តំបន់វាលរាបទន្លេគឺវឡុង ជាតំបន់សេដ្ឋកិច្ចដ៏សំខាន់នៅភាគខាងត្បូង មានសក្តានុពលខ្លាំងលើវិស័យកសិកម្ម និងវារីវប្បកម្ម កំពុងស្ថិតនៅចំពោះមុខនៃការវិវឌ្ឍន៍ជាប្រវត្តិសាស្ត្រ។ ការអនុវត្តគម្រោងផ្លូវល្បឿនលឿនបន្ទាត់ទទឹង បន្ទាត់បណ្តោយ និងការបង្កើនកម្រិតផ្លូវជាតិសំខាន់ៗ មិនត្រឹមតែជាអាទិភាពចម្បងរបស់រដ្ឋាភិបាលប៉ុណ្ណោះទេ នៅទាំងជាបំណងប្រាថ្នារបស់ប្រជាជនរាប់លាននាក់នៅភូមិភាគខាងលិច ដែលចង់បានប្រព័ន្ធដឹកជញ្ជូនមួយដែលព្រមៗគ្នានិងទំនើប។
.webp "យុទ្ធសាស្ត្រលោតផ្លោះហេដ្ឋារចនាសម្ព័ន្ធគមនាគមន៍៖ កម្លាំងចលករអភិវឌ្ឍចីរភាពនៅតំបន់វាលរាបទន្លេគឺវឡុង")
ផ្លូវល្បឿនលឿនកឹងធើ - កាម៉ាវ មានប្រវែងជិត ១១១ គីឡូម៉ែត្រ ទំហំ ៤គន្លង ទទឹងផ្លូវ១៧ ម៉ែត្រ ទុនវិនិយោគ សរុបជាង ២៧.៥០០ ពាន់លានដុង។
ផ្លូវល្បឿនលឿនចូវដុក - កឹងធើ - សុកត្រាំង៖ បន្ទាត់ទទឹងដ៏សំខាន់របស់តំបន់
គម្រោងផ្លូវល្បឿនលឿនចូវដុក - កឹងធើ - សុកត្រាំង (ដំណាក់កាលទី ១) គឺជាសំណង់គមនាគមន៍ដ៏សំខាន់មួយដែលបានរដ្ឋសភាអនុម័តគោលការណ៍វិនិយោគតាមសេចក្តីសម្រេចចិត្តលេខ ៦០/២០២២/QH១៥។ នេះគឺជាខ្សែផ្លូវល្បឿនលឿនបន្ទាត់ទទឹងដំបូងគេបង្អស់នៅភូមិភាគខាងលិច ដែលតភ្ជាប់ច្រកទ្វារអន្តរជាតិ ជាមួយនឹងប្រព័ន្ធកំពង់ផែសមុទ្រ។
គម្រោងនេះមានប្រវែងសរុប ១៨៨,២ គីឡូម៉ែត្រ។ មុនពេលរួមបញ្ចូលព្រំប្រទល់រដ្ឋបាល ខ្សែផ្លូវនេះឆ្លងកាត់ខេត្តក្រុងចំនួន ៤ រួមមាន៖ អាងយ៉ាង ទីក្រុងកឹងធើ ហូវយ៉ាង និងសុកត្រាំង។ បន្ទាប់ពីការរួមបញ្ចូលរដ្ឋបាល គឺឆ្លងកាត់ទីក្រុងកឹងធើ និងខេត្តអានយ៉ាង។ ជាមួយនឹងទុនវិនិយោគសរុប ៤៤.