សុខភាព - អប់រំ សុខភាព

06/01/2025 - 16:04

ការព្យាករណ៍ជំងឺគ្រុនឈាម ពងបែកដៃជើងមាត់ កញ្ជ្រឹលនឹងកើនឡើង

ក្រុងកឹងធើ ទើបរៀបចំសន្និសីទបង្ការ ទប់ស្កាត់ជំងឺនៅភាគខាងត្បូង។ តាមក្រុមអ្នកឯកទេស ឆ្នាំ ២០២៤ នៅភាគខាងត្បូង មិនកើតមានជំងឺរាតត្បាតផ្ទួនៗនោះទេ។ ថ្វីដ្បិតដូច្នោះក្តី មានការព្យាករណ៍ជំងឺកញ្ជ្រឹលនៅតែបន្តមានភាពស្មុគស្មាញ; ជំងឺគ្រុនឈាម និងជំងឺពងបែកដៃ ជើង មាត់ មានហានិភ័យកើនឡើង។

កម្មាភិបាលពេទ្យចាក់វ៉ាក់សាំងបង្ការជំងឺកញ្ជ្រឹលដល់កុមារ។

កើនឡើងជំងឺដែលមានវ៉ាក់សាំងការពារ

អនុបណ្ឌិត វេជ្ជបណ្ឌិត លឿងជឹងក្វាង ប្រធានផ្នែកគ្រប់គ្រងនិងបង្ការជំងឺតម្កាត់នៃវិទ្យាស្ថាន Pasteur ក្រុងហូជីមិញ ឱ្យដឹង៖ ក្នុងឆ្នាំ ២០២៤ ចំនួនករណីកើតជំងឺនិងការបាត់បង់ជីវិតដោយសារជំងឺគ្រុនឈាម ថយចុះ ២១%; ជំងឺពងបែក ដៃជើងមាត់ ថយចុះ៥៧% និងជំងឺអុតស្វា ថយចុះ ៣៨%។ សារធាតុគីមីនិងថ្នាំសម្រាប់ព្យាបាលមានគ្រប់គ្រាន់; ដោយមានខេត្ត ក្រុងចំនួន១១/២០ បានអនុម័តកម្រិតចំណាយសម្រាប់សកម្មភាពសុខាភិបាលបង្ការ។ ថ្វីដ្បិតដូច្នោះក្តី ជំងឺកញ្ជ្រឹលកើន ៨២ ករណី ក្អកមាន់កើន ១៥០ ករណី និងជំងឺរលាកស្រោមជាលិកាខួរកើន ៨ ករណី។ ក្នុងពេលជំងឺទាំងនេះអាចបង្ការដោយវ៉ាក់សាំង។ ក្រៅពីនោះ ជំងឺឆ្កែឆ្កួតកើតមាន២៤ករណី (កើន៥ករណី)។ ក្រោយពី ១០ ឆ្នាំ បានកត់សម្គាល់ករណីជំងឺផ្តាសាយ A/H៥N១ ចំនួន ១ ករណី។ ក្នុងខែវិច្ឆិកា ឆ្នាំ ២០២៤ ទូទាំងប្រទេសបានកត់សម្គាល់សម្បុករោគផ្តាសាយបក្សី ១៤ កន្លែង នៅតាមខេត្តចំនួន ៩ ក្នុងនោះ នៅភាគខាងត្បូងមានសម្បុករោគផ្តាសាយបក្សីចំនួន ៩ នៅតាមខេត្តចំនួន៥។

អំពីជំងឺអុតស្វា អង្គការសុខភាពពិភពលោក (WHO) បានប្រកាសស្ថានភាពអាសន្នសុខាភិបាលសហគមន៍អន្តរជាតិអំពីជំងឺនេះពីរលើក។ ឆ្នាំ ២០២៤ នៅភាគខាងត្បូងបានកត់សម្គាល់ជំងឺអុតស្វា ៧៤ ករណី បាត់បង់ជីវិត៣ករណី គិតតាំងពីឆ្នាំ ២០២៣ មកទល់ពេលនេះគឺកើតជំងឺ២០៩ ករណី បាត់បង់ជីវិត៩ ករណី។ ប្រការគួរឱ្យកត់សម្គាល់គឺស្ថានភាពជំងឺកញ្ជ្រឹល។ គិតចាប់ពីដើមឆ្នាំ ២០២៤ រហូតដល់ថ្ងៃទី២០ ខែធ្នូ ភាគខាងត្បូងបានកត់សម្គាល់ជំងឺ ២៨.២៥៥ ករណី (បើប្រៀបនឹងរោគរាតត្បាតកាលពីឆ្នាំ ២០១៨-២០១៩ កើន ៥,៣%) ។ ក្នុងនោះ ករណីជំងឺកញ្ជ្រឹល ៣៥% បានប្រទះឃើញក្នុងក្រុមអាយុ ពី១២ខែដល់ ៥ ឆ្នាំ និង២០,៣% ក្នុងក្រុមអាយុពី៦-១០ ឆ្នាំ។ ទូទាំងភាគខាងត្បូង បានចាក់វ៉ាក់សាំងបង្ការជំងឺកញ្ជ្រឹលសម្រេចអត្រា៩០,២%។ តាមការវាយតម្លៃរហ័សរបស់វិទ្យាស្ថាន Pasteur អំពីការគ្រប់គ្រងមុខសញ្ញាកុមារក្នុងសហគមន៍ ពីអាយុ១-១០ ឆ្នាំ នៅតាមឃុំចំនួន ៣ ឆ្លងតាមរយៈធ្វើអង្កេតលើកុមារ៩៣នាក់ គឺអត្រាកុមារមិនបានចាក់វ៉ាក់សាំងបង្ការជំងឺកញ្ជ្រឹលគ្រប់គ្រាន់ ស្រូបអត្រា២៤,៧% អត្រានៅឆ្លកក្នុងយុទ្ធនាការនេះគឺ ៥៧,៥%។

