ទីក្រុងកឹងធើ តែងកំណត់ច្បាស់នូវការប្តេជ្ញានិងប្រកាន់ខ្ជាប់ក្នុងការបង្ការ ត្រួតពិនិត្យ ទប់ស្កាត់ ច្រានថយនូវអំពើពុករលួយ ភាពខ្ជះខ្ជាយនិងអវិជ្ជមាន; កសាងបក្ស ប្រព័ន្ធនយោបាយស្អាតស្អំ រឹងមាំគ្រប់ជ្រុងជ្រោយ ពង្រឹងទំនុកចិត្តរបស់ប្រជាជនចំពោះបក្ស រដ្ឋ និងរបបសង្គមនិយម; ទន្ទឹមនឹងនោះ ក៏ជំរុញការអភិវឌ្ឍសេដ្ឋកិច្ច - សង្គម បម្រើទិសដៅកំណើនសេដ្ឋកិច្ចមានតួលេខ "ពីរខ្ទង់"។ ផ្អែកលើមូលដ្ឋាននោះ កន្លងហើយ ទូទាំងប្រព័ន្ធនយោបាយរបស់ទីក្រុង តែងខិតខំអនុវត្តការងារដឹកនាំ ចង្អុលការនិងបង្ការតាំងពីដំបូងនិងពីចម្ងាយ។
យកចិត្តទុកដាក់កសាងនិងប្រកាសឱ្យប្រើច្បាប់ ដើម្បីបង្ការនិងប្រឆាំងអំពើពុករលួយ ភាពខ្ជះខ្ជាយនិងអវិជ្ជមាន
ដើម្បីអនុវត្តល្អការងារបង្ការនិងប្រឆាំងអំពើពុករលួយ ភាពខ្ជះខ្ជាយនិងអវិជ្ជមាន គណៈកម្មាធិការបក្សទីក្រុង គណៈអចិន្ត្រៃយ៍នៃគណៈកម្មាធិការបក្សទីក្រុង បានធ្វើឱ្យជាក់ស្តែងនិងប្រកាសឱ្យប្រើបណ្តាឯកសារដឹកនាំ ចង្អុលការ និងចាត់តាំងអនុវត្តពាក់ព័ន្ធនឹងការងារនេះ។ គ្រប់ថ្នាក់ គ្រប់ផ្នែករបស់ទីក្រុង ក៏បានប្រកាសឱ្យប្រើឯកសារជាង ២៨៥ ច្បាប់ដែលជាប់ពាក់ព័ន្ធដើម្បីចាត់តាំងអនុវត្ត។
លោកឡេក្វាងទុង (ឈរ) សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុងកឹងធើ រួមជាមួយមន្ទីរ គណៈ ផ្នែកនានារបស់ទីក្រុងទទួលជួបប្រជាជន។
ទន្ទឹមនឹងនោះ ទីក្រុងតែងធ្វើការត្រួតពិនិត្យ អង្កេតឡើងវិញ តាមដានការអនុវត្តបណ្តាលិខិតបទដ្ឋានគតិយុត្តលើគ្រប់វិស័យនិយាយរួម និងលើវិស័យបង្ការ ប្រឆាំងអំពើពុករលួយ ភាពខ្ជះខ្ជាយនិងអវិជ្ជមាននិយាយដោយឡែក។ តាមនោះ គណៈកម្មាធិការប្រជាជនទីក្រុង បានប្រកាសដាក់ចេញផែនការត្រួតពិនិត្យ ពិនិត្យឡើងវិញបណ្តាលិខិតបទដ្ឋានគតិយុត្ត អាស្រ័យដោយក្រុមប្រឹក្សាប្រជាជន គណៈកម្មាធិការប្រជាជនទីក្រុង ប្រកាសឱ្យប្រើដើម្បីធានាលក្ខណៈឯកភាព ស្របតាមរដ្ឋធម្មនុញ្ញ ស្របតាមច្បាប់ អាចអនុវត្តបាននិងមានប្រសិទ្ធភាព។ តាមរយៈការពិនិត្យឡើងវិញ ឃើញថាមានលិខិតបទដ្ឋានគតិយុត្តថ្នាក់ខេត្តចំនួន ១៥១ ត្រូវធ្វើវិសោធនកម្ម; ជំនួស; ផ្អាកសុពលភាព