ព្រឹត្តិការណ៍ - នយោបាយ ព្រឹត្តិការណ៍

08/12/2025 - 20:53

ទីក្រុងកឹងធើ ផ្សព្វផ្សាយសេចក្តីសម្រេចអំពីការងារតែងតាំងកម្មាភិបាល

ប្រធានគណៈកម្មាធិការប្រជាជនទីក្រុងកឹងធើ បានតែងតាំងលោក ឡេទ្រុងង្វៀន លេខាគណៈកម្មាធិការបក្ស ប្រធានក្រុមប្រឹក្សាប្រជាជនឃុំកូឡាវយុង កាន់តំណែងជាប្រធានអធិការកិច្ចទីក្រុងកឹងធើ; តែងតាំងលោក ឡេថាញតឹម អតីតនាយកមន្ទីរហិរញ្ញវត្ថុក្រុងកឹងធើ (ចាស់) កាន់តំណែងជានាយកមន្ទីរហិរញ្ញវត្ថុទីក្រុងកឹងធើ។

ថ្ងៃទី៨ ខែធ្នូ លោកង្វៀងវ៉ាំងហ្វា អនុប្រធានគណៈកម្មាធិការប្រជាជនទីក្រុងកឹងធើ ដឹកនាំកិច្ចប្រជុំផ្សព្វផ្សាយការងារតែងតាំងកម្មាភិបាល។ ថ្នាក់ដឹកនាំគណៈចាត់តាំងនៃគណៈកម្មាធិការបក្សទីក្រុង គណៈកម្មាធិការបក្សនៃគណៈកម្មាធិការប្រជាជនទីក្រុង និងមន្ទីរ ផ្នែក ភូមិភាគទទួលកម្មាភិបាលអញ្ជើញចូលរួមកិច្ចប្រជុំ។

លោកង្វៀងវ៉ាំងហ្វា (ទី៤ រាប់ស្ដាំ) អនុប្រធានគណៈកម្មាធិការប្រជាជនទីក្រុងកឹងធើ និងថ្នាក់ដឹកនាំគណៈកម្មាធិការបក្សនៃគណៈកម្មាធិការប្រជាជនទីក្រុង ជូនសេចក្ដីសម្រេចដល់កម្មាភិបាលដែលទទួលការតែងតាំង។

ក្នុងកិច្ចប្រជុំ ថ្នាក់ដឹកនាំមន្ទីរមហាផ្ទៃប្រកាសសេចក្ដីសម្រេចរបស់ប្រធានគណៈកម្មាធិការប្រជាជនទីក្រុងកឹងធើ អំពីការងារតែងតាំងកម្មាភិបាល ជាក់ស្ដែង÷

- សេចក្ដីសម្រេចលេខ ២៧១៩/QĐ-UBND ទទួលនិងតែងតាំងលោក ឡេទ្រុងង្វៀន លេខាគណៈកម្មាធិការបក្ស ប្រធានក្រុមប្រឹក្សាប្រជាជនឃុំកូឡាវយុង កាន់តំណែងជាប្រធានអធិការកិច្ចទីក្រុងកឹងធើ;

- សេចក្ដីសម្រេចលេខ ២៨៧៩/QĐ-UBND តែងតាំងលោក ឡេថាញតឹម អតីតនាយកមន្ទីរហិរញ្ញវត្ថុក្រុងកឹងធើ (ចាស់) កាន់តំណែងជានាយកមន្ទីរហិរញ្ញវត្ថុទីក្រុងកឹងធើ;

- សេចក្ដីសម្រេចលេខ ២៦៧៨/QĐ-UBND ទទួលនិងតែងតាំងលោក លីហ្វាងផុង ប្រធានការិយាល័យគ្រប់គ្រងអន្តោប្រវេសន៍ នគរបាលទីក្រុងកឹងធើ នាយកនគរបាលចាត់បញ្ជូនបណ្ដោះអាសន្ន កាន់តំណែងជានាយករងមន្ទីរកិច្ចការបរទេស;

