ព្រឹត្តិការណ៍ - នយោបាយ ព្រឹត្តិការណ៍

11/05/2026 - 10:13

គណៈប្រតិភូនៃគណៈកម្មាធិការសេដ្ឋកិច្ចនិងហិរញ្ញវត្ថុនៃរដ្ឋសភា ចុះពិនិត្យគម្រោងផ្លូវល្បឿនលឿន ចូវដុក - កឹងធើ - សុកត្រាំង

គណៈប្រតិភូនៃគណៈកម្មាធិការសេដ្ឋកិច្ចនិងហិរញ្ញវត្ថុនៃរដ្ឋសភា ដឹកនាំដោយលោកស្រី ង្វៀង ធីភូហា អនុប្រធានគណៈកម្មាធិការសេដ្ឋកិច្ចនិងហិរញ្ញវត្ថុនៃរដ្ឋសភា និងលោកស្រី ដងធី ថាញម៉ាយ អនុប្រធានគណៈកម្មាធិការសេដ្ឋកិច្ច និងហិរញ្ញវត្ថុនៃរដ្ឋសភា បានអញ្ជើញចុះពិនិត្យគម្រោងវិនិយោគកសាងផ្លូវល្បឿនលឿន ចូវដុក - កឹងធើ - សុកត្រាំង ដំណាក់កាលទី១។ លោក ង្វៀងវ៉ាំងហ្វា អនុប្រធានគណៈកម្មាធិការប្រជាជនទីក្រុងកឹងធើ រួមជាមួយថ្នាក់ដឹកនាំមន្ទីរ គណៈ ផ្នែក អង្គភាពសាងសង់ និងថ្នាក់ដឹកនាំឃុំតឹងហ្វា បានទទួលនិងធ្វើការជាមួយគណៈប្រតិភូ។

លោកង្វៀងវ៉ាំងហ្វា អនុប្រធានគណៈកម្មាធិការប្រជាជនទីក្រុងកឹងធើ បានឱ្យដឹង ពីការលំបាករបស់គម្រោង គឺប្រភពផ្គត់ផ្គង់សម្ភារៈសំណង់ខ្សាច់ ថ្ម។

គម្រោងវិនិយោគកសាងផ្លូវល្បឿនលឿន ចូវដុក - កឹងធើ - សុកត្រាំង ដំណាក់កាលទី១ (គម្រោង សមាសភាគទី២ ទី៣ និងទី៤ ឆ្លងកាត់ភូមិសាស្ត្រទីក្រុងកឹងធើ) មានកញ្ចប់ដេញថ្លៃកសាងចំនួន១១ (ក្នុងនោះ មានកញ្ចប់ដេញថ្លៃឈូសឆាយពង្រាបផ្ទៃដីចំនួន ១០ និងកញ្ចប់ដេញថ្លៃដំឡើងប្រព័ន្ធសុវត្ថិភាពចរាចរណ៍ចំនួន ១)។ បរិមាណអនុវត្តជាង ១១.០៧៣ ពាន់លានដុង សម្រេចជិត ៥៦% នៃតម្លៃកិច្ចសន្យា។

