សុខភាព - អប់រំ អប់រំ

31/07/2023 - 16:46

ជំនួយកម្លាំងសិស្សក្រីក្ររៀនសូត្រ

សមាគមជំរុញការសិក្សាខេត្តបាកលីវ ខ្នះខ្នែងឧបត្ថម្ភអាហារូបករណ៍ដល់សិស្សដែលមានជីវភាពខ្វះខាត សិស្សជនជាតិភាគតិចក្រីក្រ បង្កជាកម្លាំងចលករនិងក្តីជំនឿ ដើម្បីប្អូនៗឆ្លងកាត់ការលំបាក ឈានឡើងក្នុងការរៀនសូត្រ។

លោកត្រឹងហ្វាងយ្វៀង ប្រធានសមាគមជំរុញការសិក្សាខេត្តបាកលីវ ជូនអាហារូបករណ៍ដល់សិស្សដែលមានជីវភាពខ្វះខាត។

យោងតាមសមាគមជំរុញការសិក្សាខេត្តបាកលីវ ឆ្នាំ២០២២ សមាគមគ្រប់លំដាប់ថ្នាក់បានចលនា និងអនុវត្តសង្គមូបនីយកម្មអប់រំបានទឹកប្រាក់ជាង១៧,៥ពាន់លានដុង។ ផ្តើមពីប្រភពមូលនិធិនេះ សមាគមបានជូនអាហារូបករណ៍ជាង១.៣០០ចំណែកដល់សិស្ស និស្សិតក្រីក្រនិងសិស្សជនជាតិភាគតិច មានជីវភាពខ្វះខាត; អាហារូបករណ៍ជំរុញបញ្ញា ១០០ចំណែកដល់សិស្ស និស្សិតរៀនពូកែ និងជូនមធ្យោបាយ សិក្ខូបករណ៍រៀនសូត្រដល់សិស្សក្រីក្រឆ្លងកាត់ការលំបាក សិស្សដែលគ្រួសាររងផលប៉ះពាល់ពីជំងឺ COVID - ១៩ សិស្សពិការ និងសិស្សដែលរងជាតិពុលឌីអូស៊ីន៘ ប្អូនឡេត្រេវម៉ឹង និស្សិតមហាវិទ្យាល័យឱសថសាស្រ្តកឹងធើ ឱ្យដឹង៖ “នេះគឺជាលើកទី២ ហើយដែលប្អូនទទួលបានអាហារូបករណ៍របស់ខេត្ត ម្ល៉ោះហើយបានបង្កជាកម្លាំងចលករដ៏ធំសម្រាប់ការរៀនសូត្ររបស់ប្អូន។ ពួកប្អូនជាសិស្សមានជីវភាពខ្វះខាតផ្សេងៗគ្នា ប៉ុន្តែមានក្តីប្រាថ្នាដូចគ្នា នោះគឺចង់រៀនសូត្របានចប់ចុងចប់ដើម។ អាហារូបករណ៍បានជួយប្អូននិងមិត្តភក្តិឯទៀត មានទំនុកចិត្តលើខ្លួនឯងដើម្បីរៀនសូត្របានល្អ ហើយកាត់បន្ថយបន្ទុកដល់គ្រួសារផង”។ រីឯប្អូនថាច់ធីយ៉េមត្រាង នៅស្រុកដុងហាយ ឱ្យដឹង៖ “រយៈពេល១២ឆ្នាំរៀនសូត្រ ប្អូនទទួលបានការជួយឧបត្ថម្ភពីលោកគ្រូ អ្នកគ្រូ ពិសេសគឺអាហារូបករណ៍របស់ខេត្ត បានផ្តល់ទំនុកចិត្តដើម្បីប្អូនរៀនបានល្អ។ ឆ្នាំនេះ ប្អូនប្រឡងសញ្ញាបត្រមធ្យមសិក្សាទុតិយភូមិ ប៉ុន្តែគ្រួសារក្រីក្រ ម្ល៉ោះហើយទទួលបានអាហារូបករណ៍របស់ខេត្តលើកនេះ កាន់តែធ្វើឱ្យប្អូនលំនឹងចិត្តចូលរៀនមហាវិទ្យាល័យ។ ប្អូនសន្យានឹងរៀនឱ្យបានពូកែ ដើម្បីមិនឱ្យខកបំណងនៃការលះបង់របស់គ្រួសារ និងការយកចិត្តទុកដាក់ឧបត្ថម្ភរបស់លោកគ្រូអ្នកគ្រូ”។

លោកត្រឹងហ្វាងយ្វៀង ប្រធានសមាគមជំរុញការសិក្សាខេត្តបាកលីវ ឱ្យដឹង៖ “បច្ចុប្បន្ន ការងារជំរុញកាសិក្សា ជំរុញបញ្ញា និងកសាងសង្គមរៀនសូត្រ មានសម្ទុះសាយភាយយ៉ាងខ្លាំង ទទួលបានការស្រុះចិត្តគំនិតគាំទ្រយ៉ាងសកម្មពីប្រជាជន។ ពិសេស សមាគមបានគ្របដណ្ដប់១០០% ទៅដល់ឃុំ សង្កាត់ ទីប្រជុំជន និងសាខាសមាគមភូមិ អនុសង្កាត់ មណ្ឌល តាំងទីលំនៅ; សមាជិកនៃសមាគមជំរុញការសិក្សាស្រូបអត្រាជាង៤៦,៣% នៃចំនួនប្រជាជនក្នុងខេត្ត។ ដូច្នេះ សមាគមជំរុញការសិក្សា គ្រប់លំដាប់ថ្នាក់ បានពង្រីកល្អនូវការងារចលនា អង្គភាពផ្សេងៗ សប្បុរសជនរួមវិភាគទានជូនមូលនិធិជំរុញការសិក្សារបស់ខេត្ត ដើម្បីបន្តឧបត្ថម្ភដល់សិស្សនិស្សិតដែលមានជីវភាពខ្វះខាត ជាពិសេសគឺសិស្សនិស្សិតជនជាតិភាគតិចក្រីក្រមានលក្ខណៈរៀនសូត្របានល្អ រួមចំណែកទៅក្នុងបុព្វហេតុបំប៉ន និងអភិវឌ្ឍន៍ធនធានមនុស្សវ័យក្មេងរបស់ខេត្ត”៕

ថាញ់យ្វី-លីសៀ

ចែករំលែកអត្ថបទ

ពាក្យគន្លឹះ