចទម្រង់ “ក្រុមស្វ័យគ្រប់គ្រងអំពីសន្តិសុខសណ្តាប់ធ្នាប់” “កាមេរ៉ាសុវត្ថិភាព” និង “មណ្ឌលអាសយជនសុវត្ថិភាពអំពីសន្តិសុខសណ្តាប់ធ្នាប់” បាននិងកំពុងពង្រីកប្រសិទ្ធភាព។ ប្រព័ន្ធកាមេរ៉ាសុវត្ថិភាពបានដំឡើងនៅតាមដងផ្លូវ និងមណ្ឌលអាសយជន មិនត្រឹមតែជួយត្រួតពិនិត្យ ស្ថានភាពប៉ុណ្ណោះទេ ថែមទាំងជួយដល់កម្លាំងសមត្ថកិច្ចក្នុងការរកឃើញនិងចាត់វិធានការលើបទល្មើស។

លោកវរសេនីយ៍ទោ តូថាញតុង ប្រធានគរបាលឃុំអាងនិញ ឱ្យដឹង៖ “លទ្ធផលដែលទទួលបានក្នុងការងារធានាសន្តិសុខសណ្តាប់ធ្នាប់ បាននិងកំពុងរួមចំណែកយ៉ាងសំខាន់ដល់ការអភិវឌ្ឍគ្រប់ជ្រុងជ្រោយរបស់ឃុំអាងនិញ។ បរិស្ថានរស់នៅប្រកបដោយសុវត្ថិភាពនិងស្ថិរភាព មិនត្រឹមតែជួយឱ្យប្រជាជនស្ងប់ចិត្តក្នុងការពលកម្មផលិតប៉ុណ្ណោះទេ ថែមទាំងបង្កលក្ខណៈក្នុងការទាក់ទាញការវិនិយោគ ជំរុញការអភិវឌ្ឍសេដ្ឋកិច្ច-សង្គមក្នុងភូមិភាគ។ ក្នុងនោះ ក៏មានការចូលរួមចំណែកពីសំណាក់វត្តអារាមនានា ដូចជាវត្តបទុមរង្សីទំនប់ ដែលបានសហការកសាងទម្រង់ស្វ័យគ្រប់គ្រងអំពីសន្តិសុខសណ្តាប់ធ្នាប់។ បណ្តាក្រុមស្វ័យគ្រប់គ្រង និងក្រុមពុទ្ធបរិស័ទ ស្ម័គ្រចិត្តតែងចូលរួមយាមល្បាត ដាស់តឿនប្រជាជនលើកកម្ពស់ស្មារតីប្រុងប្រយ័ត្នទប់ស្កាត់បទល្មើស និងរក្សាសណ្តាប់ធ្នាប់ក្នុងវត្តនិងក្នុងសហគមន៍”។

ជាមួយនឹងការប្តេជ្ញាចិត្តនៃទូទាំងប្រព័ន្ធនយោបាយនិងការស្របមតិរបស់ប្រជាជន ឃុំអាងនិញ នឹងបន្តរក្សានូវកិត្តិនាមជាភូមិភាគគំរូក្នុងការធានាសន្តិសុខសណ្តាប់ធ្នាប់ រួមចំណែកកសាងភូមិស្រុកពីមួយថ្ងៃកាន់តែរីកចម្រើន អរិយធម៌ និងសុវត្ថិភាពក្នុងតំបន់ជនរួមជាតិ និងតាមបណ្តាទីគោរពបូជានានា៕

ដាលីន

ចែករំលែកអត្ថបទ

ពាក្យគន្លឹះ