សុខភាព - អប់រំ អប់រំ

03/12/2024 - 09:53

អប់រំវិជ្ជាជីវៈផ្សារភ្ជាប់នឹងដោះស្រាយការងារធ្វើ

ខេត្តសុកត្រាំង តែងផ្តោតការយកចិត្តទុកដាក់ដល់ការអប់រំវិជ្ជាជីវៈ ផ្គត់ផ្គង់កម្លាំងពលកម្មតាមតម្រូវការទីផ្សារការងារក្នុងនិងក្រៅប្រទេស សំដៅធានាមានការងារធ្វើបន្ទាប់ពីបានបណ្តុះបណ្តាល ជំរុញការអភិវឌ្ឍសេដ្ឋកិច្ចសង្គមរបស់ខេត្ត។

ពិធីចុះហត្ថលេខាលើកិច្ចព្រមព្រៀងសហប្រតិបត្តិការបណ្តុះបណ្តាលវិជ្ជាជីវៈ និងអ្នកប្រើប្រាស់កម្លាំងកម្មករនិយោជិត រវាងសាលាអនុមហាវិទ្យាល័យវិជ្ជាជីវៈសុកត្រាំងនិងសម្ព័ន្ធក្រុមហ៊ុនវៀតអ៊ុក។

តាមប្រសាសន៍លោក ត្រឹងថាញក្វាង នាយកមន្ទីរការងារយុទ្ធជនពិការនិងសង្គមកិច្ចខេត្តសុកត្រាំង ប៉ុន្មានឆ្នាំកន្លង ខេត្តបានជំរុញការចងសម្ព័ន្ធ សហការរវាងអាជីវកម្មនិងគ្រឹះស្ថានអប់រំវិជ្ជាជីវៈ ដើម្បីបណ្តុះបណ្តាលពលករផ្គត់ផ្គង់កម្លាំងពលកម្មតាមតម្រូវការទីផ្សារ ការងារក្នុងនិងក្រៅប្រទេស។ ក្នុងនោះ ផ្តោតលើការចងសម្ព័ន្ធ សហការបណ្តុះបណ្តាលប្រភពកម្លាំងពលកម្មគុណភាពខ្ពស់នៅប្រទេសជឿនលឿន មានដូច៖ អាល្លឺម៉ង់ អូស្ត្រាលី កាណាដា ជប៉ុន កូរ៉េ តៃវ៉ាន់(ចិន) ឥណ្ឌា។ល។ តាមរូបភាពរៀនបណ្តើរ ធ្វើការបណ្តើរ។ ប្រការនេះ បានរួមចំណែកគួរឱ្យកត់សម្គាល់ក្នុងការបណ្តុះបណ្តាលធនធានមនុស្សស្នងបន្ត និងលើកកម្ពស់គុណភាពប្រភពកម្លាំងពលកម្មរបស់ខេត្តសុកត្រាំង បើកក្តីសង្ឃឹមជាច្រើនសម្រាប់ពលករវ័យក្មេងស្វែងរកបានឱកាសសិក្សា បង្កើនចំណេះ ជំនាញ។

