ព្រឹត្តិការណ៍ - នយោបាយ ព្រឹត្តិការណ៍

15/01/2024 - 16:37

ជូនអាហារូបករណ៍វ៉ឺអាយិញ និងក្លឹប "ដើម្បីហ្វាងសា-ទ្រឿងសាជាទីស្រឡាញ់" ដល់សិស្សគៀងយ៉ាង

ជូនអាហារូបករណ៍វ៉ឺអាយិញ ដល់សិស្សជនជាតិភាគតិច តំបន់សមុទ្រ កោះ

សម្ព័ន្ធយុវជនគៀងយ៉ាង សហការជាមួយនឹងមន្ទីរអប់រំនិងបណ្តុះបណ្តាលខេត្តគៀងយ៉ាង ទើបរៀបចំពិធីជូនអាហារូបករណ៍វ៉ឺអាយិញ និងក្លឹប “ដើម្បីហ្វាងសា-ទ្រឿងសាជាទីស្រឡាញ់” ឆ្នាំសិក្សា ២០២៣- ២០២៤។

អតីតអនុប្រធានរដ្ឋ ត្រឿងមីហ្វា និងថ្នាក់ដឹកនាំខេត្តគៀងយ៉ាង ជូនអាហារូបករណ៍វ៉ឺអាយិញដល់សិស្សានុសិស្សជនជាតិភាគតិចដែលមានជីវភាពខ្វះខាតលើភូមិសាស្ត្រខេត្តគៀងយ៉ាង។

នៅក្នុងពិធីនេះ មូលនិធិអាហារូបករណ៍វ៉ឺអាយិញ បានជូនអាហារូបករណ៍ ៥៥ ចំណែក (ក្នុងមួយចំណែក ១ លានដុង) ដល់សិស្សានុសិស្សជនជាតិភាគតិចដែលមានជីវភាពខ្វះខាត។ ក្លឹប “ដើម្បីហ្វាងសា-ទ្រឿងសាជាទីស្រឡាញ់” ផ្តល់ជូនអាហារូបករណ៍ ៦០ ចំណែក (ក្នុងមួយចំណែក ១ លានដុង) ដល់សិស្សដែលជាកូនកម្មាភិបាល យុទ្ធជននៃបញ្ជាការដ្ឋានកងទ័ពការពារព្រំដែនគៀងយ៉ាង និងជូនអាហារូបករណ៍ ៨០ ចំណែក (ក្នុងមួយចំណែក១លានដុង) ដល់សិស្សនៅតាមឃុំកោះលើភូមិសាស្ត្រខេត្តគៀងយ៉ាង។ គណៈកម្មការរៀបចំ ថែមទាំងជូនអាហារូបករណ៍ ៣ ចំណែក “រង្វង់ដៃមនុស្សធម៌” (ទឹកប្រាក់ ៦ លានដុង/ឆ្នាំ/ម្នាក់) ដល់សិស្សានុសិស្សដែលរងផលប៉ះពាល់ដោយសារជំងឺ COVID-១៩; ជូនកង់ ២០ គ្រឿង “រង្វង់ដៃនៃក្ដីស្រឡាញ់” គិតជាតម្លៃទឹកប្រាក់ ៤០ លានដុងដល់សិស្សានុសិស្សដែលមានជីវភាពខ្វះខាតលើភូមិសាស្ត្រខេត្ត។

