សន្តិសុខ - ការពារប្រទេស ការពារប្រទេស

07/07/2026 - 21:37

លើកកម្ពស់ប្រសិទ្ធភាពការងារយោធា ការពារប្រទេសនៅភូមិភាគ

ក្នុង ៦ ខែដើមឆ្នាំ ២០២៦ កងកម្លាំងប្រដាប់អាវុធទីក្រុងកឹងធើ បន្តធ្វើបានល្អនូវតួនាទីធ្វើសេនាធិការដល់គណៈកម្មាធិការបក្ស ក្រុមប្រឹក្សាប្រជាជន និងគណៈកម្មាធិការប្រជាជនទីក្រុង ក្នុងការដឹកនាំ ផ្សព្វផ្សាយការងារយោធា និងការពារប្រទេសគ្រប់ជ្រុងជ្រោយ។ តាមរយៈនោះ អង្គភាពមិនត្រឹមតែសម្រេចនិងសម្រេចលើសនូវភាគកម្រិតនៃសេចក្តីសម្រេចចិត្តដែលបានដាក់ចេញប៉ុណ្ណោះទេ ថែមទាំងរួមចំណែកពង្រឹងការការពារប្រទេស សន្តិសុខ និងកសាងតំបន់ការពារភូមិភាគកាន់តែរឹងមាំជាងទៀត។

ឡាយហ្វាគឺជាឃុំមាត់សមុទ្រ។ ហេតុនោះ គណៈបញ្ជាការយោធាឃុំតែងសហការស្អិតល្មួតជាមួយកងកម្លាំងនគរបាល និងកងកម្លាំងការពារព្រំដែន ផ្សព្វផ្សាយព្រមៗគ្នានូវវិធានការរក្សាលំនឹងអធិបតេយ្យសន្តិសុខព្រំដែនសមុទ្រ។ ក្នុង ៦ ខែកន្លង កងកម្លាំងទាំងនេះសហការចាត់តាំងដោះដូរព័ត៌មានបាន ២៤ លើក និងដើរល្បាតពេលយប់បាន ១៤៥ លើក ដោយមានកម្មាភិបាល យុទ្ធជនចូលរួមជាង ១.០០០ នាក់។

កងសេនាជនឃុំឡាយហ្វាចូលរួមយុទ្ធនាការបង្ក្រាបឧក្រិដ្ឋកម្មជាមួយ
កងកម្លាំងដទៃទៀត។

អនុសេនីយ៍ឯក ឡេវុាំងកឿង មេបញ្ជាការរងនៃគណៈបញ្ជាការយោធាឃុំឡាយហ្វា ឱ្យដឹង៖ “ពេលខាងមុខ អង្គភាពនឹងបន្តផ្លាស់ថ្មីកិច្ចសហការក្តោបក្តាប់ស្ថានភាព ដោះដូរព័ត៌មានជាមួយកងកម្លាំងនានា ធានាភាពត្រឹមត្រូវ ទាន់ពេលវេលា និងសម្ងាត់។ ទន្ទឹមនឹងនោះ ពង្រឹងកិច្ចសហការដើរល្បាតនៅតាមភូមិសាស្រ្តសំខាន់ៗ ភូមិព្រំដែន និងតំបន់ឆ្នេរសមុទ្រ”។

បញ្ជាការយោធាទីក្រុងកឹងធើ បានចង្អុលការស្ថាប័នយោធាគ្រប់ថ្នាក់ចាត់តាំងបញ្ជ្រាប និងផ្សព្វផ្សាយអនុវត្តម៉ឺងម៉ាត់នូវបទបញ្ជាហ្វឹកហ្វឺនប្រយុទ្ធរបស់មេបញ្ជាការយោធភូមិភាគ ៩ និងផែនការហ្វឹកហាត់ប្រយុទ្ធ ឆ្នាំ ២០២៦; ចាត់តាំងហ្វឹកហ្វឺន បំប៉នកម្មាភិបាលតាមការរៀបចំណាត់ថ្នាក់; ចាត់តាំងហ្វឹកហាត់ដល់មុខសញ្ញាមានខ្លឹមសារ ពេលវេលា និងកម្មវិធីគ្រប់គ្រាន់... បញ្ជាការយោធាទីក្រុងបានត្រួតពិនិត្យ កសាងផែនការសមយុទ្ធប្រតិបត្តិការសឹកការពារតំបន់របស់គណៈបញ្ជាការការពារតំបន់ ៣ - ភូឡើយ; សហការជាមួយកងពលធំលេខ ៤ ពិនិត្យទីតាំងកសាងដំណាក់ប្រមូលផ្តុំយោធិនបម្រុងកំណែនសមយុទ្ធឆ្នាំ ២០២៦ ។ ចាត់តាំងហ្វឹកហាត់ត្រៀមលក្ខណៈប្រយុទ្ធដើមឆ្នាំ ២០២៦ ធានាសុវត្ថិភាព។

