ព្រឹត្តិការណ៍ - នយោបាយ ព្រឹត្តិការណ៍

14/11/2025 - 21:05

រួមបញ្ចូលក្រុមហ៊ុនឆ្នោតជាតិកឹងធើ សុកត្រាំង ហូវយ៉ាង

ទីក្រុងកឹងធើនឹងរួមបញ្ចូលក្រុមហ៊ុនឆ្នោតជាតិចំនួន ៣ គឺ កឹងធើ ហូវយ៉ាង និងសុកត្រាំង ប៉ុន្តែរក្សាចំនួនថ្ងៃចេញសន្លឹកឆ្នោត ៣ ថ្ងៃ ដូចពីមុន។ តាមការរំពឹងទុក ក្នុងឆ្នាំ ២០២៦ ក្រុមហ៊ុនឆ្នោតជាតិបានរួមចំណែក ២៥% នៃចំណូលថវិកាសរុបរបស់ទីក្រុង។

ទីស្នាក់ការបច្ចុប្បន្នរបស់ក្រុមហ៊ុនឆ្នោតជាតិកឹងធើ- រូបថត៖ ជីក្វឹក

នៅថ្ងៃទី ១៤ ខែវិច្ឆិកា តាមប្រភពព័ត៌មានកាសែតទុយទ្រែ Online បានឱ្យដឹងថា គណៈកម្មាធិការប្រជាជនទីក្រុងកឹងធើ ទើបចេញផែនការរៀបចំនិងរចនាសម្ព័ន្ធអង្គការបណ្តាស្ថាប័នរដ្ឋបាល អង្គភាពបម្រើបុព្វហេតុរដ្ឋនិងសហគ្រាសរដ្ឋ នៅលើភូមិឋានទីក្រុង។

គួរកត់សម្គាល់ ក្នុងចំណោមសហគ្រាសរដ្ឋដែលស្ថិតក្នុងក្របខ័ណ្ឌរៀបចំរចនាសម្ព័ន្ធ គណៈកម្មាធិការប្រជាជនក្រុងកឹងធើ ក៏បានដាក់ចេញផែនការរួមបញ្ចូលសម្រាប់ក្រុមហ៊ុនឆ្នោតជាតិចំនួន ៣ ផងដែរ។

ជាក់ស្តែង គណៈកម្មាធិការប្រជាជនទីក្រុងកឹងធើ បានវាយតម្លៃថា ក្រុមហ៊ុនឆ្នោតជាតិកឹងធើ ហូវយ៉ាងនិងសុកត្រាំង សុទ្ធតែជាសហគ្រាសរដ្ឋដែលមានដើមទុន ១០០% ជារបស់រដ្ឋ មានទម្រង់ប្រតិបត្តិការនិងមុខរបរធ្វើអាជីវកម្មស្រដៀងគ្នា ដូច្នេះការរួមបញ្ចូលជាក្រុមហ៊ុនតែមួយ នឹងលើកកម្ពស់ប្រសិទ្ធភាពប្រតិបត្តិការ សម្រិតសម្រាំងបានប្រព័ន្ធគ្រប់គ្រង។

ថ្វីដ្បិតដូច្នោះ ក្រុមហ៊ុនឆ្នោតទាំងនេះកំពុងមានការរួមចំណែកយ៉ាងធំធេងដល់ចំណូលថវិការបស់ទីក្រុងជារៀងរាល់ឆ្នាំ (រំពឹងទុកនៅឆ្នាំ ២០២៦ នឹងរួមចំណែកប្រហែល ២៥% នៃចំណូលថវិកាសរុបរបស់ទីក្រុង) ដោះស្រាយបានការងារធ្វើជូនពលករយ៉ាងច្រើននិងអនុវត្តបណ្តាសកម្មភាពសុខុមាលភាពសង្គមក៏ច្រើនផងដែរ។

