ព្រឹត្តិការណ៍ - នយោបាយ ព្រឹត្តិការណ៍

05/05/2026 - 20:50

កម្មាភិបាល បក្ខជនទូទាំងទីក្រុង សិក្សារៀនសូត្រ បញ្ជ្រាបនិងផ្សព្វផ្សាយសេចក្តីសម្រេចមជ្ឈិមលើកទី ២

ថ្ងៃទី ៥ ខែឧសភា គណៈអចិន្ត្រៃយ៍នៃគណៈកម្មាធិការបក្សក្រុងកឹងធើ បានចាត់តាំងសន្និបាតសិក្សារៀនសូត្រ បញ្ជ្រាបនិងផ្សព្វផ្សាយសេចក្តីសម្រេចសន្និបាតលើកទី ២ នៃគណៈប្រតិបត្តិការមជ្ឈិមបក្ស នីតិកាលទី XIV ជូនកម្មាភិបាល និងបក្ខជនទូទាំងទីក្រុង។ សន្និបាតបានចាត់តាំងឡើងតាមទម្រង់ផ្ទាល់ និងតាមប្រព័ន្ធអនឡាញពីសាលប្រជុំគណៈកម្មាធិការបក្សទីក្រុង ទៅកាន់ចំណុចតភ្ជាប់នានានៅតាមស្ថាប័ន អង្គភាព ឃុំ សង្កាត់ ចំណុះគណៈកម្មាធិការបក្សទីក្រុង។

អ្នកតំណាងចូលរួមនៅសាលប្រជុំនៃគណៈកម្មាធិការបក្សក្រុងកឹងធើ។

លោក ដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុង អញ្ជើញចូលរួមនិងមានប្រសាសន៍ចង្អុលការក្នុងអង្គសន្និបាត។

ក្នុងអង្គសន្និបាត កម្មាភិបាល បក្ខជន បានសិក្សារៀនសូត្រ បញ្ជ្រាបនិងផ្សព្វផ្សាយនូវខ្លឹមសារសំខាន់ៗរួមមាន៖ បទប្បញ្ញតិស្តីពីការអនុវត្តលក្ខន្តិកៈបក្ស; សេចក្តីសម្រេចស្តីពីការផ្លាស់ថ្មី លើកកម្ពស់ប្រសិទ្ធភាពការងារត្រួតពិនិត្យ ឃ្លាំមើលនិងវិន័យបក្ស និងបទប្បញ្ញតិស្តីពីការងារនយោបាយ និងសតិអារម្មណ៍ក្នុងបក្ស; សេចក្តីសម្រេចស្តីពីការបន្តពង្រឹងការដឹកនាំរបស់បក្សចំពោះការងារបង្ការនិងប្រឆាំងអំពើពុករលួយ ខ្ជះខ្ជាយ និងភាពអវិជ្ជមានក្នុងដំណាក់កាលថ្មី និងសេចក្តីសន្និដ្ឋានលេខ ១៨ របស់គណៈប្រតិបត្តិការមជ្ឈិមបក្ស នីតិកាលទី XIV ស្តីពីផែនការអភិវឌ្ឍន៍សេដ្ឋកិច្ច-សង្គម ហិរញ្ញវត្ថុជាតិ ការបុលនិងសងបំណុលរដ្ឋ ការវិនិយោគរយៈពេលមធ្យម ៥ ឆ្នាំ (២០២៦-២០៣០) ផ្សារភ្ជាប់ជាមួយនឹងការអនុវត្តទិសដៅខិតខំសម្រេចឱ្យបានកំណើនសេដ្ឋកិច្ច "តួលេខ ២ ខ្ទង់"។

