សន្តិសុខ - ការពារប្រទេស ការពារប្រទេស

06/11/2025 - 05:37

រក្សាភាពសុខសាន្តនៅតំបន់ព្រំដែនសមុទ្រ

រយៈពេលកន្លង ប៉ុស្តិ៍ការពារព្រំដែនចំណុះកងទ័ពការពារព្រំដែនកាម៉ាវ តែងអនុវត្តល្អភារកិច្ចការពាររឹងមាំអធិបតេយ្យភាព សន្តិសុខព្រំដែនសមុទ្ររបស់ខេត្ត។

កម្មាភិបាលប៉ុស្តិ៍ការពារព្រំដែនកោះហងជោយ ពិនិត្យសុខភាពអ្នកនេសាទរងគ្រោះ។

តាមប្រសាសន៍វរសេនីយ៍ឯកបម្រុង ដងកុងង៉េប ប្រធានប៉ុស្តិ៍ការពារព្រំដែនកោះហងជោយ កងទ័ពការពារព្រំដែនកាម៉ាវថ្មីៗនេះអង្គភាពទើបចាត់កម្មាភិបាល យុទ្ធជន និងមធ្យោបាយជួយសង្រ្គោះនាវិកកប៉ាល់នេសាទដែលលិចនៅផ្ទៃសមុទ្រនាំចូលកាន់ច្រាំងដោយសុវត្ថិភាព ធានាអាយុជីវិតនិងទ្រព្យសម្បត្តិរបស់អ្នកនេសាទ។ តាមរយៈនោះ ពេលបានទទួលដំណឹងរបស់លោកហូវុាំង នៅឃុំតឹងធ្វី ខេត្តវិញឡុង ម្ចាស់កប៉ាល់នេសាទពាក់ស្លាក BT ៩៣១៨៥ TS ដែលលោកហ្វិញថាយបាវ ជាប្រធានក្រុមនាវិក ហើយនៅលើកប៉ាល់មាននាវិក ២ នាក់ទៀត ប្រកបរបរអូសសំណាញ់។ កប៉ាល់នេសាទចេញពីកំពង់ផែច្រកសមុទ្រសុងដុក ឃុំសុងដុក ខេត្តកាម៉ាវ កំពុងធ្វើនេសាទនៅចម្ងាយពីកោះហងជោយប្រមាណ ៣ គាវុត នៅទិសអាគ្នេយ៍ក៏ត្រូវរលកវាយលិច។ ខណៈនោះ មានកប៉ាល់ BT ៩២៦៣៧ TS កំពុងនេសាទនៅក្បែរនោះ ក៏បានជួយសង្គ្រោះនាវិកដោយសុវត្ថិភាព ចំណែកកប៉ាល់នេសាទត្រូវលិច។

ភ្លាមៗនោះ ប៉ុស្តិ៍ការពារព្រំដែនកោះហងជោយ បានចាត់កម្មាភិបាល យុទ្ធជន ១០ នាក់ ប្រើប្រាស់មធ្យោបាយរបស់អង្គភាពនិងកំណែនកប៉ាល់នេសាទ CM ០២៨៥០ TS របស់លោកឡេវុាំងកាត់ នៅឃុំសុងដុក ខេត្តកាម៉ាវ ចេញទៅសមុទ្រជួយសង្គ្រោះបន្ទាន់។ ដោយសាររលកធំ ខ្យល់ខ្លាំង ក្រោយពីខិតខំប្រឹងប្រែងជាច្រើនថ្ងៃ កម្មាភិបាល យុទ្ធជនការពារព្រំដែន បានជួយអូសកប៉ាល់នេសាទជួបគ្រោះថ្នាក់ និងនាំអ្នកនេសាទចូលកាន់កោះហងជោយដោយសុវត្ថិភាព។

ទន្ទឹមនឹងនោះ ប៉ុស្តិ៍ការពារព្រំដែនក្នុងខេត្ត នៅទាំងចាត់តាំងល្បាតត្រួតពិនិត្យជាប្រចាំ ដើម្បីធានាសន្តិសុខនៅតំបន់ព្រំដែនសមុទ្រ។ ថ្មីៗនេះ ខណៈពេលកំពុងដើរល្បាតការពារអធិបតេយ្យ សន្តិសុខតំបន់ព្រំដែន ប៉ុស្តិ៍ការពារព្រំដែនញ៉ាម៉ាក សង្កាត់ហ៊ីបថាញ់ បានប្រទះឃើញយុវជន ពីរនាក់កំពុងលួចកាត់ខ្សែស្ពាន់ទួរប៊ីនវាយោអគ្គិសនី។ ឆ្លងតាមរយៈពិនិត្យបញ្ជាក់មុខសញ្ញាទាំងពីរនាក់នោះគឺ ទ្រឿងវុាំងថាំង និងលីហុងធឿង ទាំងពីរនាក់ស្នាក់នៅអនុសង្កាត់បៀងដុង A សង្កាត់ហ៊ីបថាញ់។ វត្ថុតាងរឹបអូសបាននៅកន្លែងកើតហេតុ រួមមានខ្សែអគ្គិសនីស្ពាន់ទម្ងន់ ៣,៥ គីឡូក្រាម។ បច្ចុប្បន្ន ប៉ុស្តិ៍ការពារព្រំដែនញ៉ាម៉ាកបានបំពេញបែបបទប្រគល់ឱ្យនគរបាល បន្តវិនិច្ឆ័យតាមច្បាប់។

វរសេនីយ៍ត្រី ឡេវុាំងហ្វិញ ស្នងការនយោបាយ អនុប្រធានប៉ុស្តិ៍ការពារព្រំដែនញ៉ាម៉ាក ឱ្យដឹង៖ “ទង្វើបំផ្លិចបំផ្លាញទ្រព្យសម្បត្តិសំណង់វាយោអគ្គិសនី ដែលជាសំណង់ថាមពលដ៏សំខាន់របស់ជាតិ មិនត្រឹមតែធ្វើឱ្យខាតបង់សេដ្ឋកិច្ច និងផ្តល់ផលប៉ះពាល់ដល់ដំណើរការនៃប្រព័ន្ធអគ្គិសនីប៉ុណ្ណោះទេ ថែមទាំងបង្កប់ហានិភ័យបាត់សុវត្ថិភាពដល់បណ្តាញអគ្គិសនី និងល្មើសច្បាប់ដ៏ធ្ងន់ធ្ងរទៀតផង។ ព្រោះហេតុនោះ ប្រជាជនគប្បីលើកកម្ពស់ស្មារតីការពារទ្រព្យសម្បត្តិរួម ពេលប្រទះឃើញទង្វើបំផ្លិចបំផ្លាញសំណង់ គប្បីជូនដំណឹងជាបន្ទាន់ដល់ស្ថាប័នសមត្ថកិច្ច ដើម្បីវិនិច្ឆ័យបានទាន់ពេល”៕

យ្វីអាញ-វិមាន

ចែករំលែកអត្ថបទ

ពាក្យគន្លឹះ