ឆ្នាំនេះ ទីក្រុងកឹងធើ មានឃុំ សង្កាត់ចំនួន ២៦ ចាត់តាំងសមយុទ្ធប្រតិបត្តិការសឹកក្នុងតំបន់ការពារ។ បញ្ជាការយោធាទីក្រុង - ស្ថាប័នប្រចាំការនៃគណៈចង្អុលការសមយុទ្ធរបស់ទីក្រុង បានធ្វើសេនាធិការដល់គណៈអចិន្ត្រៃយ៍នៃគណៈកម្មាធិការបក្សទីក្រុងដាក់ឱ្យប្រើនូវឯកសារដឹកនាំ បង្កើតគណៈចង្អុលការសមយុទ្ធឃុំ សង្កាត់; ផ្សព្វផ្សាយផែនការសមយុទ្ធប្រតិបត្តិការសឹកនៅឃុំ សង្កាត់ក្នុងតំបន់ការពារ; ចង្អុលការឃុំ សង្កាត់ធ្វើបានល្អការកសាងឯកសារសមយុទ្ធ មូលដ្ឋានប្រយុទ្ធសន្មតិ ធានាការសមយុទ្ធត្រូវតាមផែនការ... ក្នុងនោះ ចង្អុលការសង្កាត់កៃរុាំងចាត់តាំងសមយុទ្ធមុន ធ្វើជាគំរូដើម្បីអង្គភាពផ្សេងទៀតទស្សនា និងរៀនសូត្របទពិសោធន៍។

កងសេនាជនឃុំឡាយហ្វាដើរល្បាតជាមួយនគរបាលឃុំ ចូលរួមការពារសន្តិសុខសណ្តាប់ធ្នាប់នៅមូលដ្ឋាន។

ទន្ទឹមនឹងនោះ បញ្ជាការយោធាទីក្រុងធ្វើសេនាធិការកសាងគម្រោង ផែនការយោធា និងការពារប្រទេស ដំណាក់កាល ២០២៦ - ២០៣០; ទទួលយកសំណង់មូលដ្ឋានប្រយុទ្ធតំបន់សមរភូមិក្រោយ ២; ត្រួតពិនិត្យ ដំឡើងផែនការកសាងសំណង់ប្រយុទ្ធបណ្តុំកន្លែងការពារតាមមាត់សមុទ្រតំបន់ត្រឹងដេ; កំណត់ទីតាំងបោះទ័ពគណៈបញ្ជាការយោធាឃុំ សង្កាត់... បញ្ជាការយោធាទីក្រុង ចង្អុលការអនុវត្តម៉ឺងម៉ាត់នូវដំណើរការជ្រើសរើស និងក៏ហៅប្រជាពលរដ្ឋចូលបម្រើកងទ័ពឆ្នាំ ២០២៦ ចាត់តាំងប្រគល់កងទ័ពសម្រេច ១០០% នៃភាគកម្រិត; ទទួល និងហ្វឹកហាត់យុទ្ធជនថ្មីសម្រេចបានលទ្ធផលពូកែ ធានាសុវត្ថិភាពដាច់ខាត; ចាត់តាំងចុះឈ្មោះកាតព្វកិច្ចយោធាលើកដំបូងដល់ពលរដ្ឋអាយុ ១៧ ឆ្នាំយ៉ាងស្អិតល្មួត និងត្រូវតាមច្បាប់...។

