សន្តិសុខ - ការពារប្រទេស ការពារប្រទេស

04/11/2024 - 15:07

ប្រសិទ្ធភាពក្នុងការកសាងកងកម្លាំងនគរបាលរៀបរយនៅមូលដ្ឋាន

ជាមួយនឹងទិសស្លោក "គោរពប្រជាជន ជិតស្និទ្ធជាមួយប្រជាជន ពេលប្រជាជនត្រូវការពេលប្រជាជនលំបាកគឺមាននគរបាល" កងកម្លាំងនគរបាលរៀបរយថ្នាក់ឃុំ ទីប្រជុំជនរបស់ខេត្តបាកលីវ បានពង្រីកល្អនូវតួនាទី ភារកិច្ចក្នុងការងារធានាសន្តិសុខសណ្តាប់ធ្នាប់នៅមូលដ្ឋាន។

នគរបាលខេត្តបាកលីវ ប្រគល់មធ្យោបាយជំនាញដល់កងកម្លាំងនគរបាលឃុំ ទីប្រជុំជន។

យោងតាមនគរបាលខេត្តបាកលីវ អង្គភាពបានចាត់បញ្ជូននគរបាលរៀបរយ៥០០រូប ចុះមកបម្រើការងារនៅឃុំ ទីប្រជុំជនទាំង៥៤/៥៤ ដោយធានាឃុំនីមួយៗមាននគរបាលរៀបរយតិចបំផុត៨រូប ទីប្រជុំជននីមួយៗមានតិចបំផុត១២រូប និងរៀបចំឱ្យមានកម្លាំងសើុបអង្កេតសម្រាប់នគរបាលឃុំ ទីប្រជុំជនទាំង១០០% តាមសេចក្តីកំណត់របស់ក្រសួងនគរបាល។ ទន្ទឹមនឹងនោះ នគរបាលខេត្តក៏បានផ្តល់មធ្យោបាយជាង១២.៦០០គ្រឿង ដល់នគរបាលឃុំ ទីប្រជុំជន មានដូច៖ រថយន្តជំនាញ កាណូត សម្ភារៈការិយាល័យ ឧបករណ៍ជំនួយ គ្រឿងម៉ាស៊ីនសម្រាប់អនុវត្តភារកិច្ចក្នុងការតស៊ូបង្ការប្រឆាំងបទល្មើស។

កងកម្លាំងនគរបាលឃុំ ទីប្រជុំជន តែងម្ចាស់ការច្បាមភូមិសាស្ត្រស្តាប់និងដោះស្រាយនូវមតិគោលបំណងស្របច្បាប់របស់ប្រជាជន។ ម្ចាស់ការធ្វើសេនាធិការជូនគណៈកម្មាធិការបក្សគ្រប់លំដាប់ថ្នាក់ រដ្ឋអំណាចភូមិភាគ រៀបចំកិច្ចប្រជុំប្រជាជននិងបំផុសចលនា “ទូទាំងប្រជាជនការពារសន្តិសុខមាតុភូមិ” បានជិត២.៥០០ លើក ដោយមានមនុស្សចូលរួមប្រមាណជាង២៦៧.០០០លើកនាក់ អប់រំមុខសញ្ញាបំពានច្បាប់ជាង៣.៨០០នាក់ សម្រុះសម្រួលករណីវិវាទក្នុងផ្ទៃក្នុងប្រជាជនបានជាង៥០០ករណី ពង្រឹងនិងលើកកម្ពស់គុណភាពទម្រង់ចំនួន២៨៩ និងអង្គការមហាជនចំនួន៤.៤៤៨ បង្ហាញមុខទម្រង់ចំនួន១២ ពង្រីកវិសាលភាព១២៤ទីតាំង ។ល។ ផ្តើមពីនោះ រួមចំណែកលើកកម្ពស់គុណភាពទម្រង់បង្ការប្រឆាំងបទល្មើស កៀរគរកម្លាំងទូទាំងប្រជាជនចូលរួមការពារសន្តិសុខសណ្តាប់ធ្នាប់នៅមូលដ្ឋាន។ ក្រៅពីនោះ កងកម្លាំងនគរបាលឃុំ ទីប្រជុំជន បានប្រទះឃើញមុខសញ្ញាបំពានច្បាប់១.០៩៦ករណី ក្នុងនោះ បញ្ជូនទៅស្ថាប័នសើុបអង្កេត៥៥៤ករណី សួរចម្លើយផ្ទាល់និងចាត់វិធានការតាមផ្លូវច្បាប់បាន៥៤២ករណី។ ពិន័យរដ្ឋបាល៨២៩ករណី ជាមួយនឹងទឹកប្រាក់ពិន័យសរុបជាង៣,២ពាន់លានដុង កសាងសំណុំរឿងបញ្ជូនទៅមណ្ឌលផ្តាច់ញៀនចំនួន៣៧១ មុខសញ្ញាឃាត់ខ្លួននិងចលនាមុខសញ្ញាតាមចាប់ខ្លួនចេញសារភាពចំនួន៤០មុខសញ្ញា។ល។ លោកង្វៀងង៉ុកភឿង ប្រធានគណៈកម្មាធិការប្រជាជនឃុំវិញហូវ ស្រុកហ្វាប៊ិញ ឱ្យដឹង៖ “ចាប់តាំងពីចាត់កម្លាំងនគរបាលរៀបរយចុះមកមូលដ្ឋាន ឃើញថា ស្ថានភាពសន្តិសុខសណ្តាប់ធ្នាប់លើភូមិសាស្ត្រមានការប្រែប្រួលជាវិជ្ជមាន។ ជាពិសេស កម្លាំងនគរបាលរៀបរយតែងជិតដិត ស្និទ្ធស្នាលនឹងប្រជាជន ស្តាប់មតិយោបល់របស់ប្រជាជន ផ្អែកលើប្រជាជនដើម្បីធ្វើការ ផ្តោតការយកចិត្តទុកដាក់អនុវត្តល្អការងារសុខុមាលភាពសង្គម គិតគូរដល់គ្រួសារប្រជាជនដែលមានស្ថានភាពលំបាក មនុស្សចាស់គ្មានទីពឹង កុមារកំព្រា។ល។ រួមចំណែកលើកកម្ពស់គុណភាព ជីវភាពរបស់ប្រជាជនលើភូមិសាស្ត្រឃុំ”។

លោកវរសេនីយ៍ឯក ហូវៀតទ្រីវ នាយកនគរបាលខេត្តបាកលីវ គូសបញ្ជាក់៖ “កងកម្លាំងនគរបាលឃុំ ទីប្រជុំជន ត្រូវបានបណ្តុះបណ្តាល បំពាក់បំប៉ន លើកកម្ពស់វិជ្ជាជីវៈ បំផុតគឺភាសាខ្មែរ និងធ្វើបច្ចុប្បន្នភាពចំណេះដឹងអភិបាលកិច្ចអំពីសន្តិសុខសណ្តាប់ធ្នាប់នៅមូលដ្ឋាន។ល។ គ្រប់សមត្ថភាពដោះស្រាយបញ្ហាសន្តិសុខសណ្តាប់ធ្នាប់តាំងពីដំបូងនិងនៅមូលដ្ឋាន”៕

យ្វីអាញ-ប្រែសម្រួល៖ មុនី

ចែករំលែកអត្ថបទ

ពាក្យគន្លឹះ