គោលនយោបាយ -ការរស់នៅ ច្បាប់

19/06/2026 - 07:23

ចាប់ពីថ្ងៃទី១ ខែកក្កដា តើការពិនិត្យជំងឺក្រៅមន្ទីរពេទ្យរំលងថ្នាក់ នឹងបានធានារ៉ាប់រងសុខាភិបាលទូទាត់ជូនយ៉ាងដូចម្ដេច?

តាមការឱ្យដឹងពីនាយកដ្ឋានធានារ៉ាប់រងសុខាភិបាល ក្រសួងសុខាភិបាល៖ ចាប់ពីថ្ងៃទី១ ខែកក្កដា ឆ្នាំ២០២៦ អ្នកចូលរួមធានារ៉ាប់រងសុខាភិបាល នឹងបានមូលនិធិធានារ៉ាប់រងសុខាភិបាលទូទាត់ជូនក្នុងអត្រា ៥០% ថ្លៃពិនិត្យជំងឺក្រៅមន្ទីរពេទ្យ រំលងថ្នាក់ទៅតាមកម្រិតទទួលក្នុងវិសាលភាពនៃផលប្រយោជន៍ ពេលទៅពិនិត្យជំងឺនៅតាមមូលដ្ឋានពិនិត្យព្យាបាលជំងឺកម្រិតមូលដ្ឋាន ដែលកាលពីមុនថ្ងៃ ទី១ ខែមករា ឆ្នាំ២០២៥ ត្រូវបានចាត់ជាថ្នាក់ខេត្ត ជំនួសឱ្យការមិនទាន់បានទូទាត់ដូចមុននេះ។

ការពិគ្រោះនិងពិនិត្យជំងឺជូនអ្នកជំងឺ។

ក្នុងនោះ ចំណុចថ្មីគួរឱ្យកត់សម្គាល់គឺការបើកទូលាយកម្រិតទទួលផល ចំពោះអ្នកចូលរួមធានារ៉ាប់រងសុខាភិបាលដែលទៅពិនិត្យព្យាបាល ជំងឺខាងក្រៅដោយខ្លួនឯង ក្នុងករណីមួយចំនួន។

ជាក់ស្តែង អ្នកចូលរួមធានារ៉ាប់រងសុខាភិបាល នឹងបានមូលនិធិធានារ៉ាប់រងសុខាភិបាលទូទាត់ជូន ក្នុងអត្រា ៥០% ថ្លៃពិនិត្យជំងឺក្រៅមន្ទីរពេទ្យ រំលងថ្នាក់ទៅតាមកម្រិតទទួលក្នុងវិសាលភាពនៃផលប្រយោជន៍ នៅពេលទៅពិនិត្យជំងឺនៅតាមមូលដ្ឋានពិនិត្យព្យាបាលជំងឺកម្រិតមូលដ្ឋាន ដែលកាលពីមុន ថ្ងៃទី១ ខែមករា ឆ្នាំ២០២៥ ត្រូវបានចាត់ជាថ្នាក់ខេត្ត ជំនួសឱ្យការមិនទាន់បានទូទាត់ជូនដូចកាលពីមុន។ សេចក្ដីកំណត់នេះ រួមចំណែកកាត់បន្ថយបន្ទុកថ្លៃពិនិត្យព្យាបាល ព្រមទាំងបង្កលក្ខណៈងាយស្រួលជាង ដើម្បីឱ្យប្រជាជនបានទទួលសេវាសុខាភិបាលនានា។

តួយ៉ាង ចំពោះអ្នកជំងឺដែលមានកម្រិតទទួលបានការទូទាត់ ១០០% ថ្លៃពិនិត្យព្យាបាលជំងឺធានារ៉ាប់រងសុខាភិបាល នៅពេលទៅពិនិត្យជំងឺរំលងថ្នាក់ ហើយមានថ្លៃចំណាយសរុបគឺ ១ លានដុង នៅឯមន្ទីរពេទ្យខេត្ត ដែលបច្ចុប្បន្នជាកម្រិតមូលដ្ឋាននោះ នឹងបានមូលនិធិធានារ៉ាប់រងសុខាភិបាលទូទាត់ជូន ៥០០.០០០ ដុង ហើយអ្នកជំងឺត្រូវចំណាយប្រាក់ខ្លួនឯង ៥០០.០០០ ដុង។

