គោលនយោបាយ -ការរស់នៅ គោលនយោបាយ

23/12/2024 - 15:04

យកចិត្តទុកដាក់គិតគូរដល់ជីវភាពអ្នកក្រ

សមាគមកាកបាទក្រហមស្រុកចូវថាញ់ ខេត្តត្រាវិញ រួមជាមួយនឹងរដ្ឋអំណាចភូមិភាគនិងសប្បុរសជន បានអនុវត្តនូវគោលនយោបាយ សុខុមាលភាពសង្គមប្រកបដោយប្រសិទ្ធភាពនិងការងារសង្គមមនុស្សធម៌ គិតគូរដល់អ្នកក្រ។ សកម្មភាពនេះ រួមចំណែកជាបណ្ដើរៗកែលម្អជីវភាពប្រជាជន កាត់បន្ថយអត្រាគ្រួសារក្រីក្រ និងជំរុញការអភិវឌ្ឍសេដ្ឋកិច្ច-សង្គម។

សមាគមកាកបាទក្រហមស្រុកចូវថាញ់ កៀរគរសប្បុរសជនទទួលគាំពារ និងជូន
អាហារូបករណ៍ដល់សិស្សក្រីក្រសង្វាតរៀនសូត្រនៅទីប្រជុំជនចូវថាញ់។

លោកឡេមិញញឹក ប្រធានសមាគមកាកបាទក្រហមស្រុកចូវថាញ់ ឱ្យដឹង៖ “ដើម្បីអនុវត្តការងារសុខុមាលភាពសង្គម បានល្អឆ្នាំ២០២៤ សមាគមកាកបាទក្រហមស្រុកបានកៀរគរសប្បុរសជនក្នុងស្រុកនិងក្រៅស្រុក ជូនអំណោយដល់គ្រួសារក្រីក្រ គ្រួសារលំបាកចំនួន ១១.០១៤លើកនាក់; ឧបត្ថម្ភកង់១០គ្រឿងដល់សិស្សដែលមានស្ថានភាពលំបាក; ចែកជូនបាយដល់គ្រួសារក្រីក្រ គ្រួសារប្រកៀកបន្ទាត់ក្រ២.៩៦៥ចំណែក; សាងសង់ផ្ទះមេត្តាធម៌១៣ខ្នងជូនដល់សមាជិកក្រីក្រ សរុបថវិកាជាង៤,៦ពាន់លានដុង។ អនុវត្តកម្មវិធី “ធនាគារគោ” សមាគមកាកបាទក្រហមស្រុក បានសហការកៀរគរសម្ព័ន្ធក្រុមហ៊ុន Vingroup ក្រុងហូជីមិញ ឧបត្ថម្ភគោមេ៤០ក្បាលដល់គ្រួសារលំបាក៤០គ្រួសារនៅឃុំភឿកហាវ ហ្វាទ្វឹង ឡុងហ្វា សរុបថវិកា៨០០លានដុង។

សមាគមកាកបាទក្រហមស្រុកចូវថាញ់ ជូនអំណោយដល់គ្រួសារក្រីក្រ
គ្រួសារលំបាកនៅឃុំលឿងហ្វា។

លោកថាច់វ៉ាន់មុាំង នៅភូមិដំរីឆ្លង ឃុំថាញ់មី ឱ្យដឹង៖ “គ្រួសារខ្ញុំស្ថិតក្នុងក្របខ័ណ្ឌគ្រួសារលំបាក កន្លងហើយ បានសមាគមកាកបាទក្រហម ឃុំសហការជាមួយនឹងសមាគមកាកបាទក្រហម ស្រុកកៀរគរសប្បុរសជន ឧបត្ថម្ភអំណោយមួយចំណែក រួមមានគ្រឿងឧបភោគបរិភោគ និងទឹកប្រាក់សរុបតម្លៃ៦០០.០០០ដុង គ្រួសារខ្ញុំត្រេកអរខ្លាំងណាស់។ ក្រៅពីនោះ ក្នុងថ្ងៃបុណ្យធំៗ គ្រួសារខ្ញុំតែងបានទទួលអំណោយអំពីសមាគមកាកបាទក្រហមគ្រប់លំដាប់ថ្នាក់។ ខ្ញុំសន្យានឹងប្រឹងប្រែងធ្វើការងាររកស៊ី ដើម្បីឆ្លងផុតការលំបាក ឈានឡើងធូរធារ”។

ក្រៅពីអនុវត្តល្អនូវការងារសុខុមាលភាពសង្គម គិតគូរដល់គ្រួសារក្រីក្រ គ្រួសារលំបាក សមាគមកាកបាទក្រហមស្រុកចូវថាញ់ នៅទាំងចូលរួមកៀរគរអង្គការ បុគ្គលកសាងសំណង់សុខុមាលភាពសង្គម ចូលរួមកសាងជនបទថ្មីទៀតផង។ ក្នុងឆ្នាំ២០២៤ សមាគមបានសហការជាមួយនឹងផ្នែក អង្គការមហាជននានា កៀរគរសប្បុរសជនសាងសង់ផ្ទះមេត្តាធម៌១០ខ្នង កសាងនិងជួសជុលស្ពានបេតុងចំនួន៦ខ្សែ កៀរគរជួសជុលផ្លូវបេតុងតភ្ជាប់ភូមិមានប្រវែង ១,៨គីឡូម៉ែត្រ សរុបថវិកា៦,២ពាន់លានដុង៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