លុបចោលមួយផ្នែក; លុបចោលទាំងស្រុងនិងស្នើឱ្យប្រកាសដាក់ចេញថ្មី។ ទន្ទឹមនឹងនោះ គ្រប់ថ្នាក់ គ្រប់ផ្នែក បានធ្វើការពិនិត្យឡើងវិញនិងធ្វើវិសោធនកម្មលើលិខិតបទដ្ឋានចំនួន ២០ និងលុបចោលលិខិតបទដ្ឋានចំនួន ២០ ដែលមិននៅសមស្របសម្រាប់ការងារបង្ការ និងប្រឆាំងអំពើពុករលួយ ភាពខ្ជះខ្ជាយនិងអវិជ្ជមាន។ ជាមួយគ្នានេះ ស្ថាប័ន អង្គភាពនិងភូមិភាគនានា ក៏បានប្រកាសឱ្យប្រើលិខិតបទដ្ឋានថ្មីចំនួន ៨៦ និងធ្វើវិសោធនកម្មឬលុបចោលលិខិតបទដ្ឋានចំនួន ៤៧ ពាក់ព័ន្ធនឹងការកំណត់កម្រិត បទដ្ឋាន និងរបបគោលនយោបាយផ្សេងៗ។
គណៈកិច្ចការផ្ទៃក្នុងនៃគណៈកម្មាធិការបក្សទីក្រុង បានធ្វើជាសេនាធិការជូនគណៈអចិន្ត្រៃយ៍នៃគណៈកម្មាធិការបក្សទីក្រុង ក្នុងការប្រកាសឱ្យប្រើលិខិតបទដ្ឋានចំនួន ២៥ ដឹកនាំ ចង្អុលការនិងចាត់តាំងអនុវត្តពាក់ព័ន្ធនឹងការងារនេះ។ ទន្ទឹមនឹងនោះ ក៏បានរៀបចំប្រកាសឱ្យប្រើលិខិតបទដ្ឋានចំនួន ៧២១ សម្រាប់តាមដាន ក្រើនរំលឹក និងចាត់តាំងអនុវត្តការងារដែលពាក់ព័ន្ធ។
នៅក្នុងកម្មវិធីសកម្មភាពអនុវត្តសេចក្តីសម្រេចចិត្តលេខ ០៤-NQ/TW របស់គណៈប្រតិបត្តិការមជ្ឈិមបក្ស គណៈប្រតិបត្តិការបក្ខភាគទីក្រុង សំណូមពរឱ្យស្ថាប័នពាក់ព័ន្ធទាំងអស់ ធ្វើការពិនិត្យឡើងវិញជាប្រចាំ កែសម្រួល បំពេញបន្ថែម និងធ្វើឱ្យសុក្រឹត ឬស្នើអង្គភាពមានសមត្ថកិច្ចធ្វើការកែសម្រួល បំពេញបន្ថែម ធ្វើឱ្យសុក្រឹតនូវយន្តការ គោលនយោបាយ បទប្បញ្ញតិ្តលើវិស័យនានាដើម្បីដោះស្រាយទាន់ពេលវេលានូវចំណុចខ្វះខាត ភាពខ្វះចន្លោះ បង្កបរិស្ថាននយោបាយនិងផ្លូវច្បាប់ប្រកបដោយតម្លាភាព ស្ថិរភាព និងសុវត្ថិភាព ជំរុញការផ្លាស់ថ្មី ច្នៃប្រតិដ្ឋ ដោះស្រាយការលំបាក បញ្ហាប្រឈម បើកចំហប្រភពធនធាន និងបម្រើដល់ការអភិវឌ្ឍ។
ផ្តោតលើដំណោះស្រាយបង្ការ