៦៩១ ពាន់លានដុង គម្រោងនេះត្រូវបានបែងចែកជា ៤ គម្រោង សមាសភាព អាស្រ័យភូមិភាគនីមួយៗធ្វើម្ចាស់។ តាមផែនការខ្សែផ្លូវទាំងមូលនឹងសម្រេចជាស្ថាពរនៅឆ្នាំ ២០២៦ និងដាក់ឱ្យដំណើរការជាផ្លូវការនៅឆ្នាំ ២០២៧។ គិតមកទល់ពេលនេះ បរិមាណការងារសាងសង់សម្រេចបានប្រមាណ ៤៩% ដោយឡែកផ្នែកស្ពានសម្រេចបានជាង ៨០% ជាមួយស្ពានចំនួន ១០០ កំពុងសាងសង់ព្រមគ្នា។ កំណាត់ផ្លូវនៅខេត្តអាងយ៉ាង បានឈានដល់ចំណុចរបត់សំខាន់ដោយបានបើកឱ្យចរាចរណ៍បច្ចេកទេសកាលពីចុងឆ្នាំ ២០២៥ កន្លង។
នាយករដ្ឋមន្ត្រី ផាមមិញជិញ បានសង្កត់ធ្ងន់ ត្រូវតែបើកឱ្យចរាចរណ៍បច្ចេកទេសនៅថ្ងៃទី ៣០ ខែមិថុនា ឆ្នាំ ២០២៦។ ដើម្បីសម្រេចបានទិសដៅនេះ បណ្តាក្រុមហ៊ុនម៉ៅការកំពុងរក្សាល្បឿនការងារ “៣ វេន ៤ ក្រុម” ព្រមទាំងដោះស្រាយការលំបាកអំពីប្រភពវត្ថុធាតុដើមខ្សាច់ចាក់បំពេញ។
ចក្ខុវិស័យពង្រីកដល់ ៦ គន្លងផ្លូវ៖
ដើម្បីឆ្លើយតបនឹងតម្រូវការដឹកជញ្ជូនរយៈពេលវែង គណៈកម្មាធិការប្រជាជនទីក្រុងកឹងធើ និងខេត្តអាងយ៉ាង បានស្នើទៅក្រសួងសំណង់នូវវិធានការពង្រីកខ្សែផ្លូវល្បឿនលឿននេះ ឱ្យមានទំហំ ៦ គន្លង បន្ទាប់ពីបញ្ចប់ដំណាក់កាលទី ១។ ទុនវិនិយោគបន្ថែមរំពឹងទុកមានចំនួនជិត ៣០.០០០ ពាន់លានដុង។ ប្រសិនបើបានអនុម័តគម្រោងពង្រីកនេះ នឹងអនុវត្តនីតិវិធីកែសម្រួលនៅត្រីមាសទី ២ ឆ្នាំ ២០២៦ បើកការដ្ឋាននៅដើមឆ្នាំ ២០២៧ និងសម្រេចនៅចុងឆ្នាំ ២០២៩។ ការពង្រីកនេះនឹងបង្កើនទទឹងទ្រូងផ្លូវពី ១៧ ម៉ែត្រ ទៅ ៣២,២៥ ម៉ែត្រ មានគន្លងឈប់បន្ទាន់ជាប់គ្នា ធានាសុវត្ថិភាព និងល្បឿនចរាចរណ៍ល្អបំផុត។
គម្រោងស្ពានដាយង៉ាយ និងការបង្កើនកម្រិត ផ្លូវជាតិលេខ ៦០៖ តភ្ជាប់តំបន់ឆ្នេរសមុទ្រភូមិភាគខាងលិច
ទន្ទឹមនឹងបណ្តាបន្ទាត់ផ្លូវល្បឿនលឿន ការបង្កើនកម្រិតផ្លូវជាតិលេខ ៦០ និងការកសាងស្ពានដាយង៉ាយ គឺជាតំណភ្ជាប់ដែលមិនអាចខ្វះបាន ដើម្បីបង្កើនបណ្តាញផ្លូវគមនាគមន៍តាមតំបន់ឆ្នេរសមុទ្រ។ ផ្លូវជាតិលេខ ៦០ គឺជាខ្សែផ្លូវគមនាគមន៍ “ឆ្អឹងខ្នង” តភ្ជាប់បណ្តាខេត្តជាប់សមុទ្រនៅតំបន់វាលរាបទន្លេគឺវឡុងជាមួយទីក្រុងហូជីមិញ។ នេះគឺជាផ្លូវដែលខ្លីបំផុតសម្រាប់ដឹកជញ្ជូនកសិផល និងជលផលពីខេត្តត្រាវិញ សុកត្រាំង (ចាស់) ទៅកាន់មជ្ឈមណ្ឌលប្រើប្រាស់ធំៗ។ ទោះជាយ៉ាងណាក៏ដោយស្ថានភាពផ្លូវចង្អៀត (មាត់ដប) ដែលមានត្រឹម ២ គន្លងនាពេលបច្ចុប្បន្ន មិនអាចឆ្លើយតបនឹងបរិមាណយានយន្តដែលកើនឡើងជាលំដាប់នោះទេ។
ស្ពានដាយង៉ាយ - និមិត្តរូបនៃការតភ្ជាប់ប្រវត្តិសាស្ត្រ៖
គម្រោងវិនិយោគកសាងស្ពានដាយង៉ាយ លើផ្លូវជាតិលេខ ៦០ គឺជាសំណង់ដ៏សំខាន់ក្នុងគោលបំណងលុបបំបាត់ការបែងចែករវាងខេត្តវិញឡុង និងទីក្រុងកឹងធើ។ ទុនវិនិយោគ សរុបសម្រាប់ដំណាក់កាលទី ១ មានចំនួនជាង ៧.៩៦២ ពាន់លានដុង ពីថវិការដ្ឋ។ ប្រវែងសរុបនៃខ្សែផ្លូវគឺ ២៧,៤៤ គីឡូម៉ែត្រ ក្នុងនោះ ផ្នែកស្ពានមានប្រវែង ៣,៤២ គីឡូម៉ែត្រ (រួមមាន ស្ពានដាយង៉ាយ ១ និងដាយង៉ាយ ២)។ គម្រោងចាប់ផ្តើមអនុវត្តតាំងពីឆ្នាំ២០២៣ រំពឹងថានឹងសម្រេច ហើយដាក់ឱ្យប្រើប្រាស់នៅឆ្នាំ២០២៨។ ការកសាងសម្រេចស្ពានដាយង៉ាយ និងការបង្កើនកម្រិតកំណាត់ផ្លូវជាតិលេខ ៦០ នឹងជួយកាត់បន្ថយចម្ងាយផ្លូវប្រហែល ៧០ គីឡូម៉ែត្រ សម្រាប់ការធ្វើដំណើរពីខេត្តកាម៉ាវ ទៅទីក្រុងហូជីមិញ បើធៀបនឹងការធ្វើដំណើរតាមផ្លូវជាតិលេខ ១ ជួយសន្សំសំចៃថ្លៃដឹកជញ្ជូន និងពេលវេលាយ៉ាងច្រើន។
ទិសដៅតភ្ជាប់បន្ទាត់បណ្តោយផ្លូវល្បឿនលឿន ជើង-ត្បូង
កិច្ចចង្អុលការដ៏ម៉ឺងម៉ាត់បំផុតរបស់នាយករដ្ឋមន្ត្រី គឺត្រូវតែសម្រេចគម្រោងផ្លូវល្បឿនលឿនកឹងធើ - កាម៉ាវ យឺតបំផុតត្រឹមថ្ងៃទី ៣១ ខែមករា ឆ្នាំ ២០២៦ ដែលមានប្រវែងសរុប ១១១ គីឡូម៉ែត្រ ទំហំ ៤ គន្លង ទទឹងមុខកាត់ ១៧ ម៉ែត្រ និងទុនវិនិយោគសរុបជាង ២៧.៥០០ ពាន់លានដុង។ នេះគឺជាបំណែកចុងក្រោយ ដើម្បីតភ្ជាប់ខ្សែផ្លូវល្បឿនលឿន ជើង-ត្បូង ទាំងមូល ចាប់ពីខេត្តឡាងស៊ើង រហូតដល់ចុងប៉ូច កាម៉ាវ។ ការតភ្ជាប់ដោយរលូននេះ នឹងលុបបំបាត់របាំងភូមិសាស្ត្រ បង្កលក្ខណៈងាយស្រួលឱ្យតំបន់វាលរាបទន្លេគឺវឡុង”អភិវឌ្ឍ”។
