មហាសាមគ្គីជនជាតិ ភូមិស្រុកផ្លាស់ថ្មី

10/12/2025 - 06:57

ចលនាកសិករផលិតនិងធ្វើអាជីវកម្មពូកែ រួមចំណែកអភិវឌ្ឍន៍សេដ្ឋកិច្ចនៅភូមិភាគ

ជាច្រើនឆ្នាំកន្លង ចលនាកសិករផលិតនិងធ្វើអាជីវកម្មពូកែ នៅឃុំចូវថាញ់ ខេត្តវិញឡុង តែងរក្សាខ្ជាប់ និងក្លាយជាកម្លាំងដ៏សំខាន់ ជំរុញផលិតកសិកម្មនិងអភិវឌ្ឍន៍សេដ្ឋកិច្ចរបស់ភូមិភាគ។

បងស្រីគឺមធីសល់ ប្រពន្ធបងថាយខេមរា ឧទ្ទេសនាមនូវពូជដូងម៉ាឡេស៊ី។

លោកថាច់សារី ប្រធានសមាគមកសិករឃុំចូវថាញ់ ឱ្យដឹង៖ “ចាប់តាំងពីដើមឆ្នាំ សមាគមនិងសាខាសមាគមបានសកម្មបំផុសចលនាប្រឡងប្រណាំងបង្កលក្ខណៈឱ្យសមាជិកចូលរួម។ គោលការណ៍ គោលនយោបាយអំពីអភិវឌ្ឍន៍កសិកម្មនិងជនបទ បានជួយឱ្យកសិករមោះមុតពង្រីកការវិនិយោគ អនុវត្តវិទ្យាសាស្ត្របច្ចេកវិទ្យាតាមទិសដៅអេកូឡូស៊ីសរីរាង្គនិងដាំដុះវិលជុំ។ ប្រភពទុនឧបត្ថម្ភបានរំសាយពីធនាគារទាន់ពេល ដើម្បីប្រជាជនកសាងទម្រង់ពង្រីកទ្រង់ទ្រាយផលិត បង្កើតការងារធ្វើ បង្កើនប្រាក់ចំណូល។ ប្រាក់ចំណូលមធ្យមភាគលើមនុស្សម្នាក់របស់ឃុំសម្រេចបាន ៧១,៩៣លានដុងក្នុងមួយឆ្នាំស្មើនឹង១០២,០២% នៃផែនការ; សេដ្ឋកិច្ចឃុំបានស្តារឡើងវិញល្អ ល្បឿនកំណើនមធ្យមភាគ៨,៨៦% ក្នុងមួយឆ្នាំ”។

អនុវត្តចលនា “កសិករប្រឡងប្រណាំងផលិតនិងធ្វើអាជីវកម្មពូកែ កសាងជនបទថ្មីនិងទីក្រុងស៊ីវិល័យ” ដំណាក់កាល២០២០-២០២៥ ទូទាំងឃុំមានគ្រួសារចំនួន៣.០១៦ បានចុះឈ្មោះប្រឡងប្រណាំងសម្រេច ៦០,២៥% ។ លទ្ធផលជ្រើសរើស មានគ្រួសារចំនួន១.៦៦៧ បានសម្រេចកិត្តិនាមជាកសិករផលិតនិងធ្វើអាជីកម្មពូកែគ្រប់លំដាប់ថ្នាក់ ស្រូបអត្រា៥៥,២៧% ។ ផ្តើមពីចលនានេះ បានរកឃើញកសិករគំរូប្រមាណ២៥នាក់ ហ៊ានគិត ហ៊ានធ្វើ ហ៊ានអនុវត្តវិទ្យាសាស្រ្តបច្ចេកទេសក្នុងការផលិត បង្កើតជាទម្រង់សេដ្ឋកិច្ចគ្រួសារ ជាកសិដ្ឋាននិងក្រុមសហការចងសម្ព័ន្ធផលិត បាននាំមកនូវប្រសិទ្ធភាពខ្ពស់ មានគ្រួសារជាច្រើនរកបានប្រាក់ចំណេញពី២៥០លានដុងឡើងទៅក្នុងមួយឆ្នាំ។

ទន្ទឹមនឹងនោះ សមាគមកសិករឃុំនៅទាំងចលនាសមាជិកពង្រីកស្មារតីជួយគ្នាទៅវិញទៅមក លើពូជដំណាំ សត្វចិញ្ចឹម ដូចជាស្រូវពូជ ជីពូជ កង្កែប មាន់ ទុនបង្វិលជុំកម្លាំងពលកម្មនិងបច្ចេកទេសផលិត។ អាស្រ័យហេតុនោះ ដំណាក់កាល២០២០-២០២៥ ឃុំបានជួយសមាជិក១២១នាក់ចាកផុតពីភាពក្រីក្រ សម្រេច១០០%ភាគកម្រិតនៃសេចក្តីសម្រេចចិត្ត និងជំនួយគ្រួសារក្បែរក្រ ២១៥ គ្រួសារ។ បច្ចុប្បន្ន ទូទាំងឃុំនៅមានគ្រួសារក្រីក្រចំនួន១៣៤ ស្រូបអត្រា១,២៣% ឆ្នាំ២០២៥ (ក្នុងនោះ គ្រួសារស្ថិតក្នុងក្របខ័ណ្ឌគាំពារសង្គម១០១ គ្រួសារ)។

ជាបុគ្គលគំរូម្នាក់ក្នុងចំណោមបុគ្គលគំរូលេចធ្លោជាច្រើន នោះគឺបងថាយខេមរា នៅភូមិត្រោកកើត។ គ្រួសារគាត់មានផ្ទៃដីដាំដូងម៉ាឡេស៊ីជាង១៥កុង។ ដោយសារអនុវត្តល្អបច្ចេកទេសថែទាំ ទើបដំណាំដូងលូតលាស់ល្អ ផ្លែច្រើន ក្រោយពីទូទាត់រួចនៅចំណេញ២៥០លានដុងក្នុងមួយឆ្នាំ។ បច្ចុប្បន្នតម្លៃលក់ដូងនៅនឹងចម្ការមួយផ្លែ៥.០០០ដុង; បើនាំទៅដល់ហាងកាហ្វេនៅឃុំមួយផ្លែមានតម្លៃ៨.០០០ដុង។ ដំណាំដូងផ្តល់ផ្លែជុំឆ្នាំ ម្ល៉ោះហើយមានប្រាក់ចំណូលលំនឹង។ ក្រៅពីនោះ គ្រួសារគាត់ថែមទាំងដាំស្លឹកតើយ ស្នោព្រលឹត។ល។ រកបានប្រាក់ចំណេញជាង៣០លានដុងក្នុងមួយឆ្នាំ។

ចលនាកសិករផលិតនិងធ្វើអាជីវកម្មពូកែនៅឃុំចូវថាញ់ មិនត្រឹមតែរួមចំណែកអភិវឌ្ឍន៍សេដ្ឋកិច្ចប៉ុណ្ណោះទេ ថែមទាំងប្រមូលផ្តុំនិងទាក់ទាញកសិករចូលរួមសមាគមកសិករពីមួយថ្ងៃទៅមួយថ្ងៃកាន់តែច្រើនឡើងទៀតផង៕

សើុងម៉ាល័យ-វិមាន

ចែករំលែកអត្ថបទ

ពាក្យគន្លឹះ