គណៈអចិន្ត្រៃយ៍នៃគណៈកម្មាធិការបក្សទីក្រុង ប្រចាំការនៃគណៈកម្មាធិការបក្សទីក្រុង គណៈចង្អុលការទីក្រុងអំពីការបង្ការ ប្រឆាំងអំពើពុករលួយ ភាពខ្ជះខ្ជាយនិងអវិជ្ជមាន តែងយកចិត្តទុកដាក់ដឹកនាំ ចង្អុលការដល់ស្ថាប័ន អង្គភាព និងភូមិភាគនានាអនុវត្តយ៉ាងម៉ឺងម៉ាត់នូវវិធានការបង្ការ ប្រឆាំងអំពើពុករលួយ ភាពខ្ជះខ្ជាយនិងអវិជ្ជមាន ក្នុងនោះ អនុវត្តយ៉ាងម៉ឺងម៉ាត់ដោយបើកចំហនិងតម្លាភាពអំពីការចាត់តាំងនិងសកម្មភាព។ គណៈ កម្មាធិការប្រជាជនទីក្រុង ចង្អុលការដល់ស្ថាប័ន អង្គភាពនិងភូមិភាគទាំងឡាយឱ្យធានាការបើកចំហ និងតម្លាភាពក្នុងការអនុវត្តគោលនយោបាយ និងច្បាប់ដែលមានខ្លឹមសារពាក់ព័ន្ធពីសិទ្ធិនិងផលប្រយោជន៍ស្របច្បាប់របស់កម្មាភិបាល បុគ្គលិក អ្នករដ្ឋការ; ចាត់ចែង គ្រប់គ្រង និងប្រើប្រាស់ហិរញ្ញវត្ថុរដ្ឋ ទ្រព្យសម្បត្តិរដ្ឋ; ការងាររៀបចំបុគ្គលិករបស់ស្ថាប័ន អង្គការនិងអង្គភាព; ក្រមសីលធម៌សម្រាប់អ្នកកាន់មុខតំណែង សិទ្ធិអំណាច និងបែបបទរដ្ឋបាលជាដើម។ ក្នុងរយៈពេល ៦ ខែដើមឆ្នាំ ទូទាំងទីក្រុងមានស្ថាប័ន អង្គភាពនិងភូមិភាគចំនួន ២៨ ត្រូវបានត្រួតពិនិត្យលើ ការអនុវត្តបទប្បញ្ញត្តិច្បាប់ស្តីពីការបើកចំហនិងតម្លាភាពអំពីការចាត់តាំងនិងសកម្មភាព។ ទីក្រុងអនុវត្តការត្រួតពិនិត្យចំនួន ៥ លើក ស្តីពីការអនុវត្តបទប្បញ្ញត្តិច្បាប់ពាក់ព័ន្ធនឹងបទដ្ឋាននិងការកំណត់កម្រិត។ លទ្ធផលនៃការត្រួតពិនិត្យមិនទាន់ឃើញមានការល្មើស។
ទន្ទឹមនឹងនោះ ទីក្រុងក៏បានចង្អុលការអនុវត្តយ៉ាងម៉ឺងម៉ាត់ការកសាង និងអនុវត្តក្រមប្រតិបត្តិការនិងក្រមសីលធម៌វិជ្ជាជីវៈ សម្រាប់អ្នកកាន់មុខតំណែង សិទ្ធិអំណាច ស្របតាមបទប្បញ្ញត្តិជាធរមាន។ គណៈកម្មាធិការប្រជាជនទីក្រុង បានចេញលិខិតណែនាំដើម្បីកែតម្រូវ ពង្រឹងវិន័យនិងរបៀបរបបការងារនៅតាមស្ថាប័នរដ្ឋបាលរដ្ឋគ្រប់លំដាប់ថ្នាក់។ ការប្រកាសទ្រព្យសម្បត្តិជាសាធារណៈ ត្រួតពិនិត្យទ្រព្យសម្បត្តិ និងប្រាក់ចំណូលរបស់អ្នកកាន់មុខតំណែង សិទ្ធិអំណាច ក៏បានថ្នាក់ដឹកនាំទីក្រុងយកចិត្តទុកដាក់ចង្អុលការយ៉ាងដិតដល់។ អនុវត្តតាមផែនការរបស់គណៈកម្មាធិការប្រជាជនទីក្រុង មានស្ថាប័ន អង្គការនិងអង្គភាពចំនួន ៨៥ ដោយមាន ៣.៣១៩ នាក់មានកាតព្វកិច្ចប្រកាសទ្រព្យសម្បត្តិ។ អ្នកទាំងអស់នោះបានអនុវត្តការប្រកាសទ្រព្យសម្បត្តិជាសាធារណៈតាមបទប្បញ្ញត្តិច្បាប់។
