ព្រឹត្តិការណ៍ - នយោបាយ ព្រឹត្តិការណ៍

03/08/2026 - 21:49

ខេត្តកាម៉ាវ ប្រគល់គំរូអដ្ឋិធាតុយុទ្ធជនពលីចំនួន ៥៣៥ នៅឃុំភឿកឡុង ដើម្បីធ្វើកោសល្យវិច័យ ADN

ថ្ងៃទី ៣ ខែសីហា នៅទីបញ្ចុះសពយុទ្ធជនពលីឃុំភឿកឡុង ខេត្តកាម៉ាវ គណៈចង្អុលការស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលី (គណៈចង្អុលការ ៥១៥) ខេត្តកាម៉ាវ ចាត់តាំងពិធីអុជធូប និងបញ្ជូនគំរូជីវសាស្ត្រអដ្ឋិធាតុយុទ្ធជនពលីដែលមិនទាន់កំណត់បានព័ត៌មានចំនួន ៥៣៥ ទៅធ្វើកោសល្យវិច័យ ADN នៅវិទ្យាស្ថានវិទ្យាសាស្ត្រព្រហ្មទណ្ឌនៃក្រសួងនគរបាល។

ថ្នាក់ដឹកនាំរដ្ឋអំណាចភូមិភាគ អុជធូបគោរព និងថ្វាយកម្រងផ្កា ដើម្បីរំលឹកគុណដល់វីរយុទ្ធជនពលី។

មុនពេលចាប់ផ្ដើមដំណើរការដឹកជញ្ជូន នៅទីបញ្ចុះសពយុទ្ធជនពលីឃុំភឿកឡុង គណៈចង្អុលការ ៥១៥ ខេត្តកាម៉ាវ រួមជាមួយថ្នាក់ដឹកនាំរដ្ឋអំណាចភូមិភាគ បានអុជធូបគោរព និងថ្វាយកម្រងផ្កា ដើម្បីរំលឹកគុណដល់បណ្តាវីរយុទ្ធជនពលី។ ក្រោយមក សំណាកជីវសាស្ត្រទាំង ៥៣៥ បានដឹកជញ្ជូនយ៉ាងរម្យទមទៅកាន់រដ្ឋធានីហាណូយ ដើម្បីអនុវត្តការងារធ្វើកោសល្យវិច័យ ADN។

ដោយបានដឹងថា ការអនុវត្តភារកិច្ចតាំងពីពាក់កណ្តាលខែកក្កដា ឆ្នាំ ២០២៦ កងកម្លាំងសមត្ថកិច្ចខេត្តកាម៉ាវ បានចាត់តាំងកំណាយផ្នូរយុទ្ធជនពលីចំនួន ៧៦២ ផ្នូរ នៅទីបញ្ចុះសពយុទ្ធជនពលីឃុំភឿកឡុង និងប្រមូលបានសំណាកជីវសាស្ត្រអដ្ឋិធាតុយុទ្ធជនពលីចំនួន ៥៣៥ ដោយធានាបានត្រឹមត្រូវតាមដំណើរការបច្ចេកទេស។ សំណុំឯកសារទាំងស្រុងនៃសំណាកជីវសាស្ត្រទាំងនេះ បានស្ថាប័នជំនាញចាត់តាំងធ្វើឌីជីថលូបនីយកម្មយ៉ាងបែបបទតាមលំដាប់លំដោយ មុនពេលប្រគល់ជូនអង្គភាពធ្វើកោសល្យវិច័យ។ ក្រោយពេលសម្រេចការយកសំណាកនៅទីបញ្ចុះសពយុទ្ធជនពលីឃុំភឿកឡុង គណៈបញ្ជាការខេត្តនឹងបន្តអនុវត្តការយកសំណាកជាង ៦២០ ផ្នូរទៀត នៅទីបញ្ចុះសពយុទ្ធជនពលីថើយប៊ិញ ឃុំទ្រីផាយ។

