នៅថ្ងៃទី ២៨ ខែមករា នៅប៉ុស្តិ៍ការពារព្រំដែនអាងថាញ់បា គណៈបញ្ជាការកងទ័ពការពារព្រំដែនទីក្រុងកឹងធើ បានចាត់តាំងកម្មវិធី "និទាឃរដូវកក់ក្តៅទឹកចិត្តអ្នកភូមិ" ឆ្នាំ២០២៦។ នេះគឺជាអង្គភាពទី២ ដែលបានជ្រើសរើសឱ្យចាត់តាំងមុនគេ ព្រឹត្តិការណ៍សកម្មភាពបុណ្យចូលឆ្នាំកងទ័ព-ប្រជាជន ឆ្នាំ ២០២៦ របស់ទីក្រុង។

អញ្ជើញចូលរួមមានសមមិត្ត ឧត្តមសេនីយ៍ត្រី ត្រឹងង៉ុកហ៊ឺវ មេបញ្ជាការរងកងទ័ពការពារព្រំដែន សមមិត្ត ង្វៀងវ៉ាំងខើយ អនុប្រធានគណៈកម្មាធិការប្រជាជនទីក្រុងកឹងធើ តំណាងថ្នាក់ដឹកនាំមន្ទីរ គណៈ ផ្នែកនិងប្រជាជនយ៉ាងច្រើននៅលើភូមិឋានឃុំកូវឡាវយុង។

សម្តែងសិល្បៈអបអរសាទរកម្មវិធី

នៅក្នុងកម្មវិធីនេះ គណៈចាត់តាំងបានប្រគល់ផ្ទះមហាសាមគ្គី ១០ ខ្នង សំណង់ផ្គត់ផ្គង់ទឹកស្អាត សំណង់សាងសង់ស្ពានជនបទ ជូនអំណោយ ១០០ ចំណែក ដល់គ្រួសារគោលនយោបាយ គ្រួសារក្រីក្រលើភូមិឋានឃុំ ជូនអាហារូបករណ៍ ៤០ ចំណែក ដល់សិស្សានុសិស្សដែលមានស្ថានភាពលំបាក ដាក់តាំងល្វែងទំនិញសូន្យដុង ព្រមទាំងពិនិត្យជំងឺនិងផ្តល់ថ្នាំពេទ្យដោយឥតគិតថ្លៃដល់ប្រជាជន គិតជាទឹកប្រាក់ជាង១,១ពាន់លានដុង។

ឧត្តមសេនីយ៍ត្រី ត្រឹងង៉ុកហ៊ឺវ មេបញ្ចាការរងកងទ័ពការពារព្រំដែន និងលោកង្វៀងវ៉ាំងខើយ អនុប្រធានគណៈកម្មាធិការប្រជាជនទីក្រុងកឹងធើ ជូនអំណោយដល់គ្រួសារក្រីក្រ។

ទន្ទឹមនឹងនោះ កម្មវិធីនៅទាំងចាត់តាំងសកម្មភាពដោះដូរការប្រកួតកីឡាអប់រំកាយ វេចនំអន្សំជ្រូក ចាត់តាំងល្បែងប្រជាប្រិយ សម្តែងសិល្បៈ  ល្វែងទំនិញ "សូន្យដុង" "កន្ត្រៃព្រំដែន" ។ល។ សកម្មភាពទាំងនេះ បង្ករបរិយាកាសសប្បាយរីករាយ សាមគ្គី បន្សល់នូវចំណាប់អារម្មណ៍ដ៏ល្អក្នុងទឹកចិត្តប្រជាជននៅតំបន់ព្រំដែន។