វិធានការបង្ការមួយដែលបានចង្អុលការអនុវត្តយ៉ាងម៉ឺងម៉ាត់ពីមជ្ឈិម នោះគឺការទទួលជួបប្រជាជន និងការសន្ទនាដោយផ្ទាល់ជាមួយប្រជាជនរបស់ថ្នាក់ដឹកនាំនៃគណៈកម្មាធិការបក្សគ្រប់លំដាប់ថ្នាក់ ស្របតាមបទប្បញ្ញត្តិ លេខ ១១-QĐi/TW របស់ការិយាល័យនយោបាយ។ ការអនុវត្តភារកិច្ចនេះ ក្នុងរយៈពេល ៦ ខែដើមឆ្នាំ លេខាគណៈកម្មាធិការបក្សឃុំ សង្កាត់ទាំងអស់ បានទទួលជួបប្រជាជនយ៉ាងហោចណាស់ ២ ថ្ងៃក្នុងមួយខែ។ លេខាគណៈកម្មាធិការបក្សទីក្រុង រៀបចំការទទួលជួបប្រជាជនចំនួន ៦ ថ្ងៃ និងទទួលជួបម្ដងៗ ដោយមានប្រជាជនចូលរួមចំនួន ៤ នាក់។ តាមរយៈការទទួលជួបនេះ លេខាគណៈកម្មាធិការបក្សទីក្រុង បានស្តាប់មតិនិងសំណូមពររបស់ប្រជាជន ព្រមទាំងរបាយការណ៍របស់ស្ថាប័ន មន្ទីរនិងអង្គភាពពាក់ព័ន្ធ ឆ្លងតាមរយៈនោះ ដើម្បីកំណត់ឱ្យឃើញចំណុចជាប់គាំងក្នុងដំណើរការអនុវត្តនិងមូលដ្ឋានគតិយុត្ត ហើយបានប្រគល់ឱ្យស្ថាប័នមានសមត្ថកិច្ច បន្តដោះស្រាយតាមសមត្ថកិច្ចរបស់ខ្លួន។ ទន្ទឹមនឹងនោះ គណៈកិច្ចការផ្ទៃក្នុងនៃគណៈកម្មាធិការបក្សទីក្រុង ក៏បានទទួលជួបប្រជាជនចំនួន ២៦ លើក ដោយមានប្រជាជន ៣០ នាក់។ ក្នុងអំឡុងពេលនេះ បានទទួលនិងដោះស្រាយពាក្យបណ្តឹង ពាក្យចោទប្រកាន់ សំណើនិងឆ្លុះបញ្ចាំងចំនួន ៥១០ និងបានណែនាំ បញ្ជូនទៅស្ថាប័នមានសមត្ថកិច្ច និងដោះស្រាយទៅតាមសមត្ថកិច្ច។
នៅក្នុងអង្គប្រជុំបូកសរុបបណ្ដោះអាសន្នការងារផ្នែកកិច្ចការផ្ទៃក្នុងបង្ការ ប្រឆាំងអំពើពុករលួយ ភាពខ្ជះខ្ជាយនិងអវិជ្ជមាន ក្នុងរយៈពេល ៦ ខែដើមឆ្នាំ ចាត់តាំងដោយគណៈកម្មាធិការបក្សទីក្រុង លោកដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង មានប្រសាសន៍ថា ការងារបង្ការ និងប្រឆាំងអំពើពុករលួយ ភាពខ្ជះខ្ជាយនិងអវិជ្ជមាន បានទីក្រុងបន្តអនុវត្តយ៉ាងម៉ឺងម៉ាត់និងព្រមៗគ្នា។ យកចិត្តទុកដាក់អនុវត្តប្រកបដោយប្រសិទ្ធភាពនូវបណ្តាវិធានការបង្ការ តាមរយៈនោះ ធ្វើការទប់ស្កាត់ រកឃើញទាន់ពេលវេលា និងវិនិច្ឆ័យតាមផ្លូវច្បាប់ករណីអំពើពុករលួយ ភាពខ្ជះខ្ជាយនិងអវិជ្ជមានចាប់ពីមូលដ្ឋាន៕
ស៊ើងហា - ពេជ្រសឿន
នាយក៖ ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
ពាក្យគន្លឹះ