សុខភាព - អប់រំ សុខភាព

15/08/2023 - 11:00

ឆ្លើយតបតម្រូវការពិនិត្យព្យាបាលជំងឺរបស់ប្រជាជន

មន្ទីរសុខាភិបាលខេត្តត្រាវិញ បានវិនិយោគមូលដ្ឋានសម្ភារៈដោយឥតឈប់ឈរ; លើកកម្ពស់គុណភាពកងជួរគ្រូពេទ្យវេជ្ជបណ្ឌិត ដើម្បីឆ្លើយតបតម្រូវការពិនិត្យព្យាបាលជំងឺរបស់ប្រជាជន។

វេជ្ជបណ្ឌិតថាច់ទ្រុងញ៉ឹង អនុប្រធានផ្នែករោគវិនិច្ឆ័យរូបភាពនៃមន្ទីរពេទ្យពហុព្យាបាលខេត្តត្រាវិញ កំពុងពិនិត្យជំងឺជូនប្រជាជន។

លោកកៀងសុខា នាយកមន្ទីរសុខាភិបាលខេត្តត្រាវិញ ឱ្យដឹង៖ “មន្ទីរតែងយកចិត្តទុកដាក់វិនិយោគមូលដ្ឋានសម្ភារៈពេទ្យ ឆ្លើយតបតម្រូវការពិនិត្យព្យាបាលដល់អ្នកជំងឺ។ បច្ចុប្បន្ន ទូទាំងខេត្តមានមូលដ្ឋានពិនិត្យព្យាបាលជំងឺ១២៨កន្លែង មានគ្រែអ្នកជំងឺលើម៉ឺនប្រជាជនសម្រេច២៦,៤គ្រែសម្រេច៩៩,៨%នៃផែនការ; អត្រាចំនួនប្រជាជនចូលរួមធានារ៉ាប់រងសុខាភិបាលសម្រេច៨០,៨៣%។ ចាប់ពីដើមឆ្នាំមកបានពិនិត្យ ព្យាបាលជំងឺ ជូនប្រជាជនជាង៧៧១,៤១២លើកនាក់; រកឃើញនិងកម្ចាត់សំបុករោគចំនួន៨៦ ជំងឺគ្រុនឈាម ២៤៤ករណីនិងជំងឺពងដៃ-ជើង-មាត់៣៣ ករណី៘”។

មន្ទីរពេទ្យពហុព្យាបាលខេត្តត្រាវិញ ត្រូវបានកសាងលើផ្ទៃដីជាង១៦,៦ហិកតា មានទ្រង់ទ្រាយ ៧០០គ្រែ សរុបថវិកាសាងសង់១.៦០០ពាន់លានដុង ក្នុងនោះ ទុនមូលបត្ររដ្ឋ១.៤០០ ពាន់លានដុង ថវិកាភូមិភាគ២០០ពាន់លានដុង។ ដូច្នេះ មន្ទីរពេទ្យពហុព្យាបាលខេត្តត្រាវិញ បានបែងចែកការកសាងជា២ដំណាក់កាលគឺ៖ ដំណាក់កាល១ កសាងអគារព្យាបាល អគាររាយរង សំណង់បច្ចេកទេសផ្សេងៗ និងបំពាក់គ្រឿងបរិក្ខារពេទ្យ៘ សំណង់កម្ពស់៩ជាន់ ផ្ទៃធារជាន់ទី១ គឺ១៣.៩២៥ម៉ែត្រការ៉េ ផ្ទៃធារសរុបទាំងអស់គឺ៥៧.២៣៨ម៉ែត្រការ៉េ បច្ចុប្បន្ន សំណង់បានដាក់ឱ្យប្រើប្រាស់៘ ឆ្លើយតបតម្រូវការពិនិត្យ ព្យាបាលជំងឺរបស់ប្រជាជន។ ដំណាក់កាល២ កំពុងត្រៀមលក្ខណៈកសាងផងដែរ។

អ្នកមីងថាច់ធីបៃ នៅអនុសង្កាត់៧ សង្កាត់ ៧ ក្រុងត្រាវិញ ឱ្យដឹង៖ “ពេលឈឺថ្កាត់ម្តងៗ ខ្ញុំតែងទៅមន្ទីរពេទ្យពហុព្យាបាលខេត្តត្រាវិញ ពិនិត្យជំងឺ។ មន្ទីរពេទ្យពេទ្យនេះ កសាងរឹងមាំ គ្រូពេទ្យនៅទីនេះតែងអស់ពីចិត្តគិតគូរដល់សុខភាពប្រជាជន”។

ក្រៅពីវិនិយោគមូលដ្ឋានសម្ភារៈ បំពាក់គ្រឿងបរិក្ខារពេទ្យ មន្ទីរសុខាភិបាលខេត្តត្រាវិញ ថែមទាំងផ្តោតទៅលើការលើកកម្ពស់កម្រិតមុខជំនាញ គុណភាពមុខជំនាញបច្ចេកទេសដល់កងជួរកម្មាភិបាលពេទ្យទៀតផង។ ពិសេស ជំរុញការកែទម្រង់រដ្ឋបាល បំប្រួញពេលវេលា រង់ចាំ បង្កលក្ខណសម្បត្តិងាយស្រួលសម្រាប់ប្រជាជនបង្ខិតជិតសេវាកម្មផ្សេងៗ កាត់បន្ថយថវិកាព្យាបាល ព្រមទាំងកាត់បន្ថយការជញ្ជូនអ្នកជំងឺទៅពេទ្យថ្នាក់លើ៕

សើុងម៉ាល័យ-លីសៀ

ចែករំលែកអត្ថបទ

ពាក្យគន្លឹះ