បើកលំហអភិវឌ្ឍន៍ថ្មី
បណ្តាគម្រោងផ្លូវល្បឿនលឿន និងការបង្កើនកម្រិតហេដ្ឋារចនាសម្ព័ន្ធគមនាគមន៍នៅតំបន់វាលរាបទន្លេគឺវឡុង មិនមែនត្រឹមតែជាផ្លូវបេតុង ឬផ្លូវកៅស៊ូប៉ុណ្ណោះទេ។ វាជាកូនសោ ដើម្បី៖ ធ្វើឱ្យប្រសើរឡើងនូវប្រព័ន្ធឡូជីស្ទីក (Logistics) តភ្ជាប់ដោយផ្ទាល់នូវតំបន់វត្ថុធាតុដើមជាមួយប្រព័ន្ធកំពង់ផែសមុទ្រ (ពិសេសគឺ កំពង់ផែត្រឹងដេ) ជួយកាត់បន្ថយសម្ពាធលើខ្សែផ្លូវនាបច្ចុប្បន្ន និងកាត់បន្ថយថ្លៃដឹកជញ្ជូនទំនិញនាំចេញ។ ទន្ទឹមនឹងនោះ ហេដ្ឋារចនាសម្ព័ន្ធគមនាគមន៍ពេលកសាងរួចនឹងអូសទាញ បណ្តាមណ្ឌលឧស្សាហកម្ម មណ្ឌលទីក្រុង និងសេវាកម្មឱ្យរីកចម្រើនតាម បង្កបានជាមូលនិធិដី និងលំហសេដ្ឋកិច្ចថ្មីសម្រាប់ភូមិភាគនានាដូចជា អាងយ៉ាង វិញឡុង និងទីក្រុងកឹងធើ។
ការវិនិយោគលើហេដ្ឋារចនាសម្ព័ន្ធគមនាគមន៍តភ្ជាប់តំបន់ បង្កការប្រទាក់ក្រឡាគ្នាយ៉ាងជិតស្និទ្ធរវាងបន្ទាត់ទទឹង (ចូវដុក - កឹងធើ - សុកត្រាំង) និងបន្ទាត់បណ្តោយ (កឹងធើ - កាម៉ាវ) ជួយឱ្យការធ្វើពាណិជ្ជកម្មរវាងបណ្តាខេត្តក្នុងតំបន់ និងជាមួយទីក្រុងហូជីមិញ កាន់តែមានភាពងាយស្រួលជាងពេលណាៗទាំងអស់។ ជាមួយនឹងការវិនិយោគថវិកាដ៏ច្រើនរហូតដល់រាប់រយពាន់លានដុង និងកិច្ចចង្អុលការដ៏ម៉ឺងម៉ាត់ ពីមជ្ឈិមរហូតដល់ភូមិភាគ រូបភាពផ្លូវគមនា គមន៍នៃតំបន់វាលរាបទន្លេគឺវឡុងកំពុងតែលេច រូបរាងឡើងជាសន្សឹមៗ។ ខ្សែផ្លូវល្បឿនលឿន ទំនើបៗ និងស្ពានធំៗឆ្លងកាត់ទន្លេ មិនត្រឹមតែជួយកាត់បន្ថយចម្ងាយភូមិសាស្ត្រប៉ុណ្ណោះទេ នៅទាំងជួយបើកចរន្តសេដ្ឋកិច្ច ញ៉ាំងភូមិភាគខាងលិចក្លាយជាតំបន់ដែលមានភាពរស់រវើក សម្បូរសប្បាយនិងអភិវឌ្ឍប្រកបដោយចីរភាព ក្នុងពេលដ៏ខ្លីខាងមុខផង៕
អត្ថបទ៖សុផន
នាយក៖ ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
ពាក្យគន្លឹះ