ព្រឹត្តិការណ៍ - នយោបាយ ព្រឹត្តិការណ៍

13/08/2026 - 21:40

កម្មាភិបាលវ័យក្មេងជំនួយកម្លាំងដល់មូលដ្ឋានក្រោយពីរៀបចំអង្គភាពរដ្ឋបាល

ចាប់ពីថ្ងៃដំបូងអនុវត្តគោលនយោបាយរួមបញ្ចូលមណ្ឌល ថ្នាក់ដឹកនាំសង្កាត់ខាញ់ហ្វា ទីក្រុងកឹងធើ បានកំណត់ច្បាស់ ការជ្រើសរើសកម្មាភិបាលក្រោយពីរៀបចំ ត្រូវធានាបាននូវសត្យានុម័ត តម្លាភាព និងការស្របមតិក្នុងប្រជាជន។ ពិសេស ភូមិភាគក៏ផ្តល់អាទិភាពដល់ការរៀបចំកម្មាភិបាលវ័យក្មេង ដែលមានកម្រិតវិជ្ជា សមត្ថភាពក្នុងការផ្លាស់ប្តូរឆ្លើយតបទៅនឹងតម្រូវការការងារនៅមូលដ្ឋាន ដើម្បីរួមចំណែកនាំភូមិភាគអភិវឌ្ឍន៍ក្នុងដំណាក់កាលថ្មី។

បងស្រីថាច់ធីយ៉ឹង ប្រធានគណៈប្រជាជនមណ្ឌលផ្នោរតម គឺជាកម្មាភិបាលវ័យក្មេងដែលមានវិធីសាស្ត្រធ្វើការប្រកបដោយភាពច្នៃប្រតិដ្ឋ និងជិតស្និទ្ធជាមួយប្រជាជន។ កើតនិងធំដឹងក្តីនៅភូមិខាញ់ហ្វាដែលជាកន្លែងប្រជាជនផ្សារភ្ជាប់នឹងមុខរបរចិញ្ចឹមសត្វ បងស្រីបានយល់ដឹងពីការលំបាក និងតម្រូវការជាក់ស្តែងរបស់កសិករភូមិភាគ។ បញ្ចប់ការសិក្សាថ្នាក់អនុមហាវិទ្យាល័យបសុពេទ្យ ក្នុងឆ្នាំ ២០១៧ បងស្រីបានវិលត្រឡប់មកបំពេញការងារនៅភូមិភាគក្នុងតួនាទីជាកម្មាភិ បាលបសុពេទ្យ។ មិនបង្អង់ក្នុងការសិក្សារៀនសូត្រ បងស្រីបានបន្តបញ្ចប់កម្មវិធីថ្នាក់បរិញ្ញាបត្រច្បាប់ក្នុងឆ្នាំ ២០២៤ ។ ដោយឃើញពីតម្រូវការអំពីចំណេះដឹងចិញ្ចឹមសត្វរបស់ប្រជាជន បងស្រីបានបង្កើតឆានែល TikTok ឈ្មោះថា “នាងពេទ្យសត្វខ្មែរ” ដើម្បីចែករំលែកបច្ចេកទេសចិញ្ចឹមពពែ និងចិញ្ចឹមគោ។ រហូតមកដល់បច្ចុប្បន្ន ឆានែលនេះបានទាក់ទាញអ្នកតាមដានរាប់ពាន់នាក់ទាំងក្នុង និងក្រៅភូមិភាគ។

មិនត្រឹមតែប៉ុណ្ណោះ ពង្រីកភាពមានប្រៀបនៃយុវវ័យ និងការយល់ដឹងអំពីបច្ចេកវិទ្យា បងស្រីបានចូលរួមយ៉ាងសកម្មក្នុងក្រុមបច្ចេកវិទ្យាឌីជីថលសហគមន៍ ដោយណែនាំផ្ទាល់ដល់ប្រជាជនក្នុងការដំឡើងកម្មវិធី VNeID ប្រើប្រាស់សេវារដ្ឋតាមប្រព័ន្ធអនឡាញ និងអនុវត្តបែបបទរដ្ឋបាលលើបរិស្ថានឌីជីថល។ បងស្រីថាច់ធីយ៉ឹងបានឱ្យយដឹង៖ “ខ្ញុំបង្កើតឆានែល TikTok ឡើង ព្រោះតែបំណងប្រាថ្នាចង់ចែករំលែកដល់បងប្អូនពីវិធីចិញ្ចឹមពពែ និងគោ ដើម្បីឱ្យមានចំណេះដឹងបន្ថែមក្នុងការថែទាំសត្វចិញ្ចឹមឱ្យកាន់តែល្អប្រសើរ បង្កើនទិន្នផល បន្ថយជំងឺរាតត្បាត និងបន្ថយការចំណាយក្នុងការចិញ្ចឹមសត្វ។”

