គោលនយោបាយ -ការរស់នៅ ច្បាប់

06/05/2025 - 07:52

តើអ្នកណាខ្លះត្រូវប្តូរអត្តសញ្ញាណប័ណ្ណក្នុងឆ្នាំ ២០២៥ ?

តាមមាត្រា ២១ នៃច្បាប់អត្តសញ្ញាណប័ណ្ណ ឆ្នាំ ២០២៣ មានចែងអំពីកម្រិតអាយុត្រូវប្តូរអត្តសញ្ញាណប័ណ្ណ ជាក់ស្ដែងដូច៖

រូបថតជាឧទាហរណ៍។

- ពលរដ្ឋវៀតណាមដែលបានផ្តល់អត្តសញ្ញាណប័ណ្ណត្រូវអនុវត្តបែបបទប្តូរអត្តសញ្ញាណប័ណ្ណនៅពេលគម្រប់អាយុ ១៤, ២៥, ៤០ និង៦០ ឆ្នាំ។

- អត្តសញ្ញាណប័ណ្ណដែលត្រូវបានផ្ដល់ប្តូរ ឬផ្ដល់ឡើងវិញក្នុងរយៈពេល ០២ ឆ្នាំ មុនអាយុកំណត់ដែលត្រូវប្តូរ គឺមានសុពលភាពរហូតដល់គ្រប់អាយុត្រូវប្តូរលើកបន្ទាប់ទៀត។

នេះមានន័យថា នៅឆ្នាំ ២០២៥ អ្នកដែលកើតឆ្នាំ ២០០០ (អាយុ ២៥ ឆ្នាំ) ឆ្នាំ ១៩៨៥ (អាយុ ៤០ ឆ្នាំ) និង១៩៦៥ (អាយុ ៦០ ឆ្នាំ) នឹងឈានដល់ដំណាក់កាលគ្រប់អាយុត្រូវប្តូរអត្តសញ្ញាណប័ណ្ណ។ ប្រសិនបើមិនទៅប្តូរទេ ពួកគាត់អាចនឹងត្រូវពិន័យរដ្ឋបាលជាទឹកប្រាក់ចាប់ពី ៣០០.០០០- ៥០០.០០០ ដុង (ចំណុច b ប្រការ ១ មាត្រា ១០ អនុក្រឹត្យលេខ១៤៤/២០២១/NĐ-CP)។

នៅពេលប្តូរអត្តសញ្ញាណប័ណ្ណ ប្រជាពលរដ្ឋ ត្រូវធ្វើបច្ចុប្បន្នភាពព័ត៌មាន ប្រសិនបើមានការប្តូរសៀវភៅគ្រួសារ ទីលំនៅ ឬព័ត៌មានផ្ទាល់ខ្លួន។ ប្រការនេះជួយធានាព័ត៌មានក្នុងប្រព័ន្ធបានជាក់លាក់ និងជៀសវាងបញ្ហាផ្លូវច្បាប់ដែលទាក់ទងនឹងអត្តសញ្ញាណប័ណ្ណមិនស្របច្បាប់។

ច្បាប់អត្តសញ្ញាណប័ណ្ណថ្មី ក៏មានកំណត់ពីការកែសម្រួលមួយចំនួនអំពីវិធីសាស្ត្រផ្តល់និងគ្រប់គ្រងអត្តសញ្ញាណប័ណ្ណ ក្នុងនោះ មានទាំងការភ្ជាប់ប័ណ្ណជាមួយនឹងព័ត៌មានផ្សេងៗជាច្រើន ដូចជាលេខអត្តសញ្ញាណផ្ទាល់ខ្លួន និងទិន្នន័យប្រជាជន។

ការប្រើប្រាស់អត្តសញ្ញាណប័ណ្ណក្នុងការដោះដូរប្រចាំថ្ងៃ រួមទាំងធនាគារ សុខាភិបាល និងដោះដូររដ្ឋបាលសាធារណៈ នឹងកាន់តែមានសារៈសំខាន់ជាងនៅពេលប្រព័ន្ធអត្តសញ្ញាណប័ណ្ណឌីជីថលត្រូវបានដាក់ឱ្យប្រើប្រាស់ទូលំទូលាយ៕

ប្រភពៈ PLO-មេងលី

ចែករំលែកអត្ថបទ

ពាក្យគន្លឹះ