ថ្លែងក្នុងកិច្ចប្រជុំបូកសរុបបណ្តោះអាសន្នការងារយោធា ការពារប្រទេសក្នុង ៦ ខែដើមឆ្នាំ ២០២៦ លោក ត្រឿងកាញ់ត្វៀង អនុលេខាគណៈកម្មាធិការបក្ស ប្រធានគណៈកម្មាធិការប្រជាជនទីក្រុងកឹងធើ បញ្ជាក់៖ កងកម្លាំងប្រដាប់អាវុធទីក្រុង ពង្រីកបានល្អនូវតួនាទីជាស្នូលក្នុងការអនុវត្តភារកិច្ចយោធា និងការពារប្រទេសនៅភូមិភាគយ៉ាងមានប្រសិទ្ធភាព។ ស្ថាប័នយោធាគ្រប់ថ្នាក់បានម្ចាស់ការសហការធ្វើសេនាធិការដល់គណៈកម្មាធិការបក្ស ក្រុមប្រឹក្សាប្រជាជន និងគណៈកម្មាធិការប្រជាជនទីក្រុងដឹកនាំ ចង្អុលការអនុវត្តភារកិច្ចគ្រប់គ្រងរដ្ឋមានប្រសិទ្ធភាពអំពីយោធា និងការការពារប្រទេស; រក្សារបបប្រចាំការត្រៀមប្រយុទ្ធបានយ៉ាងម៉ឺងម៉ាត់; ម្ចាស់ការក្តោបក្តាប់ស្ថានភាពភូមិសាស្រ្ត មិនទុកឱ្យបាត់ភាពម្ចាស់ការ ដោយចៃដន្យក្នុងរាល់ស្ថានការណ៍។ កិច្ចសហការរវាងកងកម្លាំងយោធា នគរបាល និងកងកម្លាំងសមត្ថកិច្ចកាន់តែមានប្រសិទ្ធភាព និងស្អិតល្មួតជាងទៀត; ធ្វើសេនាធិការវិនិច្ឆ័យបានល្អនូវបញ្ហាកើតមានផ្តើមពីមូលដ្ឋានបានទាន់ពេលវេលា រួមចំណែករក្សាលំនឹងសន្តិសុខនយោបាយ សណ្តាប់ធ្នាប់សុវត្ថិភាពសង្គម ធានាសុវត្ថិភាពភូមិសាស្រ្តនិងតំបន់ព្រំដែនសមុទ្ររបស់ទីក្រុង។

លោក ត្រឿងកាញ់ត្វៀង សំណូមពរបញ្ជាការយោធាទីក្រុង បន្តដឹកនាំ សហការធ្វើសេនាធិការដល់ក្រុមប្រឹក្សាកាតព្វកិច្ចយោធាទីក្រុងដឹកនាំ និងចង្អុលការអនុវត្តបានល្អការជ្រើសរើស និងក៏ហៅពលរដ្ឋចូលបម្រើកងទ័ពឆ្នាំ ២០២៧; លើកកម្ពស់គុណភាពហ្វឹកហាត់ សមយុទ្ធ សមត្ថភាពត្រៀមប្រយុទ្ធ; ធ្វើសេនាធិការមានប្រសិទ្ធភាពក្នុងការកសាងតំបន់ការពារ វិនិយោគកសាងសំណង់ការពារប្រទេសដែលមានលក្ខណៈប្រើប្រាស់បានពីរយ៉ាង និងគ្រប់គ្រងដីធ្លីការពារប្រទេសបានហ្មត់ចត់... យកចិត្តទុកដាក់អនុវត្តបានល្អនូវគោលនយោបាយសមរភូមិក្រោយកងទ័ព ចលនា "តបស្នងសងគុណ" ការងារប្រមូលសំណាកអដ្ឋិធាតុយុទ្ធជនពលីទៅពិនិត្យវាយតម្លៃ ADN និងស្វែងរក ប្រមូលអដ្ឋិធាតុយុទ្ធជនពលី និងចាត់តាំងសកម្មភាពបុណ្យចូលឆ្នាំកងទ័ពប្រជាជន ឆ្នាំ ២០២៧ ដោយភាពជាក់ស្តែង...៕

ផាមទ្រុង - វិមាន

ចែករំលែកអត្ថបទ

ពាក្យគន្លឹះ