បងស្រីថាច់ធីយ៉ឹងកំពុងថត TikTok នៅក្នុងទ្រុងពពែ។

ជាភូមិភាគដែលមានផ្ទៃដីធម្មជាតិធំជាងគេទីពីរនៃទីក្រុងកឹងធើ ជាមួយនឹងទំហំជាង ១៣០ គីឡូម៉ែត្រការ៉េ ក្រោយពីការរួមបញ្ចូល សង្កាត់ខាញ់ហ្វាបានបន្ថយពី ៣០ មណ្ឌលមកត្រឹមតែ ១៣ មណ្ឌល ស្របតាមបទប្បញ្ញត្តិ។ រួមជាមួយនឹងការធានានូវលក្ខឋានស្ដីពីផ្ទៃដីនិងចំនួនប្រជាជន ភូមិភាគក៏បានយកចិត្តទុកដាក់រៀបចំកងជួរកម្មាភិបាលវ័យក្មេង ដែលមានកម្រិតវិជ្ជា និងសមត្ថភាពដើម្បីកាន់តំណែងនានានៅតាមមណ្ឌល ជាជំហានធ្វើឱ្យកងជួរកម្មាភិបាលវ័យក្មេងនៅបណ្តាមណ្ឌលក្នុងភូមិឋានឃុំ។

ក្នុងនាមជាប្រធានគណៈប្រជាជនភូមិនៅមណ្ឌលបឹងទុង បន្ទាប់ពីការរួមបញ្ចូល បងផាមហ្វិញហាបានសម្របខ្លួនយ៉ាងឆាប់រហ័សទៅនឹងភូមិឋានដ៏ធំទូលាយជាងមុន ដោយបានចុះមូលដ្ឋានផ្ទាល់ដើម្បីស្តាប់មតិ បំណងប្រាថ្នារបស់ប្រជាជន។ ជាមួយនឹងការមានប្រៀបជាបរិញ្ញាបត្រច្បាប់ យល់ដឹងពីបច្ចេកវិទ្យា និងមានបទពិសោធន៍ជាក់ស្តែង បងបានជំរុញការអនុវត្តបច្ចេកវិទ្យាឌីជីថលក្នុងកិច្ចការគ្រប់គ្រង។ អ្វីដែលលេចធ្លោជាងគេ គឺការបង្កើតក្រុមយ៉ាលូរបស់ភូមិ ដើម្បីផ្តល់ព័ត៌មានទាន់ពេល ទទួលយកមតិ និងកិច្ចទំនាក់ទំនងរវាងរដ្ឋអំណាចនិងប្រជាជន។ ជាមួយគ្នានេះដែរ បងតែងចុះទៅរាល់ផ្ទះ ដើម្បីក្តាប់ស្ថានភាពរស់នៅ និងការផលិត តាមរយៈនេះបងមានដំណោះស្រាយសមស្របក្នុងការងារគ្រប់គ្រងនៅភូមិសាស្រ្ត។ បង ផាមហ្វិញហា បានចែករំលែក៖ "បន្ទាប់ពីអនុវត្តការរួមបញ្ចូល គោលនយោបាយគឺការបញ្ចូលភូមិចូលគ្នា ដូច្នេះការលំបាករបស់ខ្ញុំគឺភូមិសាស្ត្រធំទូលាយ ត្រូវក្តាប់ឱ្យបានច្បាស់នូវភូមិសាស្រ្តក្នុងមណ្ឌល សកម្មភាពក៏ត្រូវដល់គ្រួសារនីមួយៗ និងច្បាមប្រកិតនឹងភូមិសាស្រ្ត។ យើងអនុវត្តការផ្សព្វផ្សាយចលនានូវគោលនយោបាយ គោលការណ៍របស់បក្ស និងច្បាប់របស់រដ្ឋដល់ប្រជាជន អនុវត្តការផ្លាស់ប្តូរឌីជីថលដើម្បីជូនដល់រាល់ផ្ទះ ដល់គ្រួសារនីមួយៗ ដើម្បីឱ្យប្រជាជនបានយល់ដឹងពីគោលនយោបាយ គោលការណ៍របស់បក្ស និងច្បាប់របស់រដ្ឋ"។