បច្ចុប្បន្ន ទូទាំងខេត្តគៀងយ៉ាង មានសិស្សជនជាតិភាគតិច៤៤.៧២០នាក់ ក្នុងចំណោមសិស្សចំណេះទូទៅសរុប ៣០៨.០០៨ នាក់។ ចាប់ពីឆ្នាំសិក្សា២០២៣-២០២៤ មកទល់ពេលនេះ មូលនិធិអាហារូបករណ៍ “វ៉ឺអាយិញ” បានឧបត្ថម្ភអាហារូបករណ៍ ៨០៥ ចំណែកគិតជាតម្លៃទឹកប្រាក់សរុប ៨០៥ លានដុង ផ្តល់ជូនសិស្សជនជាតិភាគតិច; សិស្ស៨៣នាក់បានទទួលប្រយោជន៍ពីគម្រោងផ្សេងៗនៃមូលនិធិអាហារូបករណ៍ ដូច៖ បណ្តុះពន្លកអនាគតបណ្តុះក្តីស្រមៃ និងឧបត្ថម្ភនិស្សិតជាដើម។ ចាប់ពីឆ្នាំសិក្សា២០១៨-២០១៩ មកទល់ពេលនេះ ក្លឹប “ដើម្បីហ្វាងសា-ទ្រឿងសាជាទីស្រឡាញ់” បានផ្តល់ជូនអាហារូបករណ៍ ១.១០០ ចំណែកដល់សិស្សដែលជាកូនកម្មាភិបាល យុទ្ធជន កំពុងបំពេញភារកិច្ចការពារមាតុភូមិ និងកូននេសាទករដែលមានជីវភាពខ្វះខាតលើភូមិសាស្ត្រខេត្តគៀងយ៉ាង៕

លោកស្រីត្រឿងមីហ្វា ប្រធានមូលនិធិអាហារូបករណ៍វ៉ឺអាយិញ ប្រធានក្លឹប “ដើម្បីហ្វាងសា-ទ្រឿងសា ជាទីស្រឡាញ់” និងលោកស្រីហូធីកឹមដាវ អនុលេខប្រចាំការនៃគណៈកម្មាធិការបក្សខេត្តសុកត្រាំង ជូនអាហារូបករណ៍ដល់ប្អូនៗសិស្សានុសិស្ស។

*គណៈអចិន្ត្រៃយ៍នៃសម្ព័ន្ធយុវជនខេត្តសុកត្រាំង សហការជាមួយនឹងមន្ទីរអប់រំនិងបណ្តុះបណ្តាលខេត្ត និងគណៈកម្មការសម្របសម្រួលមូលនិធិអាហារូបករណ៍វ៉ឺអាយិញ និងអាហារូបករណ៍ “ដើម្បីហ្វាងសា-ទ្រឿងសាជាទីស្រឡាញ់” បានរៀបចំពិធីជូនអាហារូបករណ៍ ៩០ ចំណែកដល់សិស្សជនជាតិភាគតិចនិងតំបន់សមុទ្រកោះ កូនកម្មាភិបាល- យោធិនអាជីពកងទ័ពការពារព្រំដែន សិស្សរងប៉ះពាល់ដោយសារជំងឺ COVID-១៩ លើភូមិសាស្ត្រខេត្ត។ ក្នុងចំណោមអាហារូបករណ៍ទាំង ៩០ ចំណែក មានអាហារូបករណ៍៣ ចំណែកដែលជាចំណងដៃមនុស្សធម៌សម្រាប់ប្អូនៗសិស្សានុសិស្សរងប៉ះពាល់ដោយសារជំងឺ COVID-១៩ (ក្នុងមួយចំណែកៗគឺ ៦ លានដុង) ក្រៅពីនោះ ក្នុងមួយចំណែកគឺ ១ លានដុង។

នាឱកាសនេះ កាសែតយុវវ័យឈានមុខនិងកុមារ- មជ្ឈិមសម្ព័ន្ធយុវជនកុម្មុយនិស្តហូជីមិញ ក៏បានជូនកង់ ១៥ គ្រឿង ក្នុងមួយគ្រឿងគិតជាតម្លៃទឹកប្រាក់ ២ លានដុង ដល់សិស្សមានជីវភាពខ្វះខាតលើភូមិសាស្ត្រខេត្តផងដែរ៕

កាសែតកឹងធើ - លីធាន-លីសៀ

ចែករំលែកអត្ថបទ

ពាក្យគន្លឹះ