កម្មវិធី "និទាឃរដូវកក់ក្តៅទឹកចិត្តអ្នកភូមិ" គឺជាការចែករំលែកដោយស្មោះត្រង់ បង្ហាញពីមនោសញ្ចេតនានិងការទទួលខុសត្រូវរបស់កម្មាភិបាល យុទ្ធជនកងទ័ពការពារព្រំដែនក្នុងការគិតគូរជីវភាពប្រជាជននៅតំបន់ព្រំដែន។ តាមរយៈនោះ រួមចំណែកពង្រឹងកម្លាំងផែនមហាសាមគ្គីទូទាំងជនជាតិ បញ្ជាក់ពីតម្លៃវប្បធម៌ប្រពៃណីដ៏ច្លៃថ្នូររបស់ប្រជាជាតិយើង គឺជាមនុស្សធម៌ មនោសញ្ចេតនា គុណសម្បត្តិដ៏ថ្លៃថ្នូររបស់ "កងទ័ពអ៊ំហូ" ពូនជ្រំបន្ថែមនូវទំនុកចិត្ត ឆន្ទៈប្តេជ្ញាចិត្តរបស់កងទ័ពនិងប្រជាជនក្នុងបុព្វហេតុកសាងនិងការពាររឹងមាំអធិបតេយ្យដែនដី សន្តិសុខព្រំដែនជាតិ។

ជាច្រើនឆ្នាំកន្លង កម្មវិធី "និទាឃរដូវកក់ក្តៅទឹកចិត្តអ្នកភូមិ" កងទ័ពការពារព្រំដែនទីក្រុង បានសហការប្រគល់ផ្ទះមហាសាមគ្គី ៩៤ ខ្នង (មួយខ្នងគិតជាទឹកប្រាក់ ៦០ លានដុង) ជូនផ្ទះដល់សិស្សសង្វាតរៀនសូត្រ ៣ ខ្នង (មួយខ្នងគិតជាទឹកប្រាក់ ៥០ លានដុង) ជូនអំណាយ ៥.២៦៩ ចំណែក ដល់គ្រួសារគោលនយោបាយ គ្រួសារក្រីក្រ ជូនអាហារូបករណ៍ ៨៦១ ចំណែកនិងកង់ ១១៤ គ្រឿងដល់សិស្ស គិតជាទឹកប្រាក់សរុប ៧,៣ ពាន់លានដុង។

ថ្លែងការណ៍នៅក្នុងកម្មវិធី សមមិត្ត ង្វៀងវ៉ាំងខើយ អនុប្រធានគណៈកម្មាធិការប្រជាជនទីក្រុងកឹងធើ ឱ្យដឹង៖ ឱកាសបុណ្យចូលឆ្នាំថ្មីម្តងៗ និទាឃរដូវចូលមក កម្មវិធី "និទាឃរដូវកក់ក្តៅទឹកចិត្តអ្នកភូមិ" របស់កងទ័ពការពារព្រំដែនទីក្រុង បានចាត់តាំងនូវសកម្មភាពជាក់ស្តែងជាច្រើន មានអត្ថន័យ ជិតស្និទនឹងជនរួមជាតិបណ្តាជនជាតិ បន្តប្រវេណី "ផឹកទឹកនឹកប្រភព" "ជួយគ្នាទៅវិញទៅមក" "ស្លឹកជាពាសស្លឹកដាច់" ។ កម្មវិធីនេះគឺបញ្ជាក់ពីភាពរស់រវើកអំពីមនោសញ្ចេតនារវាងកងទ័ពនិងប្រជាជន អំពីការយកចិត្តទុកដាក់គិតគូរជីវភាពរបស់កម្មាភិបាល យុទ្ធជនកងទ័ពការពារព្រំដែន និងគណៈកម្មាធិការបក្ស រដ្ឋអំណាចគ្រប់លំដាប់ថ្នាក់ ដល់ប្រជាជននៅតំបន់ព្រំដែនសមុទ្ររបស់ទីក្រុងក្នុងឱកាសបុណ្យចូលឆ្នាំវៀតណាម។

តំណាងថ្នាក់ដឹកនាំកាត់ខ្សែបូសម្ពោធស្តូបរូបសំណាក "អ៊ំហូជាមួយយុទ្ធជនការពារព្រំដែន"។

ស្របក្នុងឱកាសនេះដែរ គណៈបញ្ជាការកងទ័ពការពារព្រំដែនទីក្រុងកឹងធើ ធ្វើពិធីកាត់ខ្សែបូសម្តោធស្តូបរូបសំណាក "អ៊ំហូជាមួយយុទ្ធជនការពារព្រំដែន" ដែលមានទីតាំងនៅក្នុងបរិវេណប៉ុស្តិ៍ការពារព្រំដែនអាងថាញ់បា៕

យ្វីអាញ-មុនី