ដូច្នេះក្រោយពីរួមបញ្ចូល សំណើរក្សាចំនួនថ្ងៃចេញសន្លឹកឆ្នោត ៣ ថ្ងៃ ដូចពីមុន (ថ្ងៃពុធ ឆ្នោតកឹងធើនិងសុកត្រាំង ថ្ងៃសៅរ៍ ឆ្នោតហូវយ៉ាង ដោយសារថ្ងៃពុធជាន់គ្នា ដូច្នេះ សំណើក្រសួងហិរញ្ញវត្ថុ រៀបចំទៅថ្ងៃផ្សេងដែលសមស្រប) និងរក្សាឈ្មោះឆ្នោតកឹងធើ ឆ្នោតសុកត្រាំង និងឆ្នោតហូវយ៉ាង សម្រាប់ថ្ងៃចេញសន្លឹកឆ្នោតនីមួយៗ។

ប្រការនេះ សំដៅធានារក្សាលក្ខណៈស្នងបន្ត អភិរក្សនិងអភិវឌ្ឍប្រភពចំណូលសម្រាប់ថវិកាទីក្រុង បង្កការងារធ្វើលំនឹងជូនពលករនិងជំរុញពាណិជ្ជកម្ម សេវាកម្មឱ្យអភិវឌ្ឍ ព្រោះបន្ទាប់ពីរួមបញ្ចូលគ្នា វិស័យពាណិជ្ជកម្ម សេវាកម្ម នៅលើភូមិឋានសុកត្រាំងនិងហូវយ៉ាងរងផលប៉ះពាល់យ៉ាងច្រើនផងដែរ។

បន្ទាប់ពីរួមបញ្ចូល ដើមទុនចុះបញ្ជីសរុបគឺ ១.៦០៤,៨៨ ពាន់លានដុង ទំហំសហគ្រាសកើនឡើង ដូច្នេះ ស្នើទម្រង់គ្រប់គ្រងតាមទម្រង់ក្រុមប្រឹក្សាសមាជិក គណៈអគ្គនាយក ទីស្នាក់ការរបស់ក្រុមហ៊ុន បន្ទាប់ពីរួមបញ្ចូលដាក់នៅទីក្រុងកឹងធើ មានសាខាចំនួនពីរនៅសុកត្រាំងនិងហូវយ៉ាង។

គណៈកម្មាធិការប្រជាជនទីក្រុងកឹងធើ ក៏បានឱ្យដឹងថា កំពុងចង្អុលការដល់ក្រុមហ៊ុនទទួលខុសត្រូវមានកម្រិតរដ្ឋ សមាជិកមួយឆ្នោតជាតិកឹងធើ សកម្មអនុវត្តគម្រោងរចនាសម្ព័ន្ធ និងដកទុនវិនិយោគលើការវិនិយោគក្រៅវិស័យ។

យោងតាមគណៈកម្មាធិការប្រជាជនក្រុងកឹងធើ បច្ចុប្បន្នទីក្រុងមានអង្គភាពបម្រើបុព្វហេតុរដ្ឋចំនួន ១.៤៤០ រួមមាន ១៨ អង្គភាពចំណុះគណៈកម្មាធិការប្រជាជនទីក្រុង ២៨៤ អង្គភាពចំណុះមន្ទីរ ផ្នែក និងប្រហាក់ប្រហែល ១.០៨៦ អង្គភាពចំណុះគណៈកម្មាធិការប្រជាជនថ្នាក់ឃុំ ២៨ អង្គភាពចំណុះសាខានាយកដ្ឋាន ២៤ អង្គភាពបម្រើបុព្វហេតុរដ្ឋចំណុះអង្គភាពបម្រើបុព្វហេតុរដ្ឋ។

លទ្ធផលក្រោយពីរចនាសម្ព័ន្ធឡើងវិញ តាមផែនការដែលបានដាក់ចេញខាងលើ នឹងកាត់បន្ថយបាន ៥ អង្គភាពបម្រើបុព្វហេតុរដ្ឋចំណុះគណៈកម្មាធិការប្រជាជនទីក្រុង កាត់បន្ថយ ៧៧ អង្គភាពបម្រើបុព្វហេតុរដ្ឋ ចំណុះមន្ទីរ ផ្នែកនានា កាត់បន្ថយ ៥ សហគ្រាសរដ្ឋ ទន្ទឹមនឹងនោះ កើន ៧៣ អង្គភាពបម្រើបុព្វហេតុរដ្ឋចំណុះគណៈកម្មាធិការប្រជាជនថ្នាក់ឃុំ៕

យោងតាម ÷tuoitre.vn - សុផន

ចែករំលែកអត្ថបទ

ពាក្យគន្លឹះ