វប្បធម៌-សិល្បៈ វប្បធម៌

21/07/2026 - 21:31

ពិធីបុណ្យវប្បធម៌ព្រែកទន្លេទីក្រុងកឹងធើ ឆ្នាំ២០២៦ មានប្រធានបទ "កឹងធើ-ភាពស៊ីសង្វាក់គ្នានៃដងព្រែកទន្លេ"

(អ.ឡ) - ពិធីបុណ្យវប្បធម៌ព្រែកទន្លេលើកទី២ ឆ្នាំ២០២៦ មានប្រធានបទ “កឹងធើ-ភាពស៊ីសង្វាក់គ្នានៃដងព្រែកទន្លេ” បានចាត់តាំងដោយទ្រុងទ្រាយកម្រិតទីក្រុង ប្រព្រឹត្តឡើងក្នុងអំឡុងពេល ៦ ថ្ងៃ ចាប់ពីថ្ងៃទី៣០ ខែធ្នូ ឆ្នាំ២០២៦ ដល់ថ្ងៃទី៤ ខែមករា ឆ្នាំ២០២៧ នៅសង្កាត់និញកេវ សង្កាត់កៃខេ និងតំបន់ជិតខាង។

បើកពិធីបុណ្យវប្បធម៌ព្រែកទន្លេទីក្រុងកឹងធើ លើកទី១ ឆ្នាំ២០២៥។

នេះជាព័ត៌មានក្នុងផែនការចាត់តាំងពិធីបុណ្យវប្បធម៌ព្រែកទន្លេទីក្រុងកឹងធើ លើកទី២ ឆ្នាំ២០២៦ ទើបតែបានគណៈកម្មាធិការប្រជាជនទីក្រុងកឹងធើ ប្រកាសជាផ្លូវការ។

តាមផែនការ កម្មវិធីបើកពិធីបុណ្យវប្បធម៌ព្រែកទន្លេទីក្រុងកឹងធើ ឆ្នាំ២០២៦ ប្រព្រឹត្តឡើងនៅវេលាម៉ោង ២០:០០ ថ្ងៃទី៣០ ខែធ្នូ ឆ្នាំ២០២៦ នៅតំបន់ព្រែកកៃខេ សង្កាត់កៃខេ។

បន្ទាប់ពីកម្មវិធីបើកឆាក នឹងមានកម្មវិធីតន្រ្តីទឹក ការសម្តែងដ្រូនពន្លឺ និងការបាញ់កាំជ្រួចកម្រិតទាបដើម្បីអបអរសាទរ។

កម្មវិធី Countdown ទទួលឆ្នាំថ្មី ២០២៧ បម្រុងនឹងប្រព្រឹត្តឡើងនៅវេលាម៉ោង ២០:០០ ថ្ងៃទី៣១ ខែធ្នូ ឆ្នាំ២០២៦ នៅសួនច្បារទន្លេហូវ សង្កាត់កៃខេ។

ពិធីបុណ្យ នឹងមានលំហវប្បធម៌ និងការឆ្លងបទពិសោធន៍ ដូចជា៖ មណ្ឌលតាំងពិព័រណ៌បង្ហាញឧបករណ៍កសិកម្ម និងនេសាទនៃតំបន់វាលរាបទន្លេគីវឡុង ព្រមទាំងកន្លែងថតរូបអនុស្សាវរីយ៍ ឆ្លងបទពិសោធន៍សិល្បៈ និងលំហឆ្លងបទពិសោធន៍ព្រែកទន្លេតំបន់ខាងលិច...។

សកម្មភាពកីឡា និងការឆ្លងបទពិសោធន៍ មានសកម្មភាពតាំងពិព័រណ៌កីឡា និងសុខភាព; សកម្មភាពសម្តែង និងប្រកួតកីឡាលើផ្ទៃព្រែក (ប្រកួតទូកក្តោង, ដង្ហែក្បួន និងប្រកួតទូក SUP ប្រកួតទូកទម្រង់ ប្រកួតទូកស្មាច់...); សកម្មភាពឆ្លងបទពិសោធន៍លើដងព្រែកទន្លេ ដូចជាការលេងកីឡាកម្សាន្តនិងការបណ្ដែតប្រទីបលើដងព្រែកទន្លេ...។

ពិធីបុណ្យក៏មានសកម្មភាពផ្សព្វផ្សាយ ជំរុញទេសចរណ៍ ផ្សារណាត់ និងសកម្មភាពសហគមន៍ចូលរួមការពារបរិស្ថានព្រែកទន្លេ។

ក្រៅពីនេះ នៅក្នុងក្របខ័ណ្ឌនៃពិធីបុណ្យនេះ ក៏មានទិវាបង្ហាញសម្រស់អាវបាបា បានចាត់តាំងឡើងនៅផ្សារបណ្ដែតកៃរ៉ាំង សង្កាត់កៃរ៉ាំង។

ពិធីបុណ្យវប្បធម៌ព្រែកទន្លេទីក្រុងកឹងធើ ជាព្រឹត្តិការណ៍វប្បធម៌និងទេសចរណ៍ ដែលទីក្រុងកឹងធើ ចាត់តាំងឡើងជារៀងរាល់ឆ្នាំ ក្នុងឱកាសបុណ្យចូលឆ្នាំសកល ដើម្បីផ្សព្វផ្សាយនូវលក្ខណៈវប្បធម៌ដ៏ស្រស់ស្អាតនៃតំបន់ព្រែកទន្លេ រួមចំណែកធ្វើឱ្យរីកសាយភាយនូវសក្តានុពល ឧត្តមភាពនិងចំណុចទាក់ទាញនៃវិស័យទេសចរណ៍ទីក្រុងកឹងធើ៕

យ្វីខូយ-ត្រឹងរ៉ូន

ចែករំលែកអត្ថបទ

ពាក្យគន្លឹះ