ចំពោះអ្នកជំងឺដែលមានកម្រិតទទួលបានការទូទាត់ ៨០% ថ្លៃពិនិត្យព្យាបាលជំងឺធានារ៉ាប់រងសុខាភិបាល នៅពេលទៅពិនិត្យជំងឺរំលងថ្នាក់ មានថ្លៃចំណាយសរុបគឺ ១ លានដុង នៅមន្ទីរពេទ្យខេត្តកម្រិតមូលដ្ឋាន នោះនឹងបានមូលនិធិធានារ៉ាប់រងសុខាភិបាលទូទាត់ជូន ៤០០.០០០ ដុង ចំណែកអ្នកជំងឺត្រូវចំណាយប្រាក់ខ្លួនឯង ៦០០.០០០ ដុង។

ទន្ទឹមនឹងនោះ កម្រិតប្រាក់បៀវត្សអប្បបរមាត្រូវបានកែសម្រួលឡើងដល់ ២,៥៣ លានដុងក្នុងមួយខែ ក៏បានយកធ្វើជាមូលដ្ឋានសម្រាប់គិតគូរនូវផល ប្រយោជន៍ធានារ៉ាប់រងសុខាភិបាលជាច្រើនទៀត។ អ្នកចូលរួមធានារ៉ាប់រងសុខាភិបាលនឹងបានទទួលផល ១០០% ថ្លៃពិនិត្យព្យាបាលជំងឺ ប្រសិនបើថ្លៃចំ ណាយក្នុងមួយលើកទាបជាង ១៥% នៃកម្រិតប្រាក់បៀវត្សអប្បបរមា (គឺទាបជាង ៣៧៩.៥០០ ដុង)។

ព្រមជាមួយនោះ អ្នកចូលរួមធានារ៉ាប់រងសុខាភិបាលចាប់ពី ៥ ឆ្នាំជាប់ៗគ្នា នឹងបានមូលនិធិទូទាត់ជូន ១០០% ប្រាក់ចំណាយក្នុងវិសាលភាពនៃផលប្រយោជន៍ នៅពេលចំនួនប្រាក់ដែលត្រូវទូទាត់ក្នុងឆ្នាំ លើសពី ៦ ដងនៃកម្រិតប្រាក់បៀវត្សអប្បបរមា (ប្រហាក់ប្រហែល ១៥,១៨០ លានដុង)។ កម្រិតទូទាត់ចំពោះសេវាបច្ចេកទេសមួយចំនួនក៏បានកែសម្រួលផងដែរ។ ក្នុងនោះ ករណីអ្នកចូលរួមធានារ៉ាប់រងសុខាភិបាល ត្រូវបានគ្រូពេទ្យចេញវេជ្ជបញ្ជា ឱ្យអនុវត្តសេវាកម្មបច្ចេកទេស គឺមូលនិធិធានារ៉ាប់រងសុខាភិបាលនឹងទូទាត់ថ្លៃចំណាយសរុបនៃបរិក្ខារពេទ្យសម្រាប់ការប្រើប្រាស់សេវាកម្មបច្ចេកទេសមួយលើកមិនលើសពី ៤៥ ខែ ប្រាក់បៀវត្សអប្បបរមា (ប្រហាក់ប្រហែលនឹង ១១៣,៨៥០ លានដុង)។

អ្នកជំងឺធានារ៉ាប់រងសុខាភិបាល ដែលមានថ្លៃចំណាយសរុបក្នុងការពិនិត្យព្យាបាលជំងឺ ១ លើក ក្រោម ១៥% នៃកម្រិតប្រាក់បៀវត្សអប្បបរមា (ក្រោម ៣៧៩.៥០០ ដុង) ប្រសិនបើទៅពិនិត្យព្យាបាលជំងឺរំលងថ្នាក់ គឺត្រូវបានទទួលផលប្រយោជន៍ទៅតាមអត្រានៃកម្រិតទទួលផលប្រយោជន៍ដែលបានកំណត់ក្នុងកថាខ័ណ្ឌទី៤ មាត្រា ២២ ច្បាប់ស្តីពីធានារ៉ាប់រងសុខាភិបាល ដែលមានកម្រិត ១០០%, ៨០%, ៤០%៕

យោង៖ vov.vn - ថាច់ធី

ចែករំលែកអត្ថបទ

ពាក្យគន្លឹះ