សាលាអនុមហាវិទ្យាល័យវិជ្ជាជីវៈសុកត្រាំង ជូនសញ្ញាបត្រដល់និស្សិតបញ្ចប់ការសិក្សា។

ខេត្តសុកត្រាំង មានគ្រឹះស្ថានអប់រំវិជ្ជាជីវៈចំនួន១៩ ដោយមានមូលដ្ឋានសម្ភារៈនិងបានបំពាក់ឧបករណ៍សព្វគ្រប់ កម្មវិធី គម្រោងសិក្សា គណៈគ្រប់គ្រង កងជួរគ្រូបង្រៀន។ល។ គ្រប់លក្ខណៈដើម្បីដំណើរការអប់រំវិជ្ជាជីវៈ តាំងពីវគ្គសិក្សារយៈពេលក្រោម៣ខែដល់កម្រិតអនុមហាវិទ្យាល័យជាមួយនឹងទ្រង់ទ្រាយជម្រើសសិស្សជាង២៣.០០០នាក់ក្នុងមួយឆ្នាំ។ រយៈកាល៣ឆ្នាំកន្លង ខេត្តបានជ្រើសរើសបណ្តុះបណ្តាលវិជ្ជាជីវៈដល់សិក្ខាកាមប្រមាណ៤៧.២៥០នាក់ ក្នុងនោះ កម្រិតអនុមហាវិទ្យាល័យ២.៥៦៥នាក់ មធ្យមសិក្សាវិជ្ជាជីវៈ២.៧៩៣នាក់ កម្រិតបឋម២៨.១៧២នាក់ វគ្គសិក្សារយៈពេលក្រោម៣ខែ ២៦.០៧៥នាក់ បណ្តុះបណ្តាលជាប្រចាំ៩.៩៥០ នាក់។ ក្នុងនោះ ឧបត្ថម្ភបណ្តុះបណ្តាលវិជ្ជាជីវៈកម្រិតបឋមនិងវគ្គសិក្សារយៈពេលក្រោម៣ខែ ផ្សារភ្ជាប់នឹងដោះស្រាយការងារធ្វើជូនពលករនៅតំបន់ជនរួមជាតិភាគតិចប្រមាណ៥.៩៤៨នាក់ រកបានប្រាក់ចំណូលមធ្យមភាគពី៤-៨លានដុង/ខែ (យោងតាមមុខរបរ)។ តាមប្រសាសន៍លោកគ្រូ ត្រឹងខាញ់ នាយករងអនុមហាវិទ្យាល័យវិជ្ជាជីវៈសុកត្រាំង សាលាបណ្តុះបណ្តាលនិងផ្គត់ផ្គង់ប្រភពធនធានមនុស្សតាមតម្រូវការទីផ្សារការងាររបស់អាជីវកម្មសម្ព័ន្ធក្រុមហ៊ុន។ បច្ចុប្បន្ន សាលាបណ្តុះបណ្តាលមុខវិជ្ជាចំនួន១៣ ក្នុងនោះ មុខវិជ្ជាកម្រិតអាស៊ានចំនួន២ មុខវិជ្ជា កម្រិតជាតិចំនួន៣ រួមមាន៖ បច្ចេកទេសជួសជុល ផ្គុំដំឡើងកុំព្យូទ័រ; គ្រប់គ្រងបណ្តាញកុំព្យូទ័រ; បច្ចេកទេសរថយន្ត; បច្ចេកទេសម៉ាស៊ីនត្រជាក់; អេឡិចត្រូនិកឧស្សាហកម្ម; អគ្គិសនីឧស្សាហកម្ម; ផលិតចំណីអាហារ។ល។ អាជីវកម្មឧបត្ថម្ភនិស្សិតធ្វើកម្មសិក្សានិងជ្រើសរើសចូលធ្វើការបន្ទាប់ពីបញ្ចប់ការសិក្សា; ធានាក្នុងរយៈពេល៦ខែ ចាប់ពីបញ្ចប់ការសិក្សាសិក្ខាកាមមានការងារធ្វើ១០០%។ ទន្ទឹមនឹងនោះ សាលានៅទាំងចងសម្ព័ន្ធជាមួយអាជីវកម្ម សម្ព័ន្ធក្រុមហ៊ុន បណ្តុះបណ្តាលនិងបញ្ជូននិស្សិតជាច្រើនទៅសិក្សាធ្វើការនៅប្រទេសក្រៅ តាមរូប ភាពរៀនបណ្តើរ ធ្វើការបណ្តើរ។

លោកត្រឹងថាញក្វាង បានឱ្យដឹងថា មន្ទីរការងារយុទ្ធជនពិការនិងសង្គមកិច្ច ធនាគារគោលនយោបាយសង្គម មន្ទីរអប់រំនិងបណ្តុះបណ្តាល អាជីវកម្ម ក្រុមហ៊ុនបានចុះហត្ថលេខាលើកិច្ចព្រមព្រៀងសហប្រតិបត្តិការដើម្បីបើកឱកាសការងារ បង្កើនប្រាក់ចំណូលដល់កម្មករនិយោជិត បានរួមចំណែកគួរឱ្យកត់សម្គាល់ក្នុងការបណ្តុះបណ្តាលប្រភពធនធានមនុស្សគុណភាពខ្ពស់សម្រាប់ខេត្ត៕

យ្វីអាញ-មុនី

ចែករំលែកអត្ថបទ

ពាក្យគន្លឹះ