ព្រឹត្តិការណ៍ - នយោបាយ ព្រឹត្តិការណ៍

05/08/2026 - 22:19

ពង្រីកកម្លាំងកិច្ចការបរទេសបក្សនិងកិច្ចការបរទេសប្រជាជនដើម្បីបម្រើការអភិវឌ្ឍប្រទេសជាតិ

(អ.ឡ) នៅថ្ងៃទី៥ ខែសីហា ក្រសួងការបរទេសបានចាត់តាំងកិច្ចប្រជុំពេញអង្គស្តីពីកិច្ចការបរទេសបក្សនិងកិច្ចការបរទេសប្រជាជនក្នុងក្របខ័ណ្ឌសន្និសីទការទូតលើកទី៣៣។ កិច្ចប្រជុំបានចាត់តាំងឡើងដោយផ្ទាល់និងតាមប្រព័ន្ធអនឡាញដល់ទីតាំងតភ្ជាប់ប្រព័ន្ធអនឡាញនៃគណៈកម្មាធិការបក្សខេត្ត ទីក្រុង ចំណុះមជ្ឈិមនិងស្ថាប័នតំណាងវៀតណាមប្រចាំនៅប្រទេសក្រៅ។ លោកត្រឹងកឹមទូ សមាជិកការិយាល័យនយោបាយប្រចាំការគណៈលេខាបក្ស អញ្ជើញចូលរួមនិងមានប្រសាសន៍ចង្អុលការក្នុងកិច្ចប្រជុំ។

អញ្ជើញចូលរួមនៅទីតាំងតភ្ជាប់ប្រព័ន្ធអនឡាញទីក្រុងកឹងធើ មានលោកដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ លោកទ្រឿងកាញ់ត្វៀង អនុលេខាគណៈកម្មាធិការបក្សទីក្រុង ប្រធានគណៈកម្មាធិការប្រជាជនទីក្រុង លោកស្រី ហូធីកឹមដាវ អនុលេខាគណៈកម្មាធិការបក្សទីក្រុង ប្រធានគណៈកម្មាធិការរណសិសរ្សមាតុភូមិវៀតណាមទីក្រុង និងបណ្តាសមាជិកគណៈអចិន្ត្រៃយ៍នៃគណៈកម្មាធិការបក្សទីក្រុង ព្រមទាំងថ្នាក់ដឹកនាំមន្ទីរ គណៈ ផ្នែកមួយចំនួនរបស់ទីក្រុង។ល។

ថ្នាក់ដឹកនាំទីក្រុងអញ្ជើញចូលរួមនៅទីតាំងតភ្ជាប់ប្រព័ន្ធអនឡាញទីក្រុងកឹងធើ។

នៅក្នុងកិច្ចប្រជុំ អ្នកតំណាងទាំងឡាយបានផ្តោតទៅលើការធ្វើឱ្យច្បាស់លាស់ឋានៈ តួនាទីនិងតម្រូវការលើកកម្ពស់ប្រសិទ្ធភាពកិច្ចការបរទេសបក្សនិងកិច្ចការបរទេសប្រជាជនក្នុងដំណាក់ការអភិវឌ្ឍថ្មី។

បណ្តាមតិបានអះអាងថា កិច្ចការបរទេសបក្សរួមចំណែកពង្រឹងមូលដ្ឋានគ្រឹះនយោបាយ បង្កើនទំនុកចិត្តនិងធ្វើឱ្យស៊ីជម្រៅការទំនាក់ទំនងជាមួយដៃគូ កិច្ចការបរទេសប្រជាជនពង្រីកកម្លាំងទន់ បើកទូលាយមូលដ្ឋានគ្រឹះសង្គម ឆ្លៀតយកការយល់ស្រប គាំទ្រនិងប្រភពធនធានអន្តរជាតិបម្រើឱ្យការអភិវឌ្ឍប្រទេសជាតិ។

ផ្តើមពីបញ្ហាទ្រឹស្តីនិងបទពិសោធន៍ជាក់ស្តែងនៅតាមភូមិភាគនិងអង្គការនានា អ្នកតំណាងទាំងឡាយបានស្នើឱ្យមានការផ្លាស់ថ្មីខ្លឹមសារ វិធីសាស្ត្រសកម្មភាព លើកកម្ពស់គុណភាពកងជួរ បើកទូលាយបណ្តាញដៃគូនិងបង្កើនកិច្ចសហប្រតិបត្តិការនៃកិច្ចការបរទេសបក្ស ការទូតរដ្ឋនិងកិច្ចការបរទេសប្រជាជន...។

ថ្លែងចង្អុលការក្នុងកិច្ចប្រជុំ លោកត្រឹងកឹមទូ បញ្ជាក់៖ មហាសន្និបាតលើកទី XIII របស់បក្ស បានកំណត់ភារកិច្ចនិងទិសដៅនៃការងារកិច្ចការបរទេសគឺកសាងការទូតលើគ្រប់ជ្រុងជ្រោយ ទំនើបដោយសសរស្តម្ភចំនួន៣៖ គឺកិច្ចការបរទេសបក្ស ការទូតរដ្ឋនិងកិច្ចការបរទេសប្រជាជន។កិច្ចសហការព្រមៗគ្នារវាងសសរស្តម្ភទាំង៣ បានរួមចំណែកយ៉ាងសំខាន់ក្នុងបុព្វហេតុកសាង ការពារមាតុភូមិនិងលើកកម្ពស់ឋានៈប្រទេសលើឆាកអន្តរជាតិ។