មានប្រសាសន៍ក្នុងអង្គសន្និបាត លោក ដុងវ៉ាំងថាញ បានសង្កត់ធ្ងន់៖ សន្និបាតនេះសំដៅបន្តអនុវត្តឱ្យបានព្រមគ្នា និងទាន់ពេលវេលា ធានាកម្មាភិបាល និងបក្ខជនទាំងអស់ក្នុងទីក្រុង បានរៀនសូត្រ និងបញ្ជ្រាបយ៉ាងពេញលេញនូវរាល់សេចក្តីសម្រេចបទប្បញ្ញតិ និងសេចក្តីសន្និដ្ឋានរបស់គណៈប្រតិបត្តិការមជ្ឈិមបក្ស នីតិកាលទី XIV។ ទន្ទឹមនឹងនោះ បានស្នើគណៈកម្មាធិការបក្ស អង្គការបក្ស កម្មាភិបាលនិងបក្ខជនទាំងអស់ គប្បីយល់ឱ្យបានស៊ីជម្រៅអំពីអត្ថន័យ និងសារៈសំខាន់នៃសេចក្តីសម្រេចបទប្បញ្ញតិ និងសេចក្តីសន្និដ្ឋានរបស់មជ្ឈិម ដោយចាត់ទុកថាជាតម្រូវការនយោបាយចាំបាច់ និងជាមូលដ្ឋានដើម្បីឯកភាពសតិអារម្មណ៍ និងសកម្មភាពក្នុងបក្ខភាគទីក្រុងទាំងមូល។ ការសិក្សារៀនសូត្រមិនបញ្ឈប់ត្រឹមតែទទួលយកនូវខ្លឹមសារប៉ុណ្ណោះទេ ប៉ុន្តែត្រូវផ្សារភ្ជាប់ជាមួយការអនុវត្តជាក់ស្តែង ការឆ្លុះបញ្ចាំងខ្លួនឯង ការកែលម្អខ្លួនឯង ការលើកកម្ពស់សមត្ថភាពនយោបាយ និងស្មារតីទទួលខុសត្រូវ។ ផ្អែកលើមូលដ្ឋាននោះ រាល់គណៈកម្មាធិការបក្ស អង្គការបក្ស និងកម្មាភិបាល បក្ខជនទាំងអស់ ត្រូវម្ចាស់ការក្នុងការធ្វើឱ្យក្លាយជាសកម្មភាពជាក់ស្តែង រួមចំណែកបង្កការវិវត្តន៍យ៉ាងច្បាស់ក្រឡែត ក្នុងការអនុវត្តភារកិច្ចដែលបានប្រគល់ជូន។

លោក ដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុង មានប្រសាសន៍ចង្អុលការក្នុងអង្គសន្និបាត។

យោងតាមប្រសាសន៍របស់អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុង បណ្តាសេចក្តីសម្រេចបទប្បញ្ញតិ សេចក្តីសន្និដ្ឋានរបស់មជ្ឈិមបានដាក់ចេញនូវតម្រូវការយ៉ាងខ្ពស់ចំពោះបក្ខភាគទីក្រុង។ ហេតុដូច្នេះហើយ រាល់គណៈកម្មាធិការបក្សនិងអង្គការបក្ស ត្រូវចាត់តាំងផ្សព្វផ្សាយយ៉ាងហ្មត់ចត់ អនុវត្តប្តូរផ្តាច់និងព្រមៗគ្នា ដើម្បីបង្កឱ្យមានការវិវត្តន៍យ៉ាងច្បាស់ក្រឡែត សម្រេចបាននូវទិសដៅដែលមជ្ឈិមនិងទីក្រុងបានដាក់ចេញ។ ក្រោយអង្គសន្និបាតនេះ គណៈកម្មាធិការបក្ស អង្គការបក្ស ត្រូវចាប់ផ្តើមអនុវត្តភ្លាមដោយស្មារតីប្តេជ្ញាចិត្តខ្ពស់ សកម្មភាពប្តូរផ្តាច់ និងប្រកបដោយប្រសិទ្ធភាពជាក់ស្តែង៕

អាញយុង - វ៉ាន់តឹន

ចែករំលែកអត្ថបទ

ពាក្យគន្លឹះ