ការប្រែប្រួលស្មុគស្មាញ

អនុបណ្ឌិត វេជ្ជបណ្ឌិត លឿងជឹងក្វាង ឱ្យដឹង៖ ការព្យាករណ៍ពីស្ថានភាពនៃជំងឺរាតត្បាត ដើមឆ្នាំ២០២៥ ចំនួនករណីកើតជំងឺកញ្ជ្រឹលនៅតែកើនឡើង បន្តកត់សម្គាល់ក្រុមអាយុពី១- ១០ ឆ្នាំ និងពង្រីកដល់ក្រុមអាយុមួយចំនួនទៀត។ ទ្រង់ទ្រាយនៃការរីករាលដាលរួមមាននៅតាមគ្រឹះស្ថានសុខាភិបាល សាលារៀន សហគមន៍និងមណ្ឌលឧស្សាហកម្ម រោងចក្រ សហគ្រាស។

តាមក្រុមអ្នកឯកទេស ចាប់ពីខែកញ្ញា ឆ្នាំ២០២៤ បានកត់សម្គាល់រប៉ែសរប៉សជំងឺពងបែកដៃជើងមាត់ប្រភេទធ្ងន់ EV ៧១ មួយចំនួន។ ដោយឡែកជំងឺគ្រុនឈាម ចាប់ផ្តើមកើនឡើង ពីខែតុលា ឯឆ្នាំមុនៗមានការថយចុះ។ តាមការព្យាករណ៍ ស្ថានភាពជំងឺគ្រុនឈាមនឹងប្រែប្រួលស្មុគស្មាញ។

ការលំបាកនាបច្ចុប្បន្ន គឺនៅមានខេត្ត ក្រុង ចំនួន៩/២០ មិនទាន់អនុម័តកម្រិតចំណាយសម្រាប់សកម្មភាពសុខាភិបាលបង្ការ (ជំនួសសារាចរលេខ២៦)។ កម្រិតអនុម័តនៅទាបនិងខ្វះខាត តួយ៉ាងដូចចាក់វ៉ាក់សាំងបង្ការទូទៅ គ្មានប្រាក់ឧបត្ថម្ភអ្នកធ្វើអង្កេតកុមារ អញ្ជើញកុមារឬប្រាក់ឧបត្ថម្ភអ្នកចាក់វ៉ាក់សាំងនោះទេ។ បុគ្គលិក ផ្លាស់ប្តូរជាបន្តបន្ទាប់ មិនបានហ្វឹកហ្វឺន មិនទាន់មានបំណិន។ល។ ការណែនាំមុខជំនាញមួយចំនួនអំពីការត្រួតពិនិត្យ បង្ការរោគឆ្លង អស់រយៈពេល១២ឆ្នាំកន្លងមិនទាន់បានធ្វើបច្ចុប្បន្នភាព និងផ្លាស់ប្តូរតាមស្ថានភាពជាក់ស្តែង។ ក្នុងរបាយការណ៍ប្រាប់អំពីរោគឆ្លង សហការជាមួយសាលារៀន -សុខាភិបាលនិងគ្រប់គ្រងករណីកើតជំងឺក្នុងសហគមន៍មិនទាន់តឹងរ៉ឹង និងត្រួតពិនិត្យមើលការចាក់វ៉ាក់សាំងនៅក្នុងសាលារៀន សហការរវាងសាលារៀន-សុខាភិបាល មិនទាន់មានការព្រមៗគ្នា៕

អត្ថបទនិងរូប៖ H.HOA - ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