- សេចក្ដីសម្រេចលេខ ២៧៣៩/QĐ-UBND ប្រគល់តួនាទីជានាយកស្ដីទី សាលាអនុមហាវិទ្យាល័យសេដ្ឋកិច្ច - បច្ចេកវិទ្យាកឹងធើដល់លោក ឡេហ្វាងថាញ នាយករងសាលាអនុមហាវិទ្យាល័យសេដ្ឋកិច្ច - បច្ចេកវិទ្យាកឹងធើ ចាប់ពីថ្ងៃទី១ ខែធ្នូ ឆ្នាំ២០២៥ រហូតដល់ដំណាក់កាលរៀបចំមុខតំណែងនាយកសាលាឡើងវិញ;

- សេចក្ដីសម្រេចលេខ ២៧១៨/QĐ-UBND ទទួលនិងតែងតាំងលោក ហ្វិញត្រុងទ្រឺ លេខាគណៈកម្មាធិការបក្ស ប្រធានក្រុមប្រឹក្សាប្រជាជនសង្កាត់កៃខេ កាន់តំណែងជាអនុប្រធាននាយកដ្ឋានវិទ្យាស្ថានសេដ្ឋកិច្ច - សង្គមទីក្រុងកឹងធើ;

- សេចក្ដីសម្រេចលេខ ២៧១៧/QĐ-UBND ប្ដូរការងារសម្រាប់លោក វ៉មិញកាញ់ អនុប្រធាននាយកដ្ឋានវិទ្យាស្ថានសេដ្ឋកិច្ច - សង្គមទីក្រុងកឹងធើ ទៅសហព័ន្ធសហករណ៍ទីក្រុងកឹងធើ យោងតាមគម្រោងលេខ ០៣ PA/ĐU ចុះថ្ងៃទី៣១-១០-២០២៥ របស់គណៈកម្មាធិការបក្សនៃគណៈកម្មាធិការរណសិរ្សមាតុភូមិវៀតណាមទីក្រុង។

មានប្រសាសន៍ក្នុងកិច្ចប្រជុំ លោកង្វៀងវ៉ាំងហ្វា អនុប្រធានគណៈកម្មាធិការប្រជាជនទីក្រុងកឹងធើ បានជូនពរដល់កម្មាភិបាលដែលទទួលបានការជឿជាក់ ផ្ដល់ទំនុកចិត្តប្រគល់ភារកិច្ចថ្មី។ ទន្ទឹមនឹងនោះ សំណូមពរដល់ស្ថាប័ន អង្គភាពដែលទទួលកម្មាភិបាល បន្តពង្រីកស្មារតីសាមគ្គី បង្កលក្ខណៈជួយដល់កម្មាភិបាលដែលទើបទទួលតែងតាំង អនុវត្តសម្រេចភារកិច្ចដែលបានប្រគល់ជូន។ សម្រាប់កម្មាភិបាលដែលបានទទួលការតែងតាំង ចំពោះមុខតួនាទីការងារថ្មី គប្បីបញ្ចេញអស់ពីសមត្ថភាពនូវបទពិសោធន៍មុខជំនាញ ក្តាប់ស្ថានភាពស្ថាប័ន អង្គភាពថ្មីឱ្យបានលឿន រួមជាមួយនឹងសមូហភាពស្ថាប័ន អង្គភាពថ្មី កសាងស្ថាប័ន អង្គភាពឱ្យក្លាយជាស្ថាប័ន អង្គភាពស្អាតស្អំ រឹងមាំ ដំណើរការប្រកបដោយសុពលភាព ប្រសិទ្ធភាព ដើម្បីសម្រេចឆ្នើមភារកិច្ចដែលថ្នាក់ដឹកនាំក្រុងប្រគល់ជូន៕

ប្រភព÷ baocantho.com.vn - ពេជ្រសឿន

ចែករំលែកអត្ថបទ

ពាក្យគន្លឹះ