បងផាមហ្វិញហា (ខាងឆ្វេងដៃ) ចុះដល់ផ្ទះប្រជាជនដើម្បីក្តាប់ពីស្ថានភាពនៃការរស់នៅរបស់ប្រជាជន។

ទោះបីភូមិឋានទំហំធំជាងមុន ចំនួនគ្រួសារកើនឡើង និងបរិមាណការងារច្រើន ប៉ុន្តែការរៀបចំកងជួរវ័យក្មេង ដោយមានភាពរហ័សរហួននិងមានកម្រិតវិជ្ជា កំពុងទទួលបានក្តីសង្ឃឹម ចំពោះប្រជាជន។ លោកផាមវ៉ាំងយុង ប្រជាជននៅមណ្ឌលបឹងទុង បានឱ្យដឹង៖ "តាមរយៈស្ថានភាពនៃការរួមបញ្ចូលនៃមណ្ឌល យើងឃើញថាកម្លាំងវ័យក្មេងទាំងនេះធ្វើសកម្មភាពយ៉ាងល្អប្រសើរ មានភាពសកម្ម និងមានការប្តេជ្ញាខ្ពស់។ ប្អូនៗទាំងនេះធ្វើសកម្មភាពដោយស្មារតីដើម្បីសមូហភាព។ និយាយរួម កម្មាភិបាលវ័យក្មេងទាំងនេះមានសមត្ថភាព ចុះផ្ទាល់ជាមួយប្រជាជន និងស្តាប់មតិយោបល់របស់ប្រជាជននៅតាមភូមិភាគនីមួយៗ។

យោងតាមលោក ឡឹមវ៉ាំងតាម អនុប្រធានគណៈកម្មាធិការប្រជាជនសង្កាត់ខាញ់ហ្វា ការអនុវត្តន៍គោលនយោបាយរៀបចំ និងរួមបញ្ចូលគ្នានូវមណ្ឌលនានា ភូមិភាគបានម្ចាស់ការកសាង ផែនការបម្រួញអង្គការគ្រប់គ្រងរបស់រដ្ឋតាមទិសព្រមៗគ្នានិងមានប្រសិទ្ធភាព។ ទន្ទឹមនឹងនោះ ពិនិត្យ រៀបចំតែងតាំងចំពោះកម្មាភិបាលដែលមានសមត្ថភាព និងប្រិយភាពឱ្យកាន់តំណែងជាប្រធានគណៈប្រជាជនមណ្ឌល។ ពិសេស សង្កាត់បានផ្តល់អាទិភាពក្នុងការជ្រើសរើសកម្មាភិបាលក្មេងៗដែលមានកម្រិតវិជ្ជាជីវៈ ដើម្បីបំពេញតាមតម្រូវការភារកិច្ចក្នុងដំណាក់កាលថ្មី។ បច្ចុប្បន្ន ប្រធានគណៈប្រជាជនមណ្ឌលទាំង១៣រូបសុទ្ធតែបានបញ្ចប់ការសិក្សាកម្រិតវិទ្យាល័យ ក្នុងនោះមានសមមិត្តចំនួន១០រូបមានកម្រិតបរិញ្ញាបត្រនិងសមមិត្ត១រូបមានកម្រិតមធ្យមទ្រឹស្តីនយោបាយ។

ភាពរហ័សរហួនភាពច្នៃប្រតិដ្ឋរួមជាមួយស្មារតីទទួលខុសត្រូវរបស់កម្មាភិបាលវ័យក្មេង កំពុងរួមចំណែកលើកកម្ពស់ប្រសិទ្ធភាពសកម្មភាពនៅមូលដ្ឋាន។ ពួកគាត់មិនត្រឹមតែជាអ្នកផ្ទាល់ក្នុងការផ្សព្វផ្សាយអនុវត្តនូវគោលនយោបាយ និងគោលការណ៍របស់បក្ស និងរដ្ឋដល់ប្រជាជនប៉ុណ្ណោះទេ ប៉ុន្តែថែមទាំងជាស្ពានតភ្ជាប់យ៉ាងរឹងមាំរវាងរដ្ឋអំណាចនិងប្រជាជន រួមចំណែកកសាងសង្កាត់ខាញ់ហ្វា ឱ្យកាន់តែអភិវឌ្ឍន៍ក្នុងដំណាក់កាលថ្មី៕

ថាញ់ហ៊ុង-ដាលីន

ចែករំលែកអត្ថបទ

ពាក្យគន្លឹះ