ថ្នាក់ដឹកនាំរដ្ឋអំណាចមូលដ្ឋានឃុំភឿកឡុង បញ្ជូនសំណាកជីវសាស្ត្រអដ្ឋិធាតុយុទ្ធជនពលីដែលមិនទាន់កំណត់បានព័ត៌មានទៅធ្វើកោសល្យវិច័យ ADN។

មុននោះ ខេត្តកាម៉ាវ បានជ្រើសរើសទីបញ្ចុះសពយុទ្ធជនពលីត្រឹងវ៉ាំងថើយ ដើម្បីចាប់ផ្តើមអនុវត្តការយកសំណាកអដ្ឋិធាតុយុទ្ធជនពលីដែលមិនទាន់កំណត់បានព័ត៌មាន ជាមួយនឹងផ្នូរចំនួន ២៦៣ ផ្នូរ។ ដល់ថ្ងៃទី ៨ ខែកក្កដា គណៈចង្អុលការស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលីខេត្តកាម៉ាវ បានដឹកជញ្ជូនសំណាកអដ្ឋិធាតុយុទ្ធជនពលីដែលមិនទាន់កំណត់បានព័ត៌មានចំនួន ២៣៧ គំរូ ទៅកាន់រដ្ឋធានីហាណូយ ដើម្បីប្រគល់ជូនអង្គភាពសមត្ថកិច្ចនៃក្រសួងនគរបាលធ្វើកោសល្យវិច័យ ADN។ គិតត្រឹមថ្ងៃទី ៣១ ខែកក្កដា ខេត្តកាម៉ាវ ចាត់តាំងកំណាយបាន ១.០២៥ ផ្នូរ នៅទីបញ្ចុះសពយុទ្ធជនពលីឃុំត្រឹងវ៉ាំងថើយ និងឃុំភឿកឡុង ដោយប្រមូលបានសំណាកអដ្ឋិធាតុយុទ្ធជនពលីចំនួន ៧៧២ ដែលគ្រប់លក្ខណៈធ្វើកោសល្យវិច័យ ADN។

លោក ងោ វ៉ូវថាំង អនុប្រធានគណៈកម្មាធិការប្រជាជនខេត្ត និងជាប្រធានគណៈចង្អុលការ ៥១៥ ខេត្តកាម៉ាវ បានឱ្យដឹង៖ ភូមិភាគកំពុងអនុវត្តយ៉ាងម៉ឺងម៉ាត់នូវយុទ្ធនាការ ៥០០ ថ្ងៃយប់ តាមផែនការរបស់មជ្ឈិម និងខេត្ត; ខិតខំសម្រេចការយកសំណាកអដ្ឋិធាតុយុទ្ធជនពលីដែលមិនទាន់កំណត់បានព័ត៌មាន ដើម្បីធ្វើកោសល្យវិច័យ ADN បន្ទាន់នៅក្នុងឆ្នាំ ២០២៦។ ខិតខំសម្រេចលើសពីសន្ទុះល្បឿន បើប្រៀបធៀបនឹងផែនការណែនាំរបស់មជ្ឈិម។

ខេត្តកាម៉ាវ កំណត់គោលដៅរហូតដល់ចុងឆ្នាំ ២០២៦ នឹងសម្រេចបានការយកសំណាកចំពោះអដ្ឋិធាតុយុទ្ធជនពលីចំនួន ៣.៣៨២ នៅទីបញ្ចុះសពយុទ្ធជនពលីចំនួន ១១ កន្លែងនៅលើភូមិឋាន រួមចំណែកសម្រាលការឈឺចាប់ពីសង្គ្រាមបង្កឡើង និងឆ្លើយតបបំណងប្រាថ្នារបស់សាច់ញាតិនៃវីរយុទ្ធជនពលីទាំងអស់៕

យ្វីអាញ - មេងលី

ចែករំលែកអត្ថបទ

ពាក្យគន្លឹះ