សរុបតម្រូវការប្រើប្រាស់ខ្សាច់សម្រាប់ពង្រាបទីធ្លា ក្នុងគម្រោងសមាសភាគទី២ ទី៣ និង ទី៤ មានប្រមាណ ១៦,៦៤៩ លានម៉ែត្រគុប ក្នុងនោះបរិមាណខ្សាច់ដែលបានដឹកមកដល់ការដ្ឋានមានប្រមាណ ១០,៤៦៩ លានម៉ែត្រគុប។ គណៈគ្រប់គ្រងគម្រោងវិនិយោគសាងសង់សំ ណង់គមនាគមន៍និងកសិកម្មទីក្រុងកឹងធើ កំពុងបន្តធ្វើការជាមួយខេត្តវិញឡុង និងខេត្តអាងយ៉ាង ដើម្បីធានាប្រភពខ្សាច់សម្រាប់ផ្គត់ផ្គង់ដល់ការដ្ឋាន។ សរុបតម្រូវការប្រើប្រាស់ថ្ម សម្រាប់ផ្គត់ផ្គង់គម្រោងសមាសភាគទាំង៣ មានប្រមាណ ៤,១៧៦ លានម៉ែត្រគុប ក្នុងនោះ បានដឹកមកប្រមូលផ្តុំនិងប្រើប្រាស់ក្នុងគម្រោងប្រមាណ ០,៨៥១ លានម៉ែត្រគុប។ ម្ចាស់គម្រោងនិងក្រុមហ៊ុនសាងសង់ កំពុងបន្តធ្វើការទាក់ទងនិងចុះបញ្ជីតម្រូវការនៅតាមកន្លែងយកថ្មចំណុះខេត្តដុងណាយ និងទីក្រុងហូជីមិញ ដើម្បីធានាប្រភព សម្ភារៈផ្គត់ផ្គង់ដល់ការដ្ឋាន។

គណៈប្រតិភូនៃគណៈកម្មាធិការសេដ្ឋកិច្ចនិងហិរញ្ញវត្ថុនៃរដ្ឋសភា ជូនអំណោយដល់កម្មករ ពលករ កំពុងធ្វើការនៅការដ្ឋានផ្លូវល្បឿនលឿន។

លោកង្វៀងវ៉ាំងហ្វា បានឱ្យដឹង គម្រោងដែលឆ្លងកាត់ភូមិសាស្ត្រទីក្រុង កំពុងប្រឈមនឹងបញ្ហាលំបាកខាងប្រភពសម្ភារៈសំណង់។ អ្វីដែលគួរឱ្យព្រួយបារម្ភ គឺស្ថានភាពខ្វះថ្មសម្រាប់កសាងនៅពេលដែលកន្លែងយកថ្មនៅខេត្តអាងយ៉ាងបានអស់ធនធាន បង្ខំឱ្យក្រុមហ៊ុន សាងសង់ដឹក ជញ្ជូនថ្មពីខេត្តដុងណាយនិងទីក្រុងហូជីមិញ មកប្រើប្រាស់ដោយតម្លៃខ្ពស់។ ចំពោះមុខស្ថាន ភាពនៃតម្លៃសម្ភារៈសំណង់ប្រែប្រួលខ្លាំង បង្កការលំបាកដល់អង្គភាពសាងសង់ ទក្រុងកឹងធើ បានរាយការណ៍ជូនក្រសួងសំណង់និងក្រសួងហិរញ្ញវត្ថុ ដើម្បីធ្វើសេនាធិការជូននាយករដ្ឋមន្ត្រីនៃរដ្ឋាភិបាល អំពីយន្តការគាំទ្រនិងសំណងតម្លៃឱ្យបានទាន់ពេល ដើម្បីធានាវឌ្ឍនភាពគម្រោង។

តាមរយៈការចុះពិនិត្យជាក់ស្តែង និងធ្វើការជាមួយមូលដ្ឋាន គណៈប្រតិភូនៃគណៈកម្មាធិការសេដ្ឋកិច្ចនិងហិរញ្ញវត្ថុរដ្ឋសភា បានកត់សម្គាល់នូវសំណើរបស់ភូមិភាគ និងធ្វើការបូកសរុប របាយការណ៍ជូនរដ្ឋសភា ក្រសួងនិងស្ថាប័នមជ្ឈិមពាក់ព័ន្ធ ដើម្បីពិនិត្យនិងដោះស្រាយ សំដៅធានាវឌ្ឍនភាពគម្រោង៕

ម៉ុងត្វង - ពេជ្រសឿន

ចែករំលែកអត្ថបទ

ពាក្យគន្លឹះ