រយៈពេលកន្លង កិច្ចការបរទេសបក្សបន្តពង្រីកតូនាទីពង្រឹងមូលដ្ឋានគ្រឹះនយោបាយ កំណត់ទិសដៅនិងជំរុញការទំនាក់ទំនងជាមួយបណ្តាប្រទេស កិច្ចការបរទេសប្រជាជនមានការវិវឌ្ឍន៍ជាវិជ្ជមានអំពីគំនិត ខ្លឹមសារនិងវិធីសាស្ត្រដំណើរការ រួមចំណែកពង្រឹងការយល់ស្របលើអន្តរជាតិ ផ្សព្វផ្សាយរូបភាពទឹកដី ជនជាតិវៀតណាមនិងកៀរគររាល់ប្រភពកម្លាំងបម្រើការអភិវឌ្ឍ។ ថ្វីបើដូច្នោះ សកម្មភាពមួយចំនួននៅផ្តោតទៅលើការទំនាក់ទំនង គ្រាន់តែជារូបភាព; ការងារព្យាករណ៍ ធ្វើសេនាធិការនិងកិច្ចសហការរវាងកងកម្លាំងកិច្ចការបរទេស មានពេលខ្លះមិនទាន់បានជិតស្និទ្ធនិងមានប្រសិទ្ធភាពនៅឡើយ។

លោកត្រឹងកឹមទូ សំណូមពរគ្រប់មន្ទីរ គណៈ ផ្នែក គប្បីបន្តលើកកម្ពស់ការយល់ដឹងអំពីឋានៈ តួនាទីនៃកិច្ចការបរទេសបក្ស និងកិច្ចការបរទេសប្រជាជន កំណត់ច្បាស់កិច្ចការបរទេសគឺជាភារកិច្ចសំខាន់ជាប្រចាំ។ សកម្មភាពកិច្ចការបរទេសត្រូវប្តូរពីការបើកទូលាយការទំនាក់ទំនងទៅជាការលើកកម្ពស់គុណភាព ប្រសិទ្ធភាព យកលទ្ធផលជាក់ស្តែងធ្វើជារង្វាស់វាស់វែង។ សសរស្តម្ភកិច្ចការបរទេសទាំង៣ ត្រូវតែផ្សព្វផ្សាយអនុវត្តព្រមៗគ្នា ស៊ីចង្វាក់ ធានាការដឹកនាំលើគ្រប់វិស័យរបស់បក្ស ការគ្រប់គ្រងឯកភាពរបស់រដ្ឋនិងកិច្ចសហការជិតស្និទ្ធរបស់ក្រសួង គណៈ ផ្នែកមជ្ឈិមជាមួយភូមិភាគ។ កិច្ចការបរទេសប្រជាជនត្រូវប្តូរពីការទំនាក់ទំនងមិត្តភាពទៅជាការផ្សារភ្ជាប់ផលប្រយោជន៍ បង្កើតលំហកិច្ចសហប្រតិបត្តិការចីរភាព ពង្រីកតួនាទីរបស់ភូមិភាគ អាជីវកម្ម ប្រជាជននិងសហគមន៍វៀតណាមនៅប្រទេសក្រៅ ម្ចាស់ការចូលរួមយ៉ាងមានប្រសិទ្ធភាពនូវយន្តការ វេទិកាប្រជាជនក្នុងតំបន់និងអន្តរជាតិ ព្រមទាំងលើកកម្ពស់ប្រសិទ្ធភាពការងារអង្គការក្រៅរដ្ឋាភិបាលនៅប្រទេសក្រៅ បង្កើនព័ត៌មានកិច្ចការបរទេសនិងជំរុញការផ្លាស់ប្តូរឌីជីថល។

ប្រចាំការគណៈលេខាបក្ស សំណូមពរកសាងកងជួរកម្មាភិបាលកិច្ចការបរទេសមានជំហរនយោបាយរឹងមាំ មានគុណសម្បត្តិ គ្រប់សមត្ថភាព មានប្រិយភាព; ជានិច្ចកាលយកប្រយោជន៍ជាតិ ប្រជាជាតិធ្វើជាត្រីវិស័យសម្រាប់សកម្មភាព។ព្រមទាំង បង្ហាញពីការជឿជាក់លើកងកម្លាំងបំពេញការងារកិច្ចការបរទេស បន្តការពង្រីកតួនាទីស្នូល សហការជិតស្និទ្ធ រួមចំណែកកសាងខឿនកិច្ចការបរទេសលើគ្រប់ជ្រុងជ្រោយ ទំនើប លើកកម្ពស់ឋានៈតួនាទីនិងកិត្យានុភាពវៀតណាមលើឆាកអន្តរជាតិ៕

ហុងវឹង-មុនី

ចែករំលែកអត្ថបទ

